Estere 8:10 - Tshwa Bible

¹⁰ I lo zi tsala vitweni ga hosi Ahasuerusi a zi tiyisa hi xifungo xa hosi, a mitsukano yi hangalasa mapapilo lawo hi mahaxi ya hosi ya tsutsumela ga nwacima, ma nga belekiwa ziteveleni za hosi.

Estere 8:10 교차 참조

1 Tihosi 21:8

Zonake i lo tsala mapapilo hi vito ga Ahabi, a ma gandla a karimbu yakwe; i lo rumela mapapilo lawo ka masingalakati ni manghanakana lawa ma akeleneko na Nabote.

1 Tihosi 4:28

Va lo neha a sevada ni byanyi gi womileko ga mahaxi, munwe ni munwani a neha hi nayo wa kona, kasi gi ta kuva kuga ka mahaxi ya tikareta ni lawa ma khilelwako, lomu kontlhe ku nga wa hi ni hosi. A wutlhari ga Solomoni.

2 Kronekele 30:6

Zinghaho a mitsukano yi lo fambafamba lomu tikweni gontlhe ga va ka Israeli ni ga va ka Juda ni mapapilo ya hosi ni ya tinduna takwe, va hlawutela kota kuleletela ka hosi, vaku: Va ka Israeli, tlhelelani ka Jehova Nungungulu wa Abrahama na Isaka na Israeli, kasi yenawu a fela ku tlhelela ka misalela leyi yi ponileko xikari ka nwina mandleni ya tihosi ta vaAssiria. Mal. 3:7

Estere 8:8

Nwinawu kambe tsalelani vaJuda hi vito ga mina ni zihi lezi mu zi ranzako, mu veka xifungo xa hosi mutsalweni lowo; hakuva ni wihi mutsalo wu tsalilweko vitweni ga hosi wu tiyiswa hi xifungo xa hosi, a nga kona a nga wu hunzulako. Dan. 6:8, 15, 17

Joba 9:25

Makunu a masiku ya mina ma tsutsuma ku hunza tsukano, Ma tsutsuma, na ma se nga wona kusaseka.

Mutshawuteli 8:4

A gezu ga hosi gi na ni ntamu; Himani a ta ngaku kakwe: U maha yini ke?

Isaya 60:6

A makameli yo tala ma ta ku fenengeta, Ni marole ya makameli ya le Midiani ni ya le Efa; Vontlhe va le Xeba va tata va neha nzalama ni hlakati, Va taba nyiwo hi kudumiswa ka Jehova.

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Jeremia 2:23

Xana u nga wutisa kuyini, uku: A nzi nyenyeziswangi, A nzi lanzelangi Baali? Hi nga wona a ndlela ya wena le nzhelelweni, Alakanya lezi u zi mahileko. Wena u kameli ga mazambo, legi gi tsutsumelako lahaya ni lahaya.

Jeremia 51:21

Ha wena nzi lo panza a haxi ni mukhileli wa gona; Ha wena nzi lo panza a kareta ni mukhileli wa yona;

Danieli 4:1

Mina hosi Nebukadnezzare nza mu tsalela nwina nwentlhe matiko, tixaka ni tirimi, lava mu akileko misaveni yontlhe, nziku: A kurula a ku anze xikari ka nwina.

Danieli 6:8

Makunu wena hosi, tiyisa nayo lowu hi vito ga wena, lezaku wu nga hunzuki, kukotisa a nayo wa maMedi ni maPersia lowu wu nga zi kotiko ku hunzuluswa.