Ezekieli 26:2 - Tshwa Bible

² Nʼwana wa munhu, kota lezi Tire a nga hlekula Jerusalema, aku: Ha-ha, a nyangwa ya matiko yi khungumulwe, Yi vululekile ka mina; Makunu nzi ta vuvuma hakuva i hahlulwe.

Ezekieli 26:2 교차 참조

2 Samueli 5:11

Zonake Hiramu a hosi ya le Tire i lo rumela mitsumi ka Davida zinwe ni tisinya ta sedare, ni vavatli ni vaaki a ku ta aka a yindlu ya Davida.

Tisimu 35:21

Ina, va nzi ahlamela milomu yabye, Vaku: Haha! haha! a mahlo ya hina ma zi wonile. Joh. 16:10

Tisimu 40:15

Ngha va hlamaliswa tinganeni tabye, Lava va wulako ka mina, vaku: Wo! wo!

Tisimu 40:16

Ngha vontlhe lava va ku lavako va tsaka va nengela ha wena; Lava va ranzako a kuhanyisa ka wena, A va simame vaku: A kuliswe Jehova!

Tisimu 70:3

A va tlheliselwe nzhako tinganeni tabye, Lava va wulako, vaku: Wo! wo!

Tisimu 83:7

Gebali na Amoni, na Amaleki, A maFilistia ni vaaki va le Tire,

Isaya 62:10

Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Jeremia 25:22

ni tontlhe tihosi ta Tire ni Sidoni, ni tihosi ta zihlale zi nga le tlhatuko wa bimbi;

Jeremia 27:3

Zonake u zi rumela a ka hosi ya le Edome, ni ka hosi ya Moabi, ni ka hosi ya vana va ka Amoni, ni ka hosi ya Tire, ni ka hosi ya Sidoni, hi mitsumi yi tileko Jerusalema ka Zedekia, a hosi ya ka Juda,

Jeremia 47:4

Hi kota ya siku legi gi tako ku ta hlasela maFilistia wontihe, Ga ku ta hetisa vontlhe vavuni lava va seleko lomu Tire na Sidoni; Hakuva Jehova i ta lovisa maFilistia lawa ma seleko xihlaleni xa Kaftore. Deut. 2:23; Am. 9:7

Jeremia 49:1

Xungetano ni vana va Amoni, Jehova i ngalo: Israeli a nga na vana ke? a nga na xigatshomba ke? Hikuyini Malkamu a fumelako Gadi, a vanhu vakwe va tshama lomu mitini ya kona ke? 1 Tih. 11:5; Ezek. 21:28; Am. 1:13

Mikosi 1:1

Hikuyini wu nga ni xiwunza a muti lowu wu nga tele hi vanhu! Loyi a nga hi wahombe xikari ka mifumo i mahile noni; Loyi a nga hi muzinza xikari ka matiko i mahile hlonga hikuyini?

Ezekieli 25:10

nzi gi vululela a vana va le Mutsuwuka-gambo kasi ku ya vukela a vana va Amoni; nzi ta gi nyikela kabye, kasi a vana va Amoni va nga ha alakanyiwi xikari ka matiko.

Ezekieli 25:6

Hakuva Hosi Jehova i ngalo: Kota lezi u nga phakatela a mandla ya wena, u ganyetela hi mikonzo ya wena, a moya wa wena wu bhuma wu hlekula a tiko gaka Israeli;

Ezekieli 25:8

Hosi Jehova i ngalo: Kota lezi Moabi na Seire va nge ngalo: Langutani, makunu a yindlu ya ka Juda yi fanana ni matiko wontihe; Isa. 15:1; Am. 2:1

Ezekieli 26:1

Hi lembe ga wukhume ni ginwe, hi siku go sangula ga hweti, a gezu: ga Jehova gi lota ka mina, giku:

Ezekieli 35:10

Hakuva wena u teku: A mifumo leyi yimbiri ni matiko lawa ya mambiri ma tava ya mina, hi ta ma fumela; kasilezo Jehova i wa hi konawu kwalaho;

Ezekieli 36:2

Hosi Jehova i ngalo: Hakuva a nala a teku ka nwina, Ha-ha! niku: A zitsunga lezi za kale zi tlakukileko hi zi fumele makunu.

Joeli 3:4

I mhaka muni mu nga nayo na mina nwina Tire na Sidoni, na wena tiko gontlhe ga Filistia? Xana mu ta nzi tlhelisela ke? Loku mu lava ku ti photela ka mina, nzi ta mu tlhelisela hi xihatla hehla ka tihlolo ta nwina. Isa. 23:1; Am. 1:9

Joxua 19:29

a mbhingano wu tlhela wuya le Rama, wu kala wu chikela le mutini wa khokhola ga Tire; zonake a mbhingano wu tlhelela le Hosa wu ya gumesa le bimbini, kusukela le Helebi kala le Akziba.