Ezekieli 21:3 - Tshwa Bible

³ uku ka Israeli: Jehova i ngalo: Languta, nzi ku yimekele, nzi ta hlomula supado ya mina kocelweni wa yona, nzi hihirita a valulamileko ni vakubiha lava va nga ka wena.

Ezekieli 21:3 교차 참조

Joba 9:22

I mhaka yinwe ntsena nzi yi tiyisako, Yaku: Wa lovisa valulamileko ni vakubiha hi wumbiri gabye.

Tisimu 17:13

Vuka, Jehova, u mu tlhangaveta, u mu wisa lahasi, Lwela muhefemulo wa mina hi supado ya wena ka loye wo biha.

Tisimu 80:17

Vikela munhu wa canja ga wena ga xinene, A nʼwana wa munhu loyi wena u nga ti wundlela yena.

Tisimu 83:15

Va hlongolisise lezo hi bhubhutsa ga wena, U va chavisa hi xingulu xa wena.

Eksodusi 15:9

A nala ite: Nzi ta tsutsumisa, nzi khoma, nzi phanga. A muhefemulo wa mina wu ta xuriswa ha vona; Nzi ta hlomula a tlhari ga mina, nzi va daya.

Mutshawuteli 9:2

Zontlhe zilo zi humelela ka vontlhe hi ndlela yinwe; xiavelo xinwe xi nyikiwa loyi a lulamileko ni wa kubiha, loyi a nga nene ni ku basa, ni loyi a nga basangiko, loyi a phahlelako ni loyi a nga phahleliko. Leyi a nga nene i ringana ni muonhi, loyi a hlambanyako i fanana ni loyi a chavako ku hlambanya. Joba 9:22; Jer. 12:1

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 34:5

Hakuva a supado ya mina yi popilwe le tilweni, Langutani, yi ta relela hehla ka Edome, A ku ya lamula a tiko legi gi rukateleko.

Isaya 57:1

Loyi a lulamileko wafa, Kanilezi a ku na munhu zi mu henyako mbilu; A vakhongeli va susiwa, Kanilezi a nga kona a zi khatalelako. Loyi a lulamileko a susiwa mahlweni ka leʼzo biha

Jeremia 17:27

Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 21:13

Languta, nzi na ni xisolo na wena muaki wa le nkoveni, lomu khokholeni ga livala, ku wula Jehova; nzi ni mhaka na nwina lava mu nge: Himani a to relela a ta hi vukela? himani a to enghena wuakelweni ga hina ke?

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 50:31

Languta, nzi yimekelene na wena, nyamatshanza-nziwena, ku wula Hosi Jehova wa tiyimpi, hakuva a siku ga wena gi chikele, a xikhati xa kutsayiswa ka wena.

Jeremia 51:20

Wena u wa hi xizeze xa mina ni matlhari ya mina ya kulwa; Nzi lo panza matiko ha wena, Ha wena nzi lo lovisa mifumo.

Jeremia 51:25

Languta, nza ku vukela wena xitsunga xi lovisako, ku wula Jehova, wena loyi u lovisako misava yontlhe. Nzi ta nawuluta a canja ga mina hehla ka wena, nzi ku wumbuluta le ribyeni uwa lahasi, nzi ku maha a xitsunga xi hisilweko,

Ezekieli 13:8

Hikwalaho Hosi Jehova i ngalo: Kota lezi mu wulawulako za hava, mu hemba mawunwa hi miwoniso ya nwina, mina nzi ta mu vukela, ku wula Hosi Jehova.

Ezekieli 14:17

Kutani loku nzi nga neha a supado hehla ka tiko lego, nziku: Supado gi ta tsemakanya a tiko, nzi hihirita vanhu ni zihari;

Ezekieli 14:21

Hakuva Hosi Jehova i ngalo: Nguvunguvu loku nzi rumela hi khati ginwe a mune wa zitsayiso za mina leʼzo biha hehla ka Jerusalema: ku nga supado, ni ndlala, ni zivanza, ni ntungu, a kuva zi hihirita a vanhu ni zihari? 2 Sam. 24:13; Kuv. 6:8

Ezekieli 21:19

Wena nʼwana wa munhu, ti yimisele tindlela timbiri leti ku ta ngata ha tona a supado ya hosi ya Babuloni; hi wumbiri ga tona ti ta huma hi tiko ginwe. Tsala a xikombiso, u xi veka laha mahanzakanyeni ya ndlela yi yako mutini.

Ezekieli 24:9

Hikwalaho Hosi Jehova i ngalo: Yowe a muti lowu wa nkhata! Minawu nzi ta maha a tsikelo ga hombe.

Ezekieli 26:3

Hikwalaho Hosi Jehova i ngalo: Nzi ta ku vukela wena Tire, Nzi ta ku vuxela a matiko yo tala, Ma ku khwatsi mabyandlati ya bimbi loku ma mbekuka. Isa. 23:1; Jer. 47:4; Am. 1:9

Ezekieli 29:10

Hikwalaho nzi yimekelene na wena ni micongo ya wena; a tiko ga Gipite nzi ta gi hahlula nzi gi maha marumbi, kusukela le Migdole kala Sevene, le mbhinganweni wa Etiopia.

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Ezekieli 5:8

hikwalaho Hosi Jehova i ngalo: Nza ku holovela; nzi ta ku tsayisa a kuwoneni ka matiko.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.

Amosi 7:4

Hosi Jehova i nzi kombisile lezi: Nzi lo wona Hosi Jehova na a vitana a nzilo kasi ku ta tsayisa ha wona. Wu lo hisa a mati ya kueta, wu sangula ku hisa a tiko ga xiavelo.

Nahume 2:13

Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.

Nahume 3:5

nzi ta ku vukela, ku wula Jehova wa tiyimpi, nzi ta tlakusa a nguwo ya wena yi vala a nghohe ya wena, nzi kombisa a matiko a wumbyiri ga wena, ni mifumo a tingana ta wena.

Zefania 2:12

Na nwina maEtiopia kambe mu ta hlaselwa hi supado ya mina.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27