Estere 4:14 - Tshwa Bible

¹⁴ Hakuva hambu loku wena u miyela xikhatini lexo, a kuponiswa ka vaJuda ku tata hi ginwani wutshamu, kanilezi wena ni ngango wa raru wa wena, mu ta lova. Kona zi tibyiwa himani a ku kutani u tile laha wukosini hi kota ya mhaka leyi ke?

Estere 4:14 교차 참조

Genesisi 22:14

Abrahama i lo chula a vito ga wutshamu lego ku Jehova-Jire: kota lezi ka ha wulwako ni nyamutlha, xitsungeni lexi Jehova a wonekako kona.

2 Tihosi 13:5

Jehova i va nyika muhlanguti va ka Israeli, va tlhatlhiswa mandleni ya maSiria, va ya tshama lomu mitini yabye kota kale.

2 Tihosi 19:3

Va yaku kakwe: Hezekia i ngalo: Legi siku i siku ga hlomulo, ni ga kukawukwa, ni ga tingana, hakuva a vanana va lava ku huma lomu nzeni, kanilezi a ntamu wa ku pswala wu hava. Hos. 13:13

Ezra 9:9

Hakuva hina hakunene hi tikhumbi, kanilezi lomu wukhumbini ga hina Nungungulu wa hina a nga hi tsikangi; kanilezi i lo hi kombisa tipswalo mahlweni ka tihosi ta vaPersia, a hi humuta, lezaku kasi hi aketa a yindlu ya Nungungulu wa hina, yi vuxiwa luswa wutshanwini ga yona, hi nyikiwa a khokhola lomu tikweni ga ka Juda ni Jerusalema.

Nehemia 6:11

Mina nziku: A munhu wo kota mina a nga tsutsuma? I kona munhu wo kota mina a nga enghenako lomu tempeleni kasi ku ponisa wutomi gakwe? Cima nzi nga ta enghena kona.

Estere 2:15

Makunu laha Estere nʼwana Abihaili, a rarutsongwani wa Mordekai, loyi a nga mu wundla kota nʼwana wakwe, a nga wa chikelelwe hi khati gakwe ga kuya hosini, a nga kombelangi xilo ahandle ka lezi a nga nyikilwe hi Hagai, a thenwa wa hosi, a muhlayisi wa vavasati. Estere i wa tsakelwa hi vontlhe lava va nga mu wona.

Estere 2:17

A hosi yi lo ranza Estere ku hunza vontlhe vavasati, a tsakelwa nguvu hi hosi ku hunza vanwani vanhwana; zinghaho i lo mu ambexa a xidlodlo xa wuhosi hlokweni yakwe, a mu maha muzinza xikhundleni xa Vaxti.

Estere 2:7

I wa kari a wundla Hadasa, a nga Estere, a nʼwana wa raru-tsongwani wakwe, a xisiwana xo kala dadani ni mamani, na hi nhanyana wo saseka. A xikhati a vabeleki vakwe va ngafa, Mordekai i lo mu wundla kota nʼwana wakwe.

Estere 4:13

Zonake Mordekai i lo va kombela ku tlhelisa a hlamulo ka Estere, waku: U nga alakanyi lezaku wena u ta pona, hambu loku u hi ndlwini ya hosi a ku hunza vaJuda vontlhe.

Estere 4:15

Zonake Estere i lo va ruma ku tlhelisa a hlamulo ka Mordekai, aku:

Joba 9:18

A nga nzi nyiki ni xikhati xa ku hefemula, Hakuva wa nzi xurisa hi kubayiseka.

Mutshawuteli 3:7

a xikhati xa ku hanzula, ni xikhati xa ku runga; a xikhati xa ku miyela, ni xikhati xa ku wulawula;

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 46:28

U nga chavi wena Jakobe, nanza ga mina, ku wula Jehova; Hakuva nzi zinwe na wena. Hakuva nzi ta mbhetisa wontihe a matiko Lawa nzi ku hangalasileko ka wona, Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Levi 26:42

zonake nzi ta alakanya a xivumelwano xa mina na Jakobe, ni kambe nzi ta alakanya a xivumelwano xa mina na Isaka, ni xivumelwano xa mina na Abrahama, nzi ta alakanya ni tiko.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Deuteronome 32:36

Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26

Valamuli 15:6

A maFilistia ma lo wutisana, maku: Himani a nga maha lezi ke? Vaku: Hi Samsoni a mwane wa va le Timna, hi kota ya ku mu tekela sati wakwe va nyika mupangalati wakwe. Zinghaho a maFilistia ma lo kanziha ma ta hisa nyamayi loye ni raru wakwe.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.

1 Samueli 17:29

Davida i lo hlamula, aku: Makunu nzi lo maha yini? A nanzu hi wihi loku nzi wula lezo?