Estere 3:13 - Tshwa Bible

¹³ A mapapilo ma rumelwa hi mitsukano matikweni wontihe ya hosi, kasi ku hihirita, va chinza vaku bhi vontlhe vaJuda, a vatsongwani ni vahombe, a zihlangana ni vavasati, hi siku ginwe ga 13 hi hweti ya wu 12 yi nga Adare, va tlhela va phanga a nhunzu yabye.

Estere 3:13 교차 참조

2 Kronekele 30:6

Zinghaho a mitsukano yi lo fambafamba lomu tikweni gontlhe ga va ka Israeli ni ga va ka Juda ni mapapilo ya hosi ni ya tinduna takwe, va hlawutela kota kuleletela ka hosi, vaku: Va ka Israeli, tlhelelani ka Jehova Nungungulu wa Abrahama na Isaka na Israeli, kasi yenawu a fela ku tlhelela ka misalela leyi yi ponileko xikari ka nwina mandleni ya tihosi ta vaAssiria. Mal. 3:7

Estere 7:4

hakuva mina ni va ka hina hi xabyisilwe, kasi kuva hi hihiritwa hi ku bhi. Kanilezi loku ku wa hi ku xaviselwa kuva hi maha tikhumbi, ngha nzi nga wuli nchumu, hambu lezi a nala a nga te ngha a tsanzekile ku ringanisa a kulahlekelwa ka hosi.

Estere 8:5

aku ka yona: Loku a hosi yi vumela, ni loku yi xalala ha mina, zi kumeka na zi lulamile mahlweni ka hosi, nzi hi loyi hakunene nzi tsakisako ka hosi, ngha ku humeswa a mutsalo wo vinya a xikungo xa Hamani nʼwana Hamedata, a muAgage, lexi a nga wa xi tsalile kasi ku lovisa vaJuda lava va nga matikweni wontihe ya hosi.

Estere 9:1

Makunu hi hweti ya wu 12, yi nga ya Adare, hi siku ga 13, laha a zileletelo za hosi zi nga wa fanele ku tatiseka, a siku lego a valala va vaJuda va nga tsumba lezaku va ta va vukela ha gona, kanilezi a mhaka yi hunzulwa, a vaJuda va hi vona va vukelako valala vabye;

Estere 9:10

va nga khume ga vana va Hamani nʼwana Hamedata, a nala wa vaJuda. Kanilezi a va na nga phanga nchumu.

Estere 9:5

A vaJuda va lo daya vontlhe valala vabye hi supado, va va hihirita va maha kuranza kabye hehla ka lava va nga wa va venga.

Joba 9:25

Makunu a masiku ya mina ma tsutsuma ku hunza tsukano, Ma tsutsuma, na ma se nga wona kusaseka.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Jeremia 51:31

A tsukano munwe wu ta tsutsuma wu tlhangaveta munwani, ni ntsumi munwe wu ta tlhangaveta munwani, na va ya byela a hosi ya le Babuloni lezaku a muti wakwe wu engheniwile matlhelo wontihe.

Va le Roma 3:15

A mikonzo yabye yi na ni mazambo a kuya halata nkhata. Mav. 1:16

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

1 Samueli 15:3

Makunu lezi famba u ya hlasela vaAmaleki, u lovisa zontlhe lezo va nga nazo; u nga va nyenyeleteli, kanilezi daya vontlhe vavanuna ni vavasati, ni vananani tisana ta ha anwako, ni tihomu, ni tiyivu, ni makameli, ni timbongola.

1 Samueli 22:19

Saule i lo hlasela Nobe a muti wa vapristi hi wutlha ga supado, a daya vavanuna ni vavasati, ni vanana ni Zihlangana, ni tihomu, ni timbongola, ni tiyivu, a lovisa zontlhe hi wutlha ga supado.