Estere 4:11 - Tshwa Bible

¹¹ A malanza wontihe ya hosi, ni vanhu va matiko ya hosi, va zi tiva lezaku ni wihi munhu, a wanuna kutani ngwasati, loku aya ka hosi lomu hubyeni ya le xikari, na a nga vitanwangi, i yimiselwe nayo munwe, lezaku afa; ahandle ka loku a hosi yi mu tlakusela a nhonga ya nzalama ya wuhosi, kasi a fela ku hanya. Kanilezi ku hunzile a 30 wa masiku na nzi nga se ku vitanwa nziya ka hosi.

Estere 4:11 교차 참조

Estere 1:19

Loku a hosi yi zi ranza, yi nga rumisa a nyivo ya wuhosi, lezaku ku tsaliwa milayweni ya maPersia ni maMedi, a mhaka yi nga hiko na kuhunzulwa, lezaku Vaxti a nga ha veki nkonzo wakwe mahlweni ka hosi Ahasuerusi, u wuya u nyikela a wuzinza gakwe ka munwani loyi a nga chukwana ku hunza yena.

Estere 2:14

I waya kona laha gambyeni, ni mixo a tlhela aya ndlwini ya wumbiri ya vavasati, wuhlayiselweni ga Xaasgazi, a thenwa wa hosi lowu wu nga hlayisa a mindlukulu yakwe. I wa nga ha tlheli aya ka hosi, loku a hosi yi nga tsakiswangi hi yena, a wuya a vitanwa hi vito gakwe.

Estere 4:10

Zonake Estere i lo wulawula na Hataki, a mu ruma ku yisa mhaka ka Mordekai, a yaku:

Estere 4:12

Va lo ya hlawutela Mordekai a timhaka ta Estere.

Estere 6:4

A hosi yiku: Himani a nga lomu hubyeni? Hamani i wa sina a enghenile lomu hubyeni ga hosi, kasi ku ta wulawula ni hosi ni mhaka yo hayeka Mordekai laha ka mhanze leyi a nga wa yi yimisile.

Estere 8:4

Zonake a hosi yi lo tlakusela Estere a nhonga ya nzalama ya wuhosi. Zinghaho Estere i lo suka a yima mahlweni ka hosi;

Danieli 2:9

Kanilezi loku mu nga nzi byeli a noro, i nayo munwe wu mu yimeleko; hakuva mu polile mawunwa ni timhaka ta hava kasi ku nzi byela zona, na mu tsumba lezaku a zikhati zi ta hunzuka. Hikwalaho nzi hlawuteleni a noro, zonake nzi ta zi tiva lezaku ma zi kota ku wula a tlhamuselo wa kona.

1 Pedro 3:7

Hizalezo na nwina vanuna, tshamani ni vasati va nwina hi ku chela kota, na mu tiva lezaku a wasati xibya xa wukheta, mu va dzunza kota lezi va nga zigatshomba-kuloni ya tipswalo ta wutomi, kasi a mikhongelo ya nwina yi nga tsanzekiswi. Mat. 5:23