Eksodusi 34:24 - Tshwa Bible

²⁴ Hakuva nzi ta hlongola matiko mahlweni ka wena, nzi kulisa a tiko ga wena: ku nga tava kona a munhu a ta nga mbilukela a tiko ga nwina, loku mu ya ti wonekelisa kanharu hi lembe mahlweni ka Jehova, Nungungulu wa wena.

Eksodusi 34:24 교차 참조

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 35:5

Va lo andlamuka. A xichavo xa Nungungulu xi wa hi ka miti leyo yi nga wa va ranzele, hikwalaho vona a va va lanzangi a vana va Jakobe.

1 Tihosi 5:1

Hiramu a hosi ya le Tire i lo rumela malanza yakwe ka Solomoni, hakuva i wa zwile lezaku va mu totile a kuva hosi wutshanwini ga raru wakwe, hakuva Hiramu i wa hi xaka ga Davida wontihe masiku. 2 Sam. 5:11

1 Kronekele 4:10

Jabeza i lo khongela ka Nungungulu wa ka Israeli, aku: Loku u wa nzi katekisa, u engetela a mimbhingano ya mina, a canja ga wena giva zinwe na mina, u nzi vikela ka lezi zi bihileko, kasi nzi nga kumi hlomulo! Nungungulu i lo mu nyika lezi a zi kombeleko.

2 Kronekele 17:10

Matiko wontihe ma wa tele hi xichawo xo chava Jehova, a matiko lawa ma ranzelekeleko va ka Juda; wona a ma hlomangi yimpi va vukela Jehoxafate.

Joba 1:10

A hi lezi u mu vikelako, yena ni yindlu yakwe, ni zilo zontlhe zakwe ke? U katekisile a ntiro wa canja gakwe, ni mitlhambi yakwe yi lo anza laha tikweni.

Tisimu 120:1

Nzi loba huwa ka Jehova kuxani sekeni ka mina, Yena i lo nzi hlamula.

Tisimu 78:55

I lo hlongola a vamatiko mahlweni kabye, A va avanyisela a tshomba yabye hi lipimo, A akisa a tixaka ta ka Israeli matendeni yabye.

Tisimu 80:8

Wena u simule a sinya ya vina le Gipite, U hlongola vamatiko, u yi sima. Gen. 49:22; Isa. 5:1; 27:2

Eksodusi 33:2

Nzi ta ruma a ngelosi leyi yi ta nga ku rangela, zonake nzi ta hlongola vaKanani, ni vaAmori, ni vaHiti, ni vaPerezi, ni vaHivi, ni vajebusi.

Eksodusi 34:11

Hlayisa lezi nzi ku leletelako zona nyamutlha. Nzi ta hlongola mahlweni ka wena a vaAmori, ni vaKanani, ni vaHiti, ni vaPerezi, ni vaHivi, ni vajebusi.

Mavingu 16:7

Loku a tindlela ta munhu ti mu tsakisa Jehova, a vanga kurula xikari kakwe ni valala vakwe.

Levi 18:24

Mu nga ti nyenyezisi hi xinwe xa lezi zilo, hakuva a matiko laya nzi ma hlongoleko mahlweni ka nwina, ma ti nyenyezisile hi zontlhe lezo zilo.

Mitiro 18:10

Hakuva mina nzi ha wena, a ku na munhu a ta nga ku vukela a ku ku lamata; hakuva nzi na ni vanhu vanyingi mutini lowu. Isa. 41:10; Jer. 1:18; Mat. 28:20

Deuteronome 12:20

Laha Jehova Nungungulu wa wena a ta nga enzelekisa a tiko ga wena, khwatsi hi lezi a ku byelileko, zonake loku u ranza kuga nyama, u taku: A mbilu ya mina yi navela kuga nyama, u taga nyama hi zontlhe zikhati lezi a mbilu ya wena yi xuvako kuga nyama. Gen. 23:14

Deuteronome 16:16

Wanuna munwe ni munwani i ta ya ti wonekelisa mahlweni ka Jehova Nungungulu wa wena zikhati zinharu hi lembe, laha ka wutshamu lego Jehova a ta nga gi hlawula; lezo hi lezaku mubuzo wa zibaba zi nga hiko na comelo, ni mubuzo wa maviki, ni mubuzo wa mixaxa, kanilezi va nga ti wonekelisi mahlweni ka Jehova na va nga welelangi nchumu;

Deuteronome 19:8

Ni laha Jehova Nungungulu wa wena a ta nga enzelekisa a tiko ga wena, khwatsi hi lezi a hlambanyileko ka vararu va wena, ni ku ku nyika gontlhe tiko a nga wula ku ngalo i ta gi nyika vararu va wena;

Deuteronome 7:1

Laha Jehova Nungungulu wa wena a ta nga ku chiketa ka tiko legi u yako ka gona ku ya gi fumela, ni laha a ta nga panzanya mahlweni ka wena wontihe matiko lawa yo tala, a vaHiti, ni vaGirgaxi, ni vaAmori, ni vaKanani, ni vaPerezi, ni vaHivi, ni vajebusi, a ntlhanu wa matiko ni mambiri lawa ma ku hunzako hi wukulu ni ntamu, Ekso. 23:23