Ezekieli 8:3 - Tshwa Bible

³ I lo nawuluta xo khwatsi hi woko, a nzi khoma hi misisi ya mina, zonake a moya wu lo nzi tlakula ndengelengeni, wu nzi yisa Jerusalema hi miwoniso ya Nungungulu, a ka nyangwa ya le nzeni ya hubye, leyi yi ngomamako Nwalungu, laha ku nga hi ni xifananiso lexi xi vuxako kutsanwa ka Nungungulu. 2 Kro. 33:7, 15; Ezek. 3:12

Ezekieli 8:3 교차 참조

1 Tihosi 18:12

Loku nzi sukile, ku ta si dzuka kuta a Moya wa Jehova wu ta ku tlakula wu ku yisa laha nzi nga ku tiviko; nzi tava nzi tivisile Ahabi, a wuya a nga ku kumi, zonake a nzi daya. Kasilezo a nanza ga wena ga chava Jehova kusukela wunwananeni gakwe. 2 Tih. 2:16; Miti. 3:39

2 Tihosi 16:14

Kanilezi a alati legi gi nga wa hi mahlweni ka Jehova, i lo gi susa laha wutshanwini ga gona mahlweni ka tempeli, laha xikari ka yindlu ya Jehova ni alati legi giswa, a gi veka laha kusuhani ni alati gakwe hi tlhelo ga Nwalungu.

2 Tihosi 2:16

vaku kakwe: Languta, ku na ni 50 wa vavanuna va ntamu laha xikari ka malanza ya wena, a va fambe va ya lava a hosi ya wena, hakuva kutani a Moya wa Jehova wu mu tekile wu ya mu hoxa le xitsungeni, hambu le nzhelelweni. I te ngalo: Mu nga va rumi!

2 Tihosi 21:7

I lo yimisa a zifananiso za Axtarte a zi mahileko ndlwini leyi hi kota ya Davida ni nʼwana wakwe Solomoni Jehova a nga te: Leyi yindlu ni muti wa Jerusalema nzi zi hlawule xikari ka tontlhe tixaka ta ka Israeli kasi ku aka a vito ga mina kala kupinzuka.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Eksodusi 20:4

U nga ti maheli xifananiso xi vatlilweko xo fanana ni zilo lezi zi nga le hehla tilweni, hambu ni lezi zi nga lahasi misaveni, ni xa lezi zi nga lomu matini lahasi ka misava.

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Eksodusi 34:14

Hakuva wena u nga ta khizamela munwani nungungulu, hakuva Jehova loyi a vito gakwe a nga Mupinyami, i Nungungulu wo pinyama.

Jeremia 32:34

Kanilezi va yimisile a manyala yabye a ndlwini leyi yi vitwako hi vito ga mina, va yi nyenyezisa. 2 Tih. 21:4; Jer. 7:30

Jeremia 7:30

Hakuva a vanana va ka Juda va mahile kubiha a mahlweni ka mina, ku wula Jehova; va enghenisile a manyalataniso yabye lomu ndlwini yi vitanwako hi vito ga mina, va yi nyenyezisa.

Ezekieli 1:1

Hi lembe ga 30, hi siku ga wuntlhanu ga hweti ya wumune, khwatsi hilezi nzi nga hi xikari ka lava va nga hi wukhumbini, le congweni wa Kebare, a matilo ma lo vululeka, nzi wona a miwoniso ya ka Nungungulu.

Ezekieli 10:3

A makerubima ma wa yimile hi tlhelo ga xinene ga yindlu, laha a munhu loyi a nga enghena; ni refu gi lo tata a hubye ya lomu xikari. 1 Tih. 8:10; Isa. 6:4

Ezekieli 11:1

A moya wu lo nzi tlakusa wu nzi yisa nyangweni ya tlhelo ga Mutsuwuka-gambo ya yindlu ya Jehova, leyi yi cuwukako Mutsuwuka-gambo. Nzi lo wona 25 wa vavanuna na va yimile laha nyangweni; xikari kabye nzi lo wona Jaazania nʼwana Azzura, na Pelatia nʼwana Benaia, va nga tihosana ta tiko.

Ezekieli 11:24

A moya wu lo nzi tlakula wu nzi yisa Kaldea hi muwoniso wa Moya wa Nungungulu, a ka lava va nga hi wukhumbini. Zonake a muwoniso lowu nzi nga wu wona wu lo suka mahlweni ka mina.

Ezekieli 2:9

Laha nzi nga cuwuka, nzi lo wona a woko na gi nawulutilwe ka mina, na gi khomile a bhuku gi songilweko.

Ezekieli 3:12

Zonake a moya wu lo nzi tlakusa, na nzizwa anzhako ka mina a huwa ya xidlemo xa hombe, yiku: A gi dumiswe a wukosi ga Jehova laha wutshanwini gakwe.

