9 A kudziva ka khurisi ga lehandle ka matsawu ku wa hi ntlhanu wa mikono, ni wutshamu gi seleko ga ziseketelo za matsawu ya lomu matlhelweni ya yindlu.
A tivati ta matsawu ya lomu matlhelweni ti wa cuwukile tlhelo legi gi nga wa sele, a linwe li wa cuwukile tlhelo ga Nwalungu, a linwani li cuwuka tlhelo ga Dzonga. A kuanama ka xipanze lexi xi nga wa sele ku wa hi ni ntlhanu wa mikono matlhelo wontihe.
Le mahlweni ka matsawu ku wa hi ni ndlela yi nga hi ni 10 wa mikono a kuanama, a kuleha ka yona ku wa hi 100 wa mikono, yiya enghena lomu nzeni, a tivati ta kona ti wa ngomama le Nwalungu.
Zonake i lo nzi humesa a nzi yisa ka hubye ya lahandle hi tlhelo ga Nwalungu, a nzi enghenisa matsawini lawa ma cuwukeneko ni wutshamu ga xisirelo ngomama ni yindlu hi tlhelo ga Nwalungu.
Zonake i lo pima a khurisi ga yindlu, ntlhanu wa mikono ni munwe; ni matsawu ya laha tlhelweni, wona wontihe ma wa hi mune wa mikono, a matlhelo wontihe ya yindlu.
