Ezekieli 7:8 - Tshwa Bible

⁸ Lokuloku nzi ta chulula a khulo ga mina hehla ka wena, nzi ta tatisa a zanga ya mina ha wena. Nzi ta ku lamula kukotisa a mahanyela ya wena, nzi ku tlhelisela wontihe a manyalataniso ya wena.

Ezekieli 7:8 교차 참조

2 Kronekele 34:21

Fambani mu ya nzi wutisela ka Jehova, mu wutisela ni misalela ya ka Israeli ni ya ka Juda xungetano ni timhaka ta bhuku legi gi thumbilweko, hakuva a zanga ya Jehova hehla ka hina nja hombe nguvu, hakuva a vadadani va hina a va hlayisangi a timhaka ta Jehova ni ku maha zontlhe kota lezi zi tsalilweko bhukwini legi.

Tisimu 79:6

Chulula a zanga ya wena xikari ka vamatiko lava va nga ku tiviko, Ni ka matiko lawa ma nga vitaniko a vito ga wena.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Jeremia 36:31

Nzi ta mu tsayisa yena ni pswalo wakwe ni malanza yakwe, hi kota ya kubiha kabye; nzi ta neha hehla kabye ni hehla ka vaaki va Jerusalema ni hehla ka vanhu va ka Juda, a makhombo wontihe lawa nzi wulileko hehla kabye, kanilezi a va ingisangi.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Mikosi 2:4

I kondlile a wura gakwe kukotisa a nala, a nawuluta canja gakwe ga xinene khwatsi hi nhenha, A lovisa zontlhe lezi zi nga tsakisa mahlo. Lomu tendeni ga nhanyana wa Zioni i chulule a zanga yakwe khwatsi i nzilo.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Ezekieli 11:21

Kanilezi lava a timbilu tabye ti Tanzako a zilo zabye zo nyenyeza ni manyalataniso yabye, nzi ta va tlhelisela a mitiro yabye tihlokweni tabye, ku wula Hosi Jehova.

Ezekieli 14:19

Kutani loku nzi wa ta rumela a ntungu tikweni lego, nzi chulula a zanga ya mina hehla ka gona hi nkhata, kasi ku hihirita vanhu ni zihari; 1 Kro. 21:14

Ezekieli 16:43

Kota lezi u nga kala ku alakanya a masiku ya wuswa ga wena, kanilezi u nzi zangarisa hi zilo lezi zontlhe, hikwalaho nzi ta tlhelisela a zimaho za wena hehla ka hloko ya wena, ku wula Hosi Jehova. Zonake u nga ta ha maha wubemba legi zinwe ni manyalataniso wontihe ya wena.

Ezekieli 16:59

Hakuva Hosi Jehova i ngalo: Nzi ta ku tlhelisela kota mitiro ya wena, hakuva u kanyisile a xifungo u tshova a xivumelwano.

Ezekieli 18:30

Hikwalaho nzi ta mu lamula, nwina va yindlu ya ka Israeli, munwe ni munwani kukotisa tindlela takwe, ku Wula Hosi Jehova. Wuyani, mu hunzuluka zihambunyetweni za nwina zontlhe, kasi a kugoha ka nwina ku nga mu lovisi.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Ezekieli 20:21

Kanilezi a vana vabye va lo nzi hluwuka; a va hlayisangi a milayo ya mina, va alile a zileletelo za mina, lezi a munhu a ta nga hanya ha zona loku a zi maha; va lo nyenyezisa a masabado ya mina. Zonake mina nziku nzi ta chulula a zanga ya mina hehla ka vona, nzi tira hi khulo ga mina kabye lomu xiwuleni.

Ezekieli 20:33

Nza hlambanya hi kuhanya ka mina, ku wula Hosi Jehova: nzi ta mu fumela hi canja ga ntamu, ni woko gi nawulutilweko, ni zanga yi chululweko.

Ezekieli 20:8

Kanilezi va lo nzi hluwuka, va nga vumeli ku nzi ingisa; a munhu ni munhu a nga cukumetangi a manyalataniso ya mahlo yakwe, ge hambu ku tsika a zifananiso za Gipite. Zonake nziku, nzi ta chulula a zanga ya mina hehla kabye, nzi tira hi khulo ga mina kabye lomu tikweni ga Gipite.

Ezekieli 22:31

Hikwalaho nzi ta chulula a zanga ya mina hehla kabye, nzi va lovisi hi nzilo wa khulo ga mina; nzi ta veka a nanzu wa zimaho zabye tihlokweni tabye, ku wula Hosi Jehova.

Ezekieli 24:14

Mina Jehova nzi wulile; zi ta tatiseka, mina nzi ta zi maha. Nzi nga ta tlhelela nzhako, ge hambu ku nyenyeletela, kutani ku hunzuluka. U ta lamulwa kukotisa a mahanyela ya wena ni zimaho za wena, ku wula Hosi Jehova.

Ezekieli 30:15

Nzi ta chulula a zanga ya mina hehla ka Sina, a khokhola ga le Gipite; nzi hihirita a xidlemo xa le No.

Ezekieli 33:20

Nwina ma haku: A ndlela ya Hosi a yi lulamangi. Nwina va yindlu ya ka Israeli, nzi ta mu lamula nwentlhe, munwe ni munwani hi tindlela takwe. A mahungu ya kuwa ka Jerusalema.

Ezekieli 6:12

Loyi a nga le kule i ta dawa hi ntungu; loyi a nga kusuhani i tafa hi supado; loyi a ta nga sala a vimbezelwa, i ta dawa hi ndlala. A zanga ya mina yi ta tatisekisa lezo hehla kabye.

Ezekieli 7:27

A hosi yi ta tlhava nkosi, a hosana yi chava nguvu, ni mandla ya vanhu va tiko ma ta rurumela. Nzi ta va tlhelisela kukotisa mahanyela yabye, nzi va lamula maringano ni kubiha kabye; vona va ta zi tiva lezaku nzi mina Jehova.

Ezekieli 7:9

A mahlo ya mina ma nga ta ku nyenyeletela, nzi nga ta ku zwela wusiwana. Nzi ku tlhelisela kukotisa mahanyela ya wena, ni manyalataniso ya wena ma tava xikari ka wena; mu ta zi tiva lezaku mina Jehova nzaba,

Ezekieli 9:10

Hikwalaho mina nzi nga ta va nyenyeletela, ge hambu ku zwela wusiwana; nzi ta va tlhelisela hi kota ya mitiro yabye.

Ezekieli 9:8

Laha va nga kari va hlasela, mina na nzi sele nzhako, nzi lowa hi nghohe ya mina, nzi rila, nziku: Ha, Hosi Jehova! u ta lovisa vontlhe vaIsraeli lava va seleko hi ku chulula a zanga ya wena hehla ka Jerusalema ke?

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Hosea 12:3

I khomile nakulobye hi xirenze na hi rumbyini ga nyine; ni laha a nga wahombe i lo pfinyana na Nungungulu. Gen. 25:26; 32:24

Hosea 5:10

A tihosana ta ka Juda ti khwatsi hi lava va tlulako a mimbhingano; nzi ta chulula a zanga ya mina hehla ka vona kota mati. Deut. 19:14; 27:17

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10