23 Wihi ni wihi loyi a nga hi ni tinguwo ta mivala ya wukuxe, kuzirila, ni kupswhuka, ni wukene go saseka, ni woya ga timbuti, ni mabhebhe ya tihamba ma totilweko hi tinta yo pswhuka, ni mabhebhe ya macalo, va lo zi neha.
Lava va nga wa hi ni maribye ya lisima, va lo ma nyikela a kuva ma engheniswa lomu ka zilo za yindlu ya Jehova, va ma nyikela mandleni ya Jehieli a muGerxoni.
Ku lota vavanuna ni vavasati; vontlhe lava va zi ranzako hi timbilu tabye va neha zingwavila, ni masinza, ni tiphera, ni tixakaxaka ta mitiro ya nzalama; loyi ni loyi i lo nyikela a munyikelo wakwe wa nzalama lowu a wu longiseleko Jehova.
Loyi ni loyi a nga zi kota, i lo nyikela munyikelo wa siliva, ni suku, va wu neha ka Jehova; ni vontlhe lava va nga hi ni tisinya ta munga to tira ha tona a ntiro wa tabernakeli, va lo ti neha.
Va lo luka tinguwo hi tihinza ta wukuxe, ni to zirila, ni to pswhuka, kasi ku khozela ha tona lomu ndlwini ya kubasa; va mahile tinguwo leto to basa ta Aroni, khwatsi hilezi Jehova a leleteleko Mosi.
