Genesisi 20:6 - Tshwa Bible

⁶ Nungungulu i te ngalo kakwe le norweni: Nza zi tiva lezaku u mahile lezo zilo hi kululama ka mbilu ya wena; hikwalaho nzi lo ku siwukisa mina, akuva u nga nzi onheli; hi kota ya lezo a nzi ku vumelangi a kuva u mu henya.

Genesisi 20:6 교차 참조

Genesisi 20:18

Hakuva Jehova i wa valile hakunene wontihe a marumbu ya yindlu ya Abimeleki hi kota ya Sara, a sati wa Abrahama.

Genesisi 26:11

Abimeleki i lo leletela vanhu vakwe, aku: Loye a khomako hi kubiha loyi munhu ni sati wakwe i ta dawa futsi,

Genesisi 3:3

kanilezi a mihanzu ya sinya leyi yi nga xikari ka simu, Nungungulu i te ngalo, mu nga ta yiga, hambu ni ku yi henya, kasi mu ngafi.

Genesisi 31:24

Nungungulu i lota ka Labani a muArame hi kulora ni wusiku, i te ngalo kakwe: Ti wonele lezaku u nga wulawuli ka Jakobe a kusasa hambu kubiha.

Genesisi 31:7

Kanilezi a raru wa nwina i nzi khohlisile khume ga zikhati a hunzulusa a hakhelo ya mina; kanilezi Nungungulu a nga vumelangi a kuva a nzi mahela kubiha.

Genesisi 35:5

Va lo andlamuka. A xichavo xa Nungungulu xi wa hi ka miti leyo yi nga wa va ranzele, hikwalaho vona a va va lanzangi a vana va Jakobe.

Genesisi 39:9

I hava wahombe ka leyi yindlu ku hunza mina, a nga nzi tsimbeteli nchumu a handle ka wena, hakuva u nga sati wakwe. Nzi ta mahisa kuyini loku kubiha, nzi onha ka Nungungulu ke?

Tisimu 51:4

Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4

Tisimu 81:12

Hikwalaho nzi lo va tsika kunonoheni ka timbilu tabye, Va lo famba hi makungo yabye. Ezek. 20:25; Miti. 14:16; Rom. 1:24

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Eksodusi 34:24

Hakuva nzi ta hlongola matiko mahlweni ka wena, nzi kulisa a tiko ga wena: ku nga tava kona a munhu a ta nga mbilukela a tiko ga nwina, loku mu ya ti wonekelisa kanharu hi lembe mahlweni ka Jehova, Nungungulu wa wena.

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Mavingu 6:29

Hikwalaho loyi a enghenako ka wasati wa muakelane wakwe, i wihi loyi a mu henyako, a nga ta kuva hava nanzu.

Levi 6:2

Loku munhu a onhile, a mahile lezi zi nga faneliko mahlweni ka Jehova, hi kukhohlisa muakelane wakwe hi zilo zi vekilweko mandleni yakwe, kutani hi zilo zi lombilweko, kutani hi lezi zi wutlilweko, kutani i yivile a zilo za muakelane wakwe,

Mateu 27:19

Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

1 Va le Korinte 7:1

Xungetano ni timhaka leti mu nga nzi tsalela, nzi ngalo: A wanuna i maha khwatsi loku a nga khumbi wasati,

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

2 Va le Tesalonika 2:11

Hikwalaho Nungungulu wa va rumela a ntamu lowu wu hambukisako, kasi va fela ku kholwa mawunwa; 1 Tih. 22:22; Ezek. 14:9; Mat. 24:5; Rom. 1:24; 1 Tim. 4:1

2 Va le Tesalonika 2:7

Hakuva a fihlakalo wo hambunyeta nayo wu sina wu tira ni lezi; kanilezi wu tira ntsena kala a susiwa loyi a wu tsimbetelako. 1 Joh. 4:3

1 Samueli 25:26

Hikwalaho, hosi yanga, nzi hlambanya ha Jehova ni muhefemulo wa wena, Jehova i ku valele a ku halata nkhata ni ku ti photela hi canja ga wena. Makunu a valala va wena ni lava va hlotako ku maha kubiha hi hosi ya mina, a va kote Nabali!

1 Samueli 25:34

Loku ku wa nga hi lezi Jehova Nungungulu wa ka Israeli a nga nzi valela ku ta ku mahela za kubiha, nzi hlambanya hi Jehova a hanyako, loku u wa nga hatlisangi ku ta nzi khinga, ngha ku nga salangi na nchumu ka Nabali, hambu ni munhu munwe wa xinuna, na gambo gi nga se huma.