Ezra 4:24 - Tshwa Bible

²⁴ Zonake va lo kaketa a ntiro wa yindlu ya Nungungulu le Jerusalema; va lo tsika kala lembe ga wumbiri ga kufuma ka Dariusi a hosi ya le Persia.

Ezra 4:24 교차 참조

Ezra 3:8

Makunu hi lembe ga wumbiri ga kuwuya kabye lomu ndlwini ya Jehova le Jerusalema, lomu ka hweti ya wumbiri, Zerubabeli nʼwana Xealtieli, na Jexua nʼwana Jozadake, ni vanakulobye lava va nga wa hi vapristi, ni va ka Levi, ni vontlhe lava va nga tlhelela Jerusalema na va huma hi le kukhonweni, va lo sangula ku tira; ku lo yimiswa vaLevi kusukela ka va 20 wa malembe kuya mahlweni, kasi ku fambisa a ntiro wa yindlu ya Jehova.

Ezra 4:23

Makunu laha a timhaka ta hosi Artaxerxesi ti nga wa gonzilwe mahlweni ka Rehuma, na Ximxai a mutsali, ni vanakulobye, va lo hatlisa vaya ka vaJuda le Jerusalema va ya va tsikisa hi ntamu ni wurena.

Ezra 4:5

va lo xavelela a masingalakati lezaku va juwungela kuxuva kabye, va maha lezo wontihe masiku ya kuhanya ka Kurusi a hosi ya le Persia, kala masikwini ya kufuma ka Dariusi a hosi ya le Persia.

Ezra 5:1

Makunu a xikhati lexi muprofeti Hagai na muprofeti Zakaria nʼwana Ido va wa profeta ka vaJuda va le Judia ni le Jerusalema; va lo profeta kabye hi vito ga Nungungulu wa ka Israeli. Hag. 1:1; Zak. 1:1; 6:11

Ezra 5:5

Kanilezi a tihlo ga Nungungulu wabye gi wa hi hehla ka masingalakati ya va ka Juda; va lo tsika ku va beletela kala a mhaka leyo yi yiswa ka Dariusi, na va ha rinzela a papilo ga hlamulo wa mhaka leyo.

Ezra 6:1

Zonake hosi Dariusi i lo leletela lezaku a ku hloliwe lomu ndlwini ya mapapilo ya tihosi ta Babuloni, lomo ku nga wa vekiwa kona titshomba.

Ezra 6:14

A masingalakati ya vaJuda va lo aka na va tsakile, na va tiyiswa hi kuprofeta ka muprofeti Hagai na Zakaria nʼwana Ido. Va lo aka va mbheta, khwatsi hi kuleletela ka Nungungulu wa ka Israeli ni kuwula ka Kurusi na Dariusi, na Artaxerxesi a hosi ya le Persia.

Ezra 6:15

A yindlu yi mbhela hi siku ga wunharu ga hweti ya Adara, hi lembe ga wu 6 ga kufuma ka hosi Dariusi.

Nehemia 6:3

Nzi lo rumela a mitsukano kabye yi yaku: Nzi na ni ntiro wa hombe; hikwalaho a nzi zi koti ku relela nzifa. Nzi wa ta kaketela yini ntiro nzita leyo mu nga kona?

Nehemia 6:9

Hakuva vontlhe va wa lava ku hi dzukisela, vaku: A mandla yabye ma tava ni gome, va nga zi koti ku maha a ntiro. Kanilezi, wena Nungungulu, tiyisa a mandla ya mina.

Joba 20:5

A kukhana ka vakubiha ku komile, Ni kutsaka ka mukhohlisi ka xikhatanyana ke?

Danieli 11:2

Makunu nzi ta ku byela a zinene. Ka ha ta huma tihosi tinharu le Persia; a ya wumune yi tava ni kufuma ku hunza tona tontlhe. Loku a titshomba takwe ti mu nyikile a ntamu, i ta vuxa vontlhe a ku yalwa ni tiko ga maGreki.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Hagai 1:15

hi siku ga 24 ga hweti ya wuntlhanu ni yinwe, hi lembe ga wumbiri ga kufuma ka hosi Dariusi.

Hagai 2:15

Makunu nza mu kombela, lezaku mu ehleketa lezaku ku wa mahisa kuyini kusukela nyamutlha kuya nzhako, hi mahlweni na ku nga se vekiwa a ribye ginwe hehla ka ginwani a tempeleni ya Jehova;

Hagai 2:18

Nza mu kombela lezaku mu ehleketa kusukela nyamutlha kuya nzhako, kusukela siku ga 24 ga hweti ya wuntlhanu ni mune kala a siku legi a xiseketelo xa yindlu ya Jehova xi nga yimisiwa ha gona, ehleketani lezaku ku wa mahisa kuyini.

Zakaria 1:1

Hi hweti ya wuntlhanu ni tinharu, hi lembe ga wumbiri ga kufuma ka Dariusi, a mhaka ya Jehova yi lota ka muprofeti Zakaria nʼwana Berekia, nʼwana Iddo, yiku:

1 Va le Tesalonika 2:18

Hakuva hi wa xuvile a kuta ka nwina; nguvu mina Paule, nzi ringile kanwe ni kumbiri, kanilezi Satani i lo hi thindekisa. Rom. 1:13