Estere 6:12 - Tshwa Bible

¹² Mordekai i lo tlhela a wuya laha nyangweni ya hosi. Kanilezi Hamani i lo hatlisa aya ndlwini yakwe na xaniseka, na ti fenengetile hloko yakwe.

Estere 6:12 교차 참조

2 Samueli 15:30

Davida i lo kanziha xitsunga xa maOliva na a kari a rila, na fenengetile a hloko yakwe, na a nga ambalangi zilato; ni vanhu vontlhe lava a nga hi navo va lo fenengeta tihloko tabye va rila, na va kari va kanziha. Estere 6:12; Jer. 14:3

2 Samueli 17:23

Makunu laha Ahitofeli a nga wona lezaku a xikungo xakwe a xi lanzelangi, i lo gabhatsela a mbongola yakwe, a suka aya mutini wakwe. Laha na leletele timhaka ta laha ngangweni wakwe, i lo ya ti sunga afa, a lahliwa xilahleni xa raru wakwe.

1 Tihosi 20:43

Zonake a hosi ya ka Israeli yi lo suka yi famba kaya ka yona na yi hi ni gome, na yi karateka; yi loya le Samaria.

1 Tihosi 21:4

Ahabi i lo famba ndlwini yakwe na a tsanwile, a xaniseka hi kota ya timhaka ta Nabote a muJezreeli, taku: A nzi zi koti ku ku nyika a tshomba ya vadadani va mina, I lo ya etlela mubhedini wakwe, a nghohe yakwe na yi cuwukile khurisini, a ngagi nchumu.

1 Tihosi 21:6

Yena i te ngalo kakwe: Hi lezi nzi nga wulawula na Nabote a muJezreeli, nziku: Nzi xavisele a xivina xa wena hi mali, ni lezaku loku u zi ranza nzi ta ku nyika xinwani xivina wutshanwini ga lexi. Makunu yena i lo hlamula, aku: A nzi zi koti ku ku nyika a simu ga mina!

2 Kronekele 26:20

Mupristi wa hombe Azaria, ni vontlhe vapristi va lo mu cuwuka va wena lezaku i wa hi ni hlokonho laha ximombyeni xakwe, va mu humesa lahandle hi kuhatlisa; i lo huma hi kuhatlisa, hakuva Jehova i wa mu bile.

Estere 2:19

A xikhati lexi a vanhwana va nga tsomhanyiswa khati ga wumbiri, Mordekai i lo tshama laha mahlweni ka nyangwa ya hosi.

Estere 6:11

Zonake Hamani i lo teka a tinguwo ni haxi, a ya ambexa Mordekai, a mu khileta a haxi a fambafamba lomu maruweni ya muti, na a kanyuluka mahlweni kakwe, aku: I mahiwa lezi a munhu loyi a hosi yi xuvako ku mu dzunza!

Estere 7:8

Zonake a hosi yi suka le tsenzeleni wa zinza yi wuya laha va nga nwela kona vinya, Hamani na a wile laha a nga tshamile kona Estere. Zonake a hosi yiku: I kurumeta ni muzinza kuwoneni ka mina lomu ndlwini ya mina! A xikhati a hosi yi nga wa wulawula, va lo fenengeta a nghohe ya Hamani.

Joba 20:5

A kukhana ka vakubiha ku komile, Ni kutsaka ka mukhohlisi ka xikhatanyana ke?

Joba 9:24

A misava yi nyikilwe canjeni ga va kubiha, Yena wa vala mahlo ya valamuli va yona; Loku ku nga hi yena, himani a nga mahako lezo ke?

1 Samueli 3:15

Samueli i lo etlela kala laha mixweni; zonake i lo vulula a tivati ta yindlu ya ka Jehova. Samueli i wa chava ku ya hlawutela Eli a muwoniso lowo.