Ezra 8:22 - Tshwa Bible

²² Hakuva nzi wa hi ni tingana a ku kombela ka hosi a butho ga tinhenha ni vakhileli va mahaxi, kasi va hi vikela ka valala lomu ndleleni, hakuva nzi wa ngha nzi byelile a hosi, nziku: A canja ga Nungungulu wa hina ga va yimela vontlhe lava va mu lavako, kanilezi a ntamu wakwe ni zanga yakwe, zilwa ni vontlhe lava va mu fularelako.

Ezra 8:22 교차 참조

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

Ezra 7:28

loyi a nzi mahileko nzi kuma tipswalo ka hosi, ni ka tinduna ta hubye gakwe, ni ka tihosana tontlhe ta tinhenha ta hosi! Mina nzi lo tiyiswa hlana, khwatsi hi lezi a canja ga Jehova Nungungulu wa mina gi nga hehla ka mina; nzi tsombanyisile a masingalakati ya va ka Israeli, lezaku va kanziha zinwe na mina.

Ezra 7:6

Ezra loyi i lo suka hi le Babuloni; i wa hi mutsali a tlharihileko milayweni ya Mosi leyi yi nyikilweko hi Jehova Nungungulu wa ka Israeli. A hosi yi lo mu nyika zontlhe lezi a nga zi kombela, hakuva a canja ga Jehova Nungungulu wakwe gi wa hi zinwe na yena.

Ezra 7:9

Hakuva yena i lo suka le Babuloni hi siku go ranga ga hweti yo sangula, zonake a chikela Jerusalema hi siku go ranga ga hweti ya wuntlhanu, khwatsi hi lezi a canja ga tipswalo ta Nungungulu gi nga hi zinwe na yena.

Ezra 8:31

Hi lo suka Congweni wa Ahava hi siku ga 12 ga hweti yo sangula hiya Jerusalema; a canja ga Nungungulu wa hina gi wa hi zinwe na hina, a hi ponisa mandleni ya valala, ni lava va nga wa hi tumbelele lomu ndleleni,

Nehemia 2:9

Zonake nzi lo chikela ka vafumeli va le tlhatuko wa congo nzi va nyika mapapilo ya hosi. A hosi yi wa nzi rumele ni tinduna ta yimpi ni vakhileli va mahaxi, va nzi pangalata.

Tisimu 20:8

Vona va korama, vawa lahasi, Kanilezi hina hi vuka hi yima hiku nde, nde!

Tisimu 34:22

Jehova wa tirula a mihefemulo ya malanza yakwe; Ku nga ta koneka ni munwe wa lava va chavelako ka yena.

Tisimu 90:11

Himani a tivako a ntamu wa zanga ya wena? Ni kuholova ka wena, lezaku kasi a chava wena kota lezi ku faneleko.

Mikosi 3:25

Jehova i nene ka vona lava va mu langutelako, Ni ka muhefemulo lowu wu mu hlotako.

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

1 Va le Korinte 9:15

Kanilezi mina a nzi ti vunangi hi xinwe xa lezi zilo. A nzi tsali lezi lezaku kasi nzi fela ku mahelwa lezo; hakuva i chukwana ka mina a kuva nzifa, ku hunza lezaku munhu a nzi tekela a wudzunzo ga mina.

2 Va le Korinte 7:14

Hakuva hambu loku nzi ti kulisile ha nwina mahlweni ka yena, a nzi wiswangi tingana; hakuva kota lezi nzi nga wula zinene ka nwina timhakeni tontlhe, hizalezo ni kutikulisa ka mina ha nwina mahlweni ka Titusi, ku lo kumeka na ku hi zinene.

Maheberu 10:38

Loyi a lulamileko wa mina i ta hanya hi kukholwa; Kanilezi loku a tlhelela nzhako, a muhefemulo wa mina a wu tsaki ha yena. Gal. 3:11

Joxua 22:16

A tlhangano wontihe wa Jehova, wu ngalo: Xana kuhambuka ka kuyini loku mu ku mahileko mu vukela Nungungulu wa ka Israeli, lezi mu fularelako Jehova legi siku, mu ti akela a alati mu hluwuka Jehova legi siku ke?

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

1 Pedro 3:12

A mahlo ya Hosi ma cuwuka a valulamileko, Ni tindleve ta yona ti kangatele mikombelo yabye; Kanilezi a nghohe ya Hosi yi tsuvile ka vona lava va mahako kubiha. Joh. 9:31