Ezra 9:13 - Tshwa Bible

¹³ Kota lezi hi humelweko hi makhombo yo tala, hi kota ya zimaho za hina za kubiha, ni milanzu ya hina ya hombe, na hi wona lezaku wena Nungungulu wa hina a ku hi tsayisangi maringano ni kuonha ka hina, kanilezi u hi lonzowotela misalela ya kunghahi,

Ezra 9:13 교차 참조

Nehemia 13:18

A hi zalezi zi nga mahiwa hi vararu va nwina, kala Nungungulu a hi tsayisa ni muti lowu ke? Kanilezi a mu tsayi ku kokela Israeli ginwani khulo hi ku nyenyezisa a siku ga sabado.

Nehemia 9:32

Hikwalaho wena Nungungulu wa hina, u nga Nungungulu wa hombe, wa ntamu, wo tshisa, loyi a hlayisako xivumelwano ni wuxinji, ngha hlomulo lowu wu ngavi wutsongwani mahlweni ka wena, lowu wu weleko hehla ka hina, ni tihosi ta hina, ni tihosana ta hina, ni vapristi va hina, ni vaprofeti va hina, ni vararu va hina, ni hehla ka vanhu va wena vontlhe kusukela xikhatini xa tihosi ta le Assiria kala lezi.

Joba 11:6

I wa ta ku kombisa mifihlakalo ya wutlhari, Legi gi wuyetako ha kambiri lezi u zi tivisako zona. Hikwalaho zi tive lezaku Nungungulu a nga ku tsayisi ku ringana ni kugoha ka wena.

Tisimu 103:10

A nga hi maheli nchumu hi lipimo la zionho za hina, Ge hambu ku hi tlhelisela maringano ni zigoho za hina.

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.

Habakuka 3:2

Jehova, nzi zwile a mubiko wa wena, nzi wuya nzi chava! Jehova, vuxa a ntiro wa wena xikari ka malembe lawa, A xikari ka malembe lawa u ta wu tivekisa; Alakanya ku hi hawukela zangeni ya wena.

Va le Galatia 3:4

Xana mu xanisekele zilo zontlhe lezi mahala ke? Loku hakunene zi hi mahala! 2 Joh. 8