Eksodusi 4:5 - Tshwa Bible

⁵ U ta ya maha zalezo kala va vumela lezaku Jehova, Nungungulu wa vararu vabye, Nungungulu wa Abrahama, Nungungulu wa Isaka, Nungungulu wa Jakobe, i wonekile ka wena.

Eksodusi 4:5 교차 참조

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 18:1

Jehova i lo woneka ka yena le mikuhlwini ya le Mamre; khwatsi hilezi a nga wa tshamile laha nyangweni ya tenda gakwe laha munwini.

Genesisi 26:2

Jehova i lo woneka ka yena, aku ngalo: U nga releli uya Gipite;: aka lomu tikweni legi nzi ta nga ku byela gona.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 48:15

Zonake i lo katekisa Josefa, aku: Nungungulu loyi vadadani, Abrahama, na Isaka, va nga wa famba mahlweni kakwe, Nungungulu loyi a nga nzi wundla kusukela kubelekweni ka mina kala lezi, Maheb. 11:21

Genesisi 48:3

Jakobe aku ka Josefa: Nungungulu wa Ntamu Wontihe i lo woneka ka mina le Luzi, tikweni ga le Kanani, a nzi katekisa,

1 Tihosi 18:36

Zonake hi xikhati xa ku nyikela a muphahlelo wa gambo, muprofeti Elija i lo tshinela laha kusuhani, aku: Jehova, Nungungulu wa Abrahama, na Isaka, na Israeli, a zi tibyiwe inyamutlha lezaku wena u Nungungulu wa ka Israeli, ni lezaku mina nzi nanza ga wena, ni lezaku mina nzi mahile lezi hi kota ya kuleletela ka wena! Ekso. 3:6; Mat. 22:32

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

Eksodusi 19:9

Zinghaho Jehova aku ka Mosi: Nzi tata ka wena hi refu ga ntima, kasi a vanhu va fela ku zizwa loku nzi wulawula na wena, va ta fela ku ku tsumba wontihe masiku. Zonake Mosi i lo tshama a hlawutela Jehova a timhaka ta vanhu.

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Eksodusi 3:16

Famba u ya tsombanyisa a masingalakati ya ka Israeli, uku ka wona: Jehova, Nungungulu wa vararu va nwina, Nungungulu wa Abrahama, ni Nungungulu wa Isaka, ni Nungungulu wa Jakobe, i wonekile ka mina, aku: Hakunene nzi mu enzele, nzi wonile lezi a vaGipite va zi mahako ka nwina.

Eksodusi 3:18

Vona va ta ingisa a gezu ga wena: zonake u ta famba ni masingalakati ya ka Israeli ka hosi ya vaGipite, mu yaku ngalo ka yena: Jehova. Nungungulu wa maHeberu i wonekile ka hina; hikwalaho hi vumele hi teka a pfhumba ga masiku manharu hiya xiwuleni hi ya khozela Jehova, Nungungulu wa hina, hi miphahlelo.

Eksodusi 3:4

Laha Jehova a nga wona lezaku Mosi wa hambuka ku ta cuwuka, Nungungulu i lo mu vitana na hi xikari ka xihlahla, aku: Mosi, Mosi! Yena aku: Nzi laha!

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Eksodusi 4:1

Kanilezi Mosi i lo hlamula, aku: Kanilezi vona va nga ta vumela, ne cima va nga ta ingisa gezu ga mina, hakuva vona va taku: Cima Jehova a nga wonekangi ka wena.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Eksodusi 4:4

Zinghaho Jehova i te ngalo ka Mosi: Nawuluta a canja ga wena u yi khoma hi nkila. Zonake Mosi i lo nawuluta a canja gakwe a yi khoma, yi si hunzuluka kambe yi maha nhonga canjeni gakwe.

Isaya 7:9

A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Jeremia 31:3

Jehova i wonekile ka mina hi le kule, aku: Nzi ku ranzile hi liranzo li nga gumelwiko; Nza ku hlayisela a tipswalo ta mina.

Johani 11:15

Nzi tsakile hi kota ya nwina, lezaku nzi wa hi hava laho, kasi ma fela ku kholwa; kanilezi a hi yeni kakwe.

Johani 11:42

Nza zi tiva lezaku wa nzizwa xikhati xontlhe; kanilezi nzi wula lezi hi kota ya xidlemo lexi xi yimileko laha, kasi va fela ku kholwa lezaku hi wena u nzi rumileko. Xip. 12:30

Johani 20:27

Zonake aku ngalo ka Tomasi: Tisa litiho la wena laha, a mandla ya mina hi laya; tisa a canja ga wena, u gi enghenisa laha reveni ga mina; u ngavi loyi a nga kholwiko, kanilezi kholwa. 1 Joh. 1:1

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Johani 5:36

Kanilezi mina nzi na ni wukustumunyu ga hombe ku hunza legi ga Johani; hakuva a mitiro levi a nzi nyikileko Dadani a kuva nzi yi mbhetisa, ya kustumunya hi mina lezaku Dadani i nzi rumile. Xip. 3:2; 1 Joh. 5:9

Mitiro 7:2

Stefani aku ngalo: Vamakabye ni vadadani, nzi ingiseni. A Nungungulu wa kungangamela i lo woneka ka koko wa hina Abrahama, laha a nga wa hi le Mesopotamia, na a nga se ku aka Harani,

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20