Ezekieli 2:6 - Tshwa Bible

⁶ Na wena, nʼwana wa munhu, u nga va chavi, hambu ku dzuxwa hi timhaka tabye, hambu loku u hi xikari ka zigetlwani ni mizwa, kutani ku tshama lomu xikari ka tihume. U nga chavi kuwulawula kabye, u nga rurumeli hi tinghohe tabye, hambu lezi va nga va yindlu yi hluwukileko. Mika 7:4; Lu. 12:4; 1 Ped. 8:14

Ezekieli 2:6 교차 참조

Jeremia 1:8

U nga va chavi, hakuva nzi na wena a ku ku ponisa, ku wula Jehova. Deut. 31:6; Jox. 1:5

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

1 Pedro 3:14

Kanilezi mu katekile loku mu xaniseka hi kota ya kululama; mu nga chavi a kudzukisa kabye, hambu ni ku karateka. Isa. 8:12, 13; Mat. 5:10, 11, 12

2 Timote 1:7

Hakuva Nungungulu a nga hi nyikangi a moya wa wutoya, kanilezi wa ntamu ni liranzo ni kutikhoma. Lu. 24:49; Rom. 8:15

Luka 10:19

Langutani, nzi mu nyikile ntamu wa ku kanzihela tinyoka ni tihume, ni hehla ka ntamu wontihe wa nala; a ku na nchumu xi ta nga mu lamata. Mar. 16:18; Miti. 28:5

Mika 7:4

A wa nene wa kona ka yontlhe i fanana ni xigetlwani, ni leyi a hunzeleleko kululama i fanana ni khuhu ga mizwa, Gi tshinele a siku ga tsayiselelo wa wena, legi gi wulilweko hi varinzeli va wena, makunu ku tava ni vilinganya.

Jeremia 1:17

Hikwalahoke, ti bohe a xiwunu xa wena, u yima, u va byela zontlhe lezi nzi ta nga ku laya zona. U nga dzuki u chava a mahlweni kabye, ku nga taku nzi ku chavisa mahlweni kabye. Lu. 12:35; Efe. 6:14; 1 Ped. 1:13

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Mitiro 4:29

Makunu, Hosi, cuwuka a kuhonoka kabye, u nyika malanza ya wena a ku kanela a mhaka ya wena hi kutiya kontlhe, Isa. 58:1; Ezek. 2:6; Xip. 19:8; Efe. 6:19

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Maheberu 11:27

Hi kukholwa i lo suka le Gipite, na a nga chavi a zanga ya hosi; hakuva i lo timisela aku khwatsi hi loku a mu wona loyi a nga woniwiko. Ekso. 10:28

Ezekieli 28:24

Ku nga ha ta kuva kona a hlehlo gi tlhavako a ka yindlu ya ka Israeli, hambu a muiwa wu bayisako xikari ka lava va yi ranzeleko, va yi kanyisa; va ta zi tiva lezaku hi mina Hosi Jehova.

2 Tihosi 1:15

Zonake a ngelosi ya Jehova yi te ngalo ka Elija: Relela u famba naye, u nga mu chavi! Elija i lo suka a relela naye vaya le hosini.

Va le Filipi 1:28

na mu nga dzukiswi ha nchumu hi valala. A kutiya ka nwina xikombiso ka vona xa kulobyiswa kabye, kanilezi ka nwina xi tava xa kuhanyiswa ka nwina, ni lexi xita hi ka Nungungulu. Isa. 41:10; Mat. 10:28; Rom. 8:17; Maheb. 13:5

Va le Efesusi 6:19

Nzi khongeleleni na minawu, lezaku kasi nza nyikwa magezu loku nzi ahlama nomu wa mina, nzi kanela a fihlakalo wa ivangeli hi kutiya,

Mitiro 4:19

Kanilezi Pedro na Johani, va lo va hlamula, vaku: Kutani zi sasekile mahlweni ka Nungungulu a ku ingisa nwina ku hunza ku ingisa Nungungulu, lamulani ha nwece; Xip. 5:29; Gal. 1:10

Mitiro 4:13

Laha na va wonile a kutiya ka Pedro na Johani, na va tiva lezaku mbanhu va nga gonzangiko, va nga vanhu ntsena, va lo hlamala; zonake va lo va tiva, lezaku va wa hi zinwe na Jesu. Mat. 11:25; 1 Kor. 1:27

Luka 12:4

Nza wula ka nwina, mu nga maxaka ya mina: Mu nga chavi lava va dayako miri, kanilezi na va nga hi na ntamu ku maha nchumu kambe. Isa. 51:7, 8; Jer. 1:8; Joh. 15:14, 15

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Jeremia 6:28

Vona vontlhe vahluwuki ni lava va ti alisako, va famba-famba va lumbeta; va nonohile ku fanana ni suku ni xiketse; vontlhe va bihile.

Kuvululelwa 9:10

Yi wa hi ni minkila yo fanana ni ya tihume, ni tivole minkileni ya yona; a ntamu wa yona wa ku xanisa vanhu a ntlhanu wa tihweti wu wa hi lomu minkileni.

Ezekieli 24:3

Wulawula hi mufananiso ka yindlu ya vahluwuki, uku: Hosi Jehova i ngalo: Xungeta a mbita, yi kungete u chela mati.

Luka 11:12

Kutani loku a kombela a tanza, i ta mu nyika a hume ke?