Estere 8:15 - Tshwa Bible

¹⁵ Mordekai i lo Suka mahlweni ka hosi na ambele a tinguwo ta wukosi ta wukuxe ni to basa, na hi ni xidlodlo xa hombe xa nzalama, ni bhaji go saseka go mahiwa hi wukene go zirila. A muti wa Xuxani wu lo kanyuluka hi kutsaka.

Estere 8:15 교차 참조

Genesisi 41:42

Faro i lo susa a phera yakwe titihweni lakwe, a yi vekela litihweni la Josefa, i lo mu ambexa a tinguwo to saseka ta wukene, i lo mu boha a kadiyadi ga nzalama nhanwini yakwe.

Estere 1:6

Laho ku wa hayekelwe a tinguwo to basa, ni ta lihlaza, ni ta wukuxe, ti nga wa hayekilwe hi tingoti ta wukene go zirila lomu ka zihareketo za siliva ni lomu timhanzeni ta maribye yo basa, na ku hi ni mibhedi ya siliva ni nzalama, lahasi ka kona na ku mahilwe hi maribye yo basa ni yo pswhuka ni ya halandi ni ya ntima.

Estere 10:2

A mitiro yakwe yontlhe ya ntamu wakwe, ni mahungu ya wukulu ga Mordekai, lezi a nga tlakusiswa zona hi hosi, zi tsalilwe lomu bhukwini ga matimu ya tihosi ta le Media ni le Persia.

Estere 3:15

Hi kuleletela ka hosi, a mitsukano yi lo huma hi kutsutsuma, ku biwa nyiwo ni le Xuxani a zinzeni. A hosi na Hamani va lo tshama lahasi vanwa, kanilezi a muti wa Xuxani wu wa tele hi kukanganyiseka.

Estere 5:1

Makunu hi siku ga wunharu, Estere i lo ambala tinguwo takwe ta wukosi, a ya yima lomu hubyeni ga yindlu ya hosi, ngomama ni yindlu ya hosi; a hosi na yi tshamile xitshanwini xa yona xa wuhosi ndlwini ya wuhosi ngomama ni nyangwa ya yindlu.

Estere 5:11

Hamani i lo va hlawutela hi wunyingi ga titshomba takwe, ni kutala ka vana vakwe, ni lezi a hosi yi nga mu tlakusa ha zona yi mu veka hehla ka tihosana ni malanza ya hosi.

Estere 6:11

Zonake Hamani i lo teka a tinguwo ni haxi, a ya ambexa Mordekai, a mu khileta a haxi a fambafamba lomu maruweni ya muti, na a kanyuluka mahlweni kakwe, aku: I mahiwa lezi a munhu loyi a hosi yi xuvako ku mu dzunza!

Estere 6:8

a ku nehiwe tinguwo ta wuhosi leti a hosi yi tolovelako ku ambala, ni haxi legi gi khilelwako hi hosi, ni xidlodlo lexi xi tlhatekwako hlokweni ya hosi;

Estere 8:14

Zinghaho a mitsukano leyi yi khileleko mahaxi yo tsutsuma nguvu ya hosi yi lo huma hi kutsutsuma, na yi hatlisiswa hi kuleletela ka hosi. Ni le Xuxani a zinzeni ku lo biwa nyiwo leyo.

Mavingu 11:10

Loku a vakululama va humelela a muti wa nengela; oku a va kubiha va lova ku kona kuhlalela.

Mavingu 28:12

Loku a valulamileko va hlula, ku na ni wukosi ga hombe; anilezi loku laʼvo biha va tlakuka, a vanhu vo fihlala.

Mavingu 29:2

Loku a va kululama va anza, a tiko ga tsaka; anilezi loku a wa kubiha a fuma a tiko ga rila.

Mateu 11:8

Kanilezi mu waya a ku ya wona yini? A munhu a nga ambele a tinguwo to saseka ke? Langutani, lava ve ambalako a tinguwo to saseka va lomu tindlwini ta tihosi.

Mateu 6:29

kanilezi nziku ka nwina, hambu Solomoni hi wukosi gakwe gontlhe a nga ambalangi kota ginwe ga wona.

Luka 16:19

Ku wa hi ni munhu a fumileko, loyi a nga ambala ziwunguwungu ni tinguwo to basa, aga lezi zo nanziha a masiku wontihe.