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Ezekieli 37:1

A canja ga Jehova gi wa hi hehla ka mina, i lo nzi humesa hi Moya wa Jehova, a ya nzi veka lomu xikari ka livala li nga wa tele hi marambu.

Ezekieli 40:2

Hi miwoniso ya Nungungulu i lo nzi yisa tikweni ga Israeli, a ya nzi yimisa hehla ka xitsunga xo leha, laho ku nga hi xo khwatsi i muti hi tlhelo ga Dzonga.

Ezekieli 43:5

Zonake a moya wu lo nzi tlakula wu nzi yisa hubyeni ya lomu xikari, nzi wona lezaku a kungangamela ka Jehova ku wa tatile a yindlu.

Ezekieli 43:8

leti ti nga veka a xipimbitsi xabye kusuhani ni xa mina, ni timhanze ta livati labye kusuhani ni timhanze ta livati la mina, ku hi ni khurisi ntsena xikari ka mina ha vona; va nyenyezisa a vito ga mina ga kubasa hi manyalataniso yabye lawa va nga ma maha, nzi kala nzi va lovisa hi zanga ya mina.

Ezekieli 5:11

Hikwalaho khwatsi hilezi nzi hanyako, ku wula Hosi Jehova, kota lezi u nyenyezileko a yindlu ya mina yo basa hi zilo za wena zo nyenyeza, ni manyala wontihe ya wena, nzi ta ku bakanya, a tihlo ga mina gi nga ta ku nyenyeletela, nzi nga ta ku hawukela.

Ezekieli 7:20

Va wa ti kulisa hi kota ya wumbhuri ga siliva yabye ni nzalama; kanilezi va mahile hi zona a zifananiso za manyalataniso yabye ni zilo zo tshisa. Hikwalaho nzi zi mahile a zilo zo nyenyeza ka yona.

Ezekieli 8:5

Aku ka mina: Nʼwana wa munhu, tlakusa a mahlo ya wena u cuwuka Nwalungu. Nzi lo tlakusa mahlo ya mina nzi cuwuka Nwalungu, nzi wona a xifananiso lexi xi vuxako kutsanwa ka Nungungulu laha nyangweni ya tlhelo ga Nwalungu ya alati. Ekso. 20:5; Deut. 32:16

Ezekieli 9:2

Languta, ku lota ntlhanu wa vavanuna ni munwe hi tlhelo ga nyangwa ya le hehla, yi ngomamako Nwalungu; a munwe ni munwani na a khomile a mutsayi canjeni gakwe. A munwe wabye i wa ambele a tinguwo ta wukene na hi ni zo tsala ha zona na zi bohilwe laha reveni gakwe. Va lo enghena, va yima kusuhani ni alati ga suku. Ezek. 8:3; Kuv. 15:1, 6

Danieli 10:10

Nzi lo khumbiwa hi canja, legi gi nga nzi khizamisa hi madzolo ya mina ni mandla ya mina.

Danieli 10:18

Zonake nzi lo khumbiwa kambe hi loyi a fananako ni munhu, a nzi tiyiseta,

Danieli 5:5

Hi xikhati xwalexo ku lo woneka a titiho ta canja ga munhu, ti tsala laha ka mhemba ya khurisi ga yindlu ya hosi, kusuhani ni tikandiya. A hosi yi lo wona a canja legi gi nga wa tsala.

Mitiro 8:39

Laha va nga humele matini, a Moya wa Hosi wu lo wutla Filipu; ni nduna a ya ha mu wonangi kambe, hakuva yi lo simama ndleleni ya yona na yi tsakile. 1 Tih. 18:12; Ezek. 3:12

Deuteronome 32:16

Va vuxile xiluse xakwe hi vanwani vanungungulu, Va mu zangarisile hi manyala.

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Deuteronome 4:24

Hakuva Jehova Nungungulu wa wena i nzilo lowu wu hisako, i Nungungulu loyi a pinyamako.

Deuteronome 5:9

U nga zi khizameli, hambu ni ku zi khozela; hakuva mina Jehova Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako. Ekso. 34:7; Mitse. 14:18; Jer. 32:18

Deuteronome 6:15

Hakuva Jehova Nungungulu wa wena, loyi a nga xikari ka nwina, i Nungungulu wo pinyama. Ku nga taku a zanga ya Jehova Nungungulu wa wena yi ku vindlukela, zonake a ku lovisa laha misaveni.

Joxua 24:19

Na Joxua i te ngalo ka vanhu: Nwina a mu zi koti ku khozela Jehova, hakuva yena i Nungungulu wa kubasa, ni Nungungulu wo pinyama. Yena a nga ta timisela a zihambuko za nwina ni zionho za nwina. Ekso. 23:21