Eksodusi 34:29 - Tshwa Bible

²⁹ Zonake laha Mosi a nga relela hi le xitsungeni xa Sinai zinwe ni timbila timbiri ta milayo mandleni yakwe, i wa nga zi tivi lezaku a nghohe yakwe ya ngangamela hilezi a nga wa wulawula na Jehova. 2 Kor. 3:7

Eksodusi 34:29 교차 참조

Eksodusi 16:15

A vanana va ka Israeli laha va nga zi wona, va lo wutisana, vaku: Zini lezi? Hakuva va wa nga zi tivi lezaku zini. Zonake Mosi aku: Lezi hi zona zibaba lezi Jehova a mu nyikako zona a kuva muga.

Eksodusi 31:18

Makunu laha Jehova a nga mbhetile ku wulawula na Mosi le xitsungeni xa Sinai, i lo mu nyika maribye mambiri ya milayo, laya ma tsalilweko hi litiho la Nungungulu.

Eksodusi 32:15

Zonake Mosi i lo relela hi le xitsungeni, na khomile maribye mambiri ya milayo mandleni yakwe, na ma tsalilwe matlhelo mambiri, seno ni seno.

Eksodusi 34:35

A vanana va ka Israeli va lo wona lezaku a nghohe ya Mosi ya hatima, zonake Mosi a engeta a ti fenengeta a nghohe yakwe hi nguwo, kala aya enghena kambe a, kuya wulawula na Jehova.

Mutshawuteli 8:1

Himani a fananako ni tlhari? Himani loye a zi kotako ku tlhamusela mhaka ke? A wutlhari ga munhu gi maha nghohe yakwe yi ngangamela, Ku zunya ka nghohe yakwe ku hunzulwa.

Mateu 17:2

I lo hunzuka mahlweni kabye; a nghohe yakwe yi ngangamela kota gambo, ni tinguwo takwe ti basa kota kuwonekela.

Marku 14:40

I lo wuya kambe, a ta va kuma na va etlele, hakuva a mahlo yabye ma wa tika nguvu; a va nga zi tivi lezaku va ta mu hlamulisa kuyini.

Marku 9:6

hakuva i wa nga zi tivi lezi a ta nga wulawula, hakuva va wa chava nguvu.

Luka 2:49

Yena aku ngalo kabye: Mu wa nzi lavela yini ke? Xana mo wa nga zi tivi lezaku nzi fanele a kuva nzi hi ndlwini ya Dadani ke? Joh. 2:16

Luka 9:29

Kota lezi a nga kari a khongela, a xiyimo xa nghohe yakwe xi lo hunzuka, a tinguwo takwe ti basa ti ngangamela.

Johani 5:13

Kanilezi loyi a hanyisilweko i wa nga zi tivi aku hi mani; hakuva Jesu i wa nyamalele, lezi ku nga hi ni vanhu vo tala wutshanwini lego.

Mitiro 12:9

I lo huma, a yi lanzela, na a nga zi tivi lezaku lezi zi mahiwako hi ngelosi zi maheka hakunene; kanilezi i wa alakanya lezaku o wona muwoniso. Tis. 126:1

Mitiro 23:5

Paule aku ngalo: Vamakabye, nzi wa nga zi tivi lezaku mupristi wa hombe, hakuva ku tsalilwe ku ngalo: U nga rukateli a hosi ya tiko ga nwina. Ekso. 22:28; 2 Ped. 2:10; Juda 8

Mitiro 6:15

Vontlhe lava va nga tshamile hubyeni va lo mu cuwukisisa, va wona a nghohe yakwe yi fana ni nghohe ya ngelosi. Mat. 28:3

2 Va le Korinte 3:13

na hi nge khwatsi hi Mosi, loyi a nga fenengeta a nghohe yakwe hi nguwo, kasi a vanana va ka Israeli va nga zi koti a ku wona a magumo ya lezi zi hunzako. Ekso. 34:33; Rom. 10:4

Deuteronome 10:5

Nzi lo tlhela nzi relela hi le xitsungeni, nzi ya veka a timbila lomu ka nghaxa leyi nzi nga wa yi mahile, ta ha tshamile kona khwatsi hi lezi Jehova a nzi leleteleko.

Joxua 2:4

Kanilezi a wasati i lo teka vavanuna vambiri a Va fihla, zonake aku: Hi zona a vavanuna va wa tile ka mina, kanilezi nzi wa nga tivi lomo va tako ha kona;

Joxua 8:14

Ni laha a hosi ya le Ai yi nga wa zi wonile, zalezo a vanhu va muti va lo vuka ni mixo, va hatlisa ku huma vaya tlhangana ni va ka Israeli valwa navo, va lo ya tsombana ka wutshamu gi yimisilweko mahlweni ka nzhelelo; kanilezi yena i wa nga zi tivi lezaku ku kona xijumani lenzhako ka muti.

Kuvululelwa 1:16

Lomu canjeni gakwe ga xinene i wa hi ni ntlhanu wa tinyeleti ni timbiri; a nonwini wakwe ku lo huma a supado yo kariha ya wutlha gimbiri; a nghohe yakwe yi wa kota gambo loku gi ngangamela hi ntamu wa gona. Isa. 49:2; Miti. 26:13; Efe. 6:17

Kuvululelwa 10:1

Nzi lo wona yinwani ngelosi ya ntamu na yi relela hi le tilweni, yi ambele refu, ni wura ga nyazimu gi hi hehla ka hloko ya yona; a nghohe ya yona yi kotisa gambo, ni mikonzo ya yona yiku khwatsi timhanze ta nzilo. Ezek. 1:28; Mat. 17:2; Xip. 1:15

Valamuli 16:20

I te ngalo kakwe: Ehe! Samsoni, Hi lawa maFilistia! I lo vuka hi lomu Wurongweni gakwe, aku: Nzi ta ti ponisa khwatsi hi manwani masiku, nzi ti vikela mandleni yabye; na a nga zi tivi lezaku Jehova i humile ka yena.