Ezekieli 9:2 - Tshwa Bible

² Languta, ku lota ntlhanu wa vavanuna ni munwe hi tlhelo ga nyangwa ya le hehla, yi ngomamako Nwalungu; a munwe ni munwani na a khomile a mutsayi canjeni gakwe. A munwe wabye i wa ambele a tinguwo ta wukene na hi ni zo tsala ha zona na zi bohilwe laha reveni gakwe. Va lo enghena, va yima kusuhani ni alati ga suku. Ezek. 8:3; Kuv. 15:1, 6

Ezekieli 9:2 교차 참조

2 Tihosi 15:35

Ntsena lezaku a matshamu ma tlakukileko a ma susiwangi. A vanhu va lo simamisa va nyikela miphahlelo ni ku hisa tibani lomu matshanwini ma tlakukileko. I lo aka a nyangwa ya le hehla ya yindlu ya Jehova.

2 Kronekele 27:3

I lo aka a nyangwa ya le hehla ya yindlu ya Jehova, a maha mitiro ya hombe hi khurisi ga Ofeli.

2 Kronekele 4:1

Tlhatakumbiri, i lo maha a alati ga suku; a kuleha ka gona gi wa hi 20 wa mikono, a kuanama ka gona gi wa hi 20 wa mikono, ni kutlakuka ka gona gi wa hi 10 wa mikono. Ekso. 27:1

Eksodusi 40:29

I lo veka a alati ga miphahlelo ya kuhiswa hi laha nyangweni ya yindlu ya tenda ga mutlhangano, a nyikela a miphahlelo ya kuhiswa ni miphahlelo ya zakuga hehla ka gona, kota lezi Jehova a nga leletela Mosi.

Jeremia 1:15

Hakuva nzi ta ramba a tixaka tontlhe ta matiko ya le Nwalungu, ku wula Jehova; linwe ni linwani li ta ta yimisa xitshamu xa wuhosi xa lona laha tinyangweni ta Jerusalema, kasi ku vukela a makhurisi ma ranzelekeleko muti, ni ku vukela a miti yontlhe ya ka Juda.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 26:10

A tihosana ta ka Juda, loku ti zwile lezo, ti lo kanziha hi ndlwini ya hosi tiya ndlwini ya Jehova, ti ya tshama hi laha wuenghenweni ga nyangwa yiswa ya Jehova.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Ezekieli 10:2

Yena aku ka loyi a ambeleko tinguwo ta wukene: Enghena xikari ka maranzani lahasi ka kerubima, u tata mandla ya wena hi makhala ya nzilo lawa ma nga laha xikari ka makerubima, u ma hangalasa hehla ka muti. Nzi lo mu wona na kari a enghena.

Ezekieli 8:3

I lo nawuluta xo khwatsi hi woko, a nzi khoma hi misisi ya mina, zonake a moya wu lo nzi tlakula ndengelengeni, wu nzi yisa Jerusalema hi miwoniso ya Nungungulu, a ka nyangwa ya le nzeni ya hubye, leyi yi ngomamako Nwalungu, laha ku nga hi ni xifananiso lexi xi vuxako kutsanwa ka Nungungulu. 2 Kro. 33:7, 15; Ezek. 3:12

Ezekieli 9:11

Languta, a munhu loyi a nga ambele a tinguwo ta wukene, a hi ni zo tsala ha zona laha reveni gakwe, i te ngalo: Nzi mahile khwatsi hilezi u nzi leleteleko zona.

Ezekieli 9:3

A kungangamela ka Nungungulu wa Israeli ku wa sukile laha ka makerubima laha ku nga hi kona, giya nyangweni ya yindlu. Zonake Jehova i lo vitana loyi a nga wa ambele a nguwo ya wukene, loyi a nga hi ni zo tsala ha zona laha reveni gakwe,

Danieli 10:5

nzi lo tlakusa a mahlo ya mina, nzi wona a wanuna loye a nga ambele tinguwo ta wukene, na a bohile tinyonga takwe hi bhandi ga nzalama ya le Ufazi. Jer. 10:9; Kuv. 1:13

Danieli 12:6

A munwe wabye i te ngalo ka loyi a nga ambele a tinguwo ta wukene, a nga hi le hehla ka mati ya congo: A magumo ya masingita laya ma tata rini?

Levi 16:4

I ta ambala a hembe go basa ga wukene, a ambala ni bhuluku ga wukene kasi ku fihla wumbyiri gakwe, a ti boha a bhandi ga wukene, a vekela a xihuku xa wukene laha hlokweni. Leti tinguwo to basa; hikwalaho i ta ranga hi ku hlamba lomu matini, zonake a ambala.

Amosi 9:1

Nzi lo wona Hosi na yi yimile kusuhani ni alati, yiku ngalo: Bana tihloko ta timhanze, kasi a zipimbitsi za tinyangwa zi tsekatseka, u zi fayela hehla ka tihloko ta lava va nga kona lomo; lava va ta nga sala nzi ta va daya hi supado, ku nga ta tsutsuma ni munwe hambu ku pona.

Kuvululelwa 15:6

Ku lo huma a ntlhanu wa tingelosi hi timbiri hi lomu tempeleni, na ti hi ni ntlhanu wa zixaniso ni zimbiri; ti wa ambele tinguwo to basa ta wukene, na ti bohile a mabhandi ya nzalama zifuveni za tona. Ekso. 28:6, 8; Ezek. 44:17