Eksodusi 4:21 - Tshwa Bible

²¹ Zonake Jehova aku ka Mosi: Lezi wena u tlhelako kuya Gipite, alakanya zihlamaliso zontlhe lezi nzi zi vekileko canjeni ga wena, u ta ya zi maha mahlweni ka Faro; kanilezi mina nzi ta nonohisa a mbilu yakwe, a nga vumeli a vanhu ku famba.

Eksodusi 4:21 교차 참조

Genesisi 6:3

Jehova aku ngalo: A Moya wa mina wu nga ta simamisa ku tshama ni vanhu xontlhe xikhati, hakuva a munhu i nyama futsi; ni masiku yakwe ma tava 120 wa malembe.

1 Tihosi 22:22

Wona wu te ngalo: Nzi ta huma nziya kota moya wa mawunwa lomu milonwini ya vaprofeti vakwe vontlhe. Jehova i te ngalo: Hakunene u ta ya mu kupeta u mu hlula. Huma u ya maha zalezo.

Tisimu 105:25

Lava a nga hunzula timbilu tabye lezaku va venga vanhu vakwe; Va maha wumbyori ka malanza yakwe.

Tisimu 78:43

Laha a nga kombisa a masingita yakwe le Gipite, Ni zihlamaliso zakwe tikweni ga Zoani,

Eksodusi 10:1

Jehova aku ka Mosi: Famba ka Faro hakuva nzi yi nonohisile a mbilu yakwe ni timbilu ta malanza yakwe, kasi nza fela ku maha ziwoniso lezi za mina xikari kabye.

Eksodusi 10:20

Kanilezi Jehova i lo nonohisa a mbilu ya Faro, a ala ku tlhatlha a vanana va ka Israeli va famba. A munyama.

Eksodusi 10:27

Kanilezi Jehova i lo nonohisa a mbilu ya Faro, a ala ku va tlhatlha va famba.

Eksodusi 11:10

Mosi na Aroni va lo maha zihlamaliso zontlhe lezi mahlweni ka Faro; kanilezi Jehova i lo nonohisa a mbilu ya Faro, a alela a vanana va ka Israeli a ku huma tikweni gakwe. 1 Sam. 6:6

Eksodusi 11:9

Jehova i lo engeta kambe aku ka Mosi: Faro cima a nga ta ingisa, kasi a zihlamaliso za mina zi fela ku anziswa lomu tikweni ga Gipite.

Eksodusi 14:17

Mina nzi ta nonohisa a timbilu ta vaGipite, va ta mu lanza; zonake mina nzi tava ni wudumo ha Faro ni yimpi yakwe yontlhe, ni tikareta takwe, ni vakhileli va mahaxi.

Eksodusi 14:4

Mina rizi ta nonohisa a mbilu ya Faro, na yena i ta va lanza; zonake mina nzi tava ni wudumo hi Faro ni yimpi yontlhe; ni vaGipite va ta zi tiva lezaku hi mina Jehova. Zonake va lo maha lezo.

Eksodusi 14:8

Zinghaho Jehova i lo nonohisa a mbilu ya Faro, a hosi ya Gipite, kasi a fela ku lanza a vanana va ka Israeli, na kasi a vanana va ka Israeli va huma hi canja ga ntamu. Mitse. 33:3

Eksodusi 3:19

Kanilezi nza zi tiva lezaku a hosi ya Gipite yi nga ta mu vumela ku famba, hambu loku mu kurumeta hi ntamu.

Eksodusi 3:20

Kanilezi nzi ta tlakusa a canja ga mina nziba vaGipite hi zihlamaliso zontlhe lezi nzi ta nga zi maha ka vona. Anzhako ka zona i ta mu tsika mu famba.

Eksodusi 7:13

Kanilezi a mbilu ya Faro yi lo nonoha, cima a nga va ingisangi, khwatsi hi kuwula ka Jehova.

Eksodusi 7:3

Kanilezi mina nzi ta nonohisa a mbilu ya Faro, zonake nzi anzisa a zirewukiso za mina lomu tikweni ga Gipite.

Eksodusi 8:11

A makhele ma ta nwalala ka wena, ni ka malanza ya wena, ni ka tiko ga wena, ma sala congweni koce.

Eksodusi 8:15

Kanilezi laha Faro a nga wona lezaku i hlangutilwe, i lo ti nonohisa a mbilu yakwe. A nga ingisangi, khwatsi hi lezi Jehova a wulileko.

Eksodusi 8:32

Kanilezi Faro i lo engeta a nonohisa a mbilu yakwe, a ala ku tlhatlha vanhu.

Eksodusi 9:12

Jehova i lo nonohisa a mbilu ya Faro, a nga ingisi timhaka ta Mosi na Aroni, khwatsi hi lezi Jehova a wulileko ka Mosi.

Eksodusi 9:35

A mbilu ya Faro yi lo nonoha; cima a nga vumelangi ku tlhatlha a vanana va ka Israeli va famba, khwatsi hi lezi Jehova a wulileko hi nomu wa Mosi.

Isaya 6:10

Nonohisa a timbilu ta vanhu la va, U vala tindleve tabye, u tsunya mahlo yabye, Va ngazwi hi tindleve tabye, va nga pimi hi timbilu tabye, Kasi va nga hunzuluki va hanyiswa. Deut. 29:3; Rom. 11:8

Isaya 63:17

Jehova, hikuyini u hi tsikako hi hambuka tindleleni ta wena, U nonohisa timbilu ta hina kasi hi nga ku chavi ke? Tlhela hi kota ya malanza ya wena, A tixaka ta tshomba ya wena.

Johani 12:40

I phumisile mahlo yabye, a nonohisa timbilu tabye; Ku nga taku va wona hi mahlo yabye, va pima hi timbilu tabye; Va hunzuluka, nzi va hanyisa. Isa. 6:9, 10; Mat. 13:14

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Va le Roma 9:18

Hikwalaho yena wa mu zwela wusiwana loyi a zi ranzako ku mu zwela, ni ka loyi a zi ranzako ku mu nonohisa wa mu nonohisa.

2 Va le Korinte 2:16

A ka vanwani hi masema ya kufa lawa ma vangako kufa, ni ka vanwani hi masema ya wutomi ma vangako wutomi. Himani a ringeneko lezi zilo ke?

Deuteronome 2:36

Kusukela le Aroera kusuhani ni nkova wa Amoni, ni muti lowu wu nga laha xikari ka nkova, kala le Gileade, ku wa hi hava a muti wu nga wa yimelana na hina; hakuva Jehova Nungungulu wa hina i lo yi nyikela yontlhe mandleni ya hina.

Joxua 11:20

Hakuva zi wa mahiwa hi Jehova lezaku va nonohisa timbilu tabye a ku vukela Israeli, kasi Israeli a fela ku va lovisa, va nga va tsetsi, kanilezi va va lovisa khwatsi hi lezi Jehova a leleteleko Mosi.

1 Pedro 2:8

Kambe: A ribye ga xikhunguvanyiso, ni ribye legi gi ta nga va wisa. Va khunguvanyeka ha gona hakuva a mhaka a va yi ingisi; hakuva va wa yimiselwe lezo. Isa. 8:14; Rom. 9:22