Ezra 6:15 - Tshwa Bible

¹⁵ A yindlu yi mbhela hi siku ga wunharu ga hweti ya Adara, hi lembe ga wu 6 ga kufuma ka hosi Dariusi.

Ezra 6:15 교차 참조

1 Tihosi 8:63

Solomoni i lo nyikela a miphahlelo ya kurula; a minyikelo leyi a nga phahlela ka Jehova ku wa hi 22,000 wa tihomu, ni 120,000 wa tiyivu; lezo hi lezi a hosi ni vanana va ka Israeli va nga nyikelisisa ha zona a yindlu ya Jehova.

Ezra 4:24

Zonake va lo kaketa a ntiro wa yindlu ya Nungungulu le Jerusalema; va lo tsika kala lembe ga wumbiri ga kufuma ka Dariusi a hosi ya le Persia.

Ezra 5:16

Zonake Xexbazare loye i tile a ta vekela xiseketelo xa yindlu ya Nungungulu le Jerusalema; kusukela xikhatini xwalexo ya ha akiwa, a yi se nga mbhela.

Ezra 9:9

Hakuva hina hakunene hi tikhumbi, kanilezi lomu wukhumbini ga hina Nungungulu wa hina a nga hi tsikangi; kanilezi i lo hi kombisa tipswalo mahlweni ka tihosi ta vaPersia, a hi humuta, lezaku kasi hi aketa a yindlu ya Nungungulu wa hina, yi vuxiwa luswa wutshanwini ga yona, hi nyikiwa a khokhola lomu tikweni ga ka Juda ni Jerusalema.

Estere 3:13

A mapapilo ma rumelwa hi mitsukano matikweni wontihe ya hosi, kasi ku hihirita, va chinza vaku bhi vontlhe vaJuda, a vatsongwani ni vahombe, a zihlangana ni vavasati, hi siku ginwe ga 13 hi hweti ya wu 12 yi nga Adare, va tlhela va phanga a nhunzu yabye.

Estere 3:7

Hi hweti yo sangula, yi nga Nisani, hi lembe ga wu 12 ga kufuma ka hosi Ahasuerusi, va lo hlahluva Pure, yi nga hlolo, mahlweni ka Hamani siku ni siku ka tihweti tontlhe kala ka ya wu 12, yi nga hweti ya Adare.

Estere 8:12

hi siku ginwe ka wontihe matiko ya hosi Ahasuerusi, gi nga siku ga 13 ga hweti ya wu 12, yi nga hweti ya Adare.

Estere 9:1

Makunu hi hweti ya wu 12, yi nga ya Adare, hi siku ga 13, laha a zileletelo za hosi zi nga wa fanele ku tatiseka, a siku lego a valala va vaJuda va nga tsumba lezaku va ta va vukela ha gona, kanilezi a mhaka yi hunzulwa, a vaJuda va hi vona va vukelako valala vabye;

Estere 9:15

A vaJuda lava va nga wa hi lomu Xuxani va lo tsombana kambe hi siku ga 14 ga hweti ya Adare, va daya 300 wa vavanuna lomu Xuxani. Kanilezi a va na nga phanga nchumu.

Estere 9:17

Lezo zi lo maheka hi siku ga 13 ga hweti ya Adare; ku ku hi siku ga 14 wa ywaleyo hweti va humula, va maha ha gona mubuzo va tsaka.

Estere 9:19

Hikwalaho a vaJuda lava va akileko lomu mitini yi nga bhiywangiko, a siku ga 14 ga hweti ya Adare va maha mibuzo va tsaka, giva ximuse, va rumelana zinyikiwo ha gona.

Estere 9:21

lezaku va tlhangana lembe ni lembe, va hlayisa a siku ga 14 ni ga 15 lomu ka hweti ya Adare,

Zakaria 1:1

Hi hweti ya wuntlhanu ni tinharu, hi lembe ga wumbiri ga kufuma ka Dariusi, a mhaka ya Jehova yi lota ka muprofeti Zakaria nʼwana Berekia, nʼwana Iddo, yiku:

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Zakaria 4:9

A mandla ya Zerubabeli ma vekile a xiseketelo xa yindlu leyi, a mandla yakwe ma ta yi mbheta: mu ta zi tiva lezaku Jehova wa tiyimpi i nzi rumile ka nwina.