Eksodusi 35:22 - Tshwa Bible

²² Ku lota vavanuna ni vavasati; vontlhe lava va zi ranzako hi timbilu tabye va neha zingwavila, ni masinza, ni tiphera, ni tixakaxaka ta mitiro ya nzalama; loyi ni loyi i lo nyikela a munyikelo wakwe wa nzalama lowu a wu longiseleko Jehova.

Eksodusi 35:22 교차 참조

2 Tihosi 12:4

Joaxi i te ngalo ka vapristi: A mali yontlhe ya kubasa leyi yi nehiwako lomu ndlwini ya Jehova, yi nga mali ya munwe ni munwani loku vanhu va hlayiwa, ni mali yontlhe ya kutirulwa ka vanhu, leyi a mupristi munwe ni munwani a ta nga yi pima, ni mali yontlhe leyi a munhu ni munhu a ta nga yi neha hi kuranza ka mbilu yakwe lomu ndlwini ya Jehova; Ekso. 30:12; Levi 27:2; Deut. 16:10

2 Kronekele 29:31

Zonake Hezekia i lo wulawula, aku: Kota lezi mu ti nyikeleko ka Jehova, makunu tshinelani mu neha a miphahlelo ni minyikelo ya kubonga lomu ndlwini ya Jehova! Wontihe tlhangano wu lo neha a miphahlelo ni minyikelo ya kubonga; a vanyingi lava va nga wa zi ranza va lo nyikela muphahlo wa kuhiswa.

Eksodusi 32:2

Zonake Aroni aku ka vona: Anyulani zingwavila za nzalama lezi zi nga lomu tindleveni ta vasati va nwina, ni ta vafana va nwina, ni ta vanhanyana va nwina, mu zi neha laha ka mina.

Eksodusi 32:3

Zonake a vanhu vontlhe va lo anyula a zingwavila za nzalama lezi zi nga hi tindleveni tabye, va zi neha ka Aroni.

Eksodusi 35:21

Zonake munhu ni munhu, lava va vuxilweko timbilwini tabye, ni vontlhe lava va zi ranzako, i lo neha minyikelo yakwe ka Jehova, kasi yi ta tira a ntiro wa tenda ga mutlhangano, ni zontlhe za ntiro wa gona, ni tinguwo ti basileko.

Eksodusi 35:23

Wihi ni wihi loyi a nga hi ni tinguwo ta mivala ya wukuxe, kuzirila, ni kupswhuka, ni wukene go saseka, ni woya ga timbuti, ni mabhebhe ya tihamba ma totilweko hi tinta yo pswhuka, ni mabhebhe ya macalo, va lo zi neha.

Mavingu 25:12

A mululeki a layako hi wutlhari a ndleve yi ingisako fanana ni phera ya nzalama, ni xingwavila xa nzalama yi hlutilweko.

Isaya 3:19

a zingwavila, ni mihono, ni tilesu,

Isaya 60:13

A wukosi ga Lebanoni gi tata ka wena, A kipres ni pinyero ni seringa khatiginwe, Kasi ku bombisa a wutshamu ga mina gi basileko; Nzi ta ngangamelisa a wutshamu legi ku yimileko ka gona a milenge ya mina.

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Ezekieli 16:11

Nzi lo ku bombisa hi magovo, nzi ku boha zingwavila mawokweni ya wena ni makadiyado nhanweni ya wena.

Mitsengo 31:50

Zonake hina ha neha a munyikelo wa Jehova, munwe ni munwani wa hina kota lezi a zi kumileko, a za nzalama ni tiketani, ni masinza, ni zingwavila, ni tiphera ta tindleve ni maniya, a ku ta maha ha zona a nzhiho mahlweni ka Jehova.

Mateu 2:11

Va lo enghena lomu ndlwini, va wona a xihlangana ni nyine wa xona Maria; va lo xi khizamela, va vulula zikhwama zabye va mu nyika zinyikiwo: a nzalama ni hlakati ni mira. Tis. 72:10