Estere 9:18 - Tshwa Bible

¹⁸ Kanilezi a vaJuda lava va nga wa hi lomu Xuxani va lo tsombana hi siku ga 13 ni 14; ku ku hi siku ga 15 va humula, va maha mubuzo va tsaka.

Estere 9:18 교차 참조

Estere 8:11

A mapapilo lawo ma wa rumelwa hi hosi ka vaJuda ka muti ni muti kasi va vumelwa ku tsombana va ti vikela wutomi gabye, ni kulwa, hambu ku daya a vanhu lava va ta nga va vukela lomu tikweni lego, a vanana ni vavasati vabye, va teka muphango,

Estere 9:1

Makunu hi hweti ya wu 12, yi nga ya Adare, hi siku ga 13, laha a zileletelo za hosi zi nga wa fanele ku tatiseka, a siku lego a valala va vaJuda va nga tsumba lezaku va ta va vukela ha gona, kanilezi a mhaka yi hunzulwa, a vaJuda va hi vona va vukelako valala vabye;

Estere 9:11

A siku lego ku lo ta bikiwa ka hosi le Xuxani, a zinzeni, a tsengo wa lava va nga delwe.

Estere 9:13

Zonake Estere aku: Loku a hosi yi vumela, ngha vaJuda va lomu Xuxani va vumelwa kambe manziko ku maha lezi zi nga wa yimiselwe nyamutlha, va hayeka a khume ga vana va Hamani laha timhanzeni.

Estere 9:15

A vaJuda lava va nga wa hi lomu Xuxani va lo tsombana kambe hi siku ga 14 ga hweti ya Adare, va daya 300 wa vavanuna lomu Xuxani. Kanilezi a va na nga phanga nchumu.

Estere 9:2

a vaJuda va lo tsombana lomu mitini yabye ka wontihe matiko ya hosi Ahasuerusi, kasi ku daya lava va ta nga va vukela. A nga kona ni munwe a nga tiya a va vuka, hakuva va wa chabyiwa hi vanhu vontlhe.

Estere 9:21

lezaku va tlhangana lembe ni lembe, va hlayisa a siku ga 14 ni ga 15 lomu ka hweti ya Adare,