Ezekieli 2:3 - Tshwa Bible

³ Aku ka mina: Nʼwana wa munhu, Nza ku ruma ka vana va ka Israeli, a ka mifumo leyi yi hluwukileko, leyi yi nzi vukelako. Vona hi vadadani vabye va nzi gohele kala ni lezi.

Ezekieli 2:3 교차 참조

2 Tihosi 17:14

Kanilezi a va ingisangi; va lo nonohisa a tinhamu tabye khwatsi hi vararu vabye, lava va nga kholwangiko ka Jehova Nungungulu wabye. Ekso. 34:9; Deut. 31:27; Mal. 3:6

2 Tihosi 17:15

Va lo ala milayo yakwe, ni xivumelwano xakwe lexi a xi mahileko ni vararu vabye, ni kulaya loku yena a va layileko ha kona; va lo lanzela manyala, va nga ma tsiki, va lanzela mahanyela ya matiko lawa ma va ranzeleko, lawa Jehova a nga va leletela lezaku va nga mahi zo kota lezi zi mahiwako hi wona.

Ezra 9:7

Kusukela xikhatini xa vadadani va hina ha su simamisa hi maha kubiha ka hombe kala lezi; hi kota ya zionho za hina, ni za tihosi ta hina, ni vapristi va hina, hi nyikelwe lomu mandleni ya tihosi ta matiko, hi xaniswa hi supado, ni wukhumbi, ni kuphangiwa, ni tingana, kota lezi hi nga zona nyamutlha.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Tisimu 106:28

Va lo namarela ka Baal-Peor, Vaga miphahlo ya vafileko. Mitse. 25:2

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Jeremia 1:7

Kanilezi Jehova i te ngalo ka mina: U nga wuli uku: Nzi nwanana. Hakuva u ta famba ka vontlhe lava nzi ta nga ku ruma ka vona, u ta ya kanela zontlhe nzi ta nga ku laya zona.

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.

Jeremia 36:2

Ti tekele a bhuku u tsala tontlhe timhaka leti nzi ku byelileko ha Israeli na Juda, ni xungetano hi wontihe matiko, a kusukela a siku lego nzi nga wulawula na wena a masikwini ya Josia kala nyamutlha lezi.

Jeremia 44:20

Zonake Jeremia a wulawula ka vontlhe vanhu, a vavanuna ni vavasati, ni ka vontlhe lava va nga mu hlamule, aku:

Jeremia 44:21

Jehova a nga ti alakanyangi a tibani leti mu nga hisa lomu mitini ya ka Juda ni lomu maruweni ya Jerusalema, nwina ni vadadani va nwina, a tihosi ni tihosana ta nwina, ni vanhu vontlhe va tiko; Jehova a nga zi khumbulangi ke?

Jeremia 7:2

Yima lomu nyangweni ya yindlu ya Jehova, na uba hungu laho hi mhaka leyi, uku: Zwanani a mhaka ya Jehova, nwina nwentlhe va ka Juda mu enghenako hi tinyangwa leti a ku ta khozela Jehova.

Ezekieli 17:12

Wulawula ka yindlu ya mihluwukwa, uku: A mu zi tivi lezaku zi wula yini lezi zilo ke? Va byele, uku: Langutani, a hosi ya Babuloni yi tile Jerusalema, yi ta teka a hosi ni tihosana ta kona, yi famba nato le Babuloni.

Ezekieli 24:3

Wulawula hi mufananiso ka yindlu ya vahluwuki, uku: Hosi Jehova i ngalo: Xungeta a mbita, yi kungete u chela mati.

Ezekieli 40:4

A munhu loye ite ka mina: Nʼwana wa munhu, Cuwukisisa hi mahlo ya wena, u ti zwela hi tindleve ta wena, u xiyisisa zontlhe lezi nzi ta nga ku kombisa zona; hakuva u tisilwe laha a ku kasi nza ku kombisa zona; u ta tlhatlhambutela ka yindlu ya ka Israeli zontlhe lezi u zi wonako.

Amosi 7:15

Jehova i lo nzi susa wurisini ga mitlhambi, aku ka mina: Famba u ya profeta ka vanhu va ka Israeli.

Malaki 3:7

Kusukela masikwini ya vararu va nwina mu hambukile milayweni ya mina, a mu yi hlayisangi. Tlhelelani ka mina, na mina nzi ta tlhelela ka nwina, ku wula Jehova wa tiyimpi. Kanilezi nwina mu ngalo: Hi ta tlhelela yini?

Mitsengo 20:10

Zonake Mosi na Aroni va lo vitana a hlengeletano mahlweni ka ribye, Mosi aku ngalo kabye: Zwanani makunu, nwina vahluwuki! Hina hi ta mu humesela mati ka legi ribye ke?

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Va le Roma 10:15

Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7

Deuteronome 9:24

Nwina mu wa hi ni mijiri ha Jehova kusukela siku lego nzi nga sangula ku mu tiva nwina.

Deuteronome 9:27

Alakanya malanza ya wena, Abrahama, na Isaka, na Jakobe; u nga cuwuki a kunonoha ka timbilu ta lava vanhu, ni kubiha kabye, ni xionho xabye,