Eksodusi 33:14 - Tshwa Bible

¹⁴ Jehova aku: Mina wutsumbu nzi ta ku pangalata, nzi ku humuta.

Eksodusi 33:14 교차 참조

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Tisimu 95:11

Laha ka kuva nzi hlambanya zangeni ya mina, Lezaku va nga ta enghena kuhumuleni ka mina. Mitse. 14:22; Maheb. 3:18; 4:3

Eksodusi 13:21

Jehova i lo va rangela laha munwini hi mhinga ya refu, ku va kombisa ndlela, ni laha wusikwini hi mhinga ya nzilo kasi ku va byeningela, va fela ku famba mumu ni wusiku. Mitse. 14:14; 1 Kor. 10:1

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 31:2

Jehova i ngalo: A vanhu lava va ponileko matlhari va kumile tipswalo xiwuleni; Nzi ta ya nyika Israeli a kuhumula.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Danieli 12:13

Kanilezi ti fambele u ya rinzela xikhati xa magumo, hakuva U ta humula, zonake u ta vuka u amukela a xiavelo xa wena a kumbheleni ka masiku.

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Deuteronome 12:10

Kanilezi loku mu tlhatukile Jordani mu ya aka a tikweni legi Jehova Nungungulu wa nwina a ta nga mu nyika a kuva tshomba ya nwina; ni loku a mu nyikile kuhumula valaleni vontlhe lava va mu ranzeleko, lezaku mu tshama kuruleni;

Deuteronome 25:19

Hikwalaho laha Jehova Nungungulu wa wena a ta nga ku nyika kuhumula ka vontlhe valala va wena lava va ku ranzeleko, lomu ka tiko legi Jehova Nungungulu wa wena a ku nyikileko kasi gi maha tshomba ya wena u gi fumela, zonake wena u ta hlanguta muAmaleki, a nga ha alakanyiwi kambe lahasi ka tilo; u nga rivali lezo. 1 Sam. 15:2; 1 Kro. 4:43

Deuteronome 3:20

kala Jehova a nyika kuhumula ka vamakabye va nwina kota nwina, zonake vonawu va ta fumela a tiko legi Jehova Nungungulu wa nwina a va nyikileko le tlhatuko wa Jordani; zonake munwe ni munwani i ta tlhelela tshombeni yakwe leyi nzi mu nyikileko yona. Jox. 22:4

Deuteronome 31:8

Jehova i ta famba mahlweni ka wena, ava zinwe na wena; cima a nga ta ku tsika, hambu ni ku ku siya; hikwalaho u nga chavi u mbhela ntamu.

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 21:44

Na Jehova i lo va nyika kuhumula ka wontihe matlhelo, khwatsi hi lezi a nga wa hlambanyile ka vararu vabye; cima ku wa nga hi kona ni munwe wa valala vabye a nga zi kota ku tiya mahlweni kabye, Jehova i lo va nyikela vontlhe canjeni gabye.

Joxua 22:4

Makunu Jehova Nungungulu wa nwina i nyikile kuhumula ka vamakabye va nwina, khwatsi hi lezi a va byelileko: hikwalaho tlhelani makunu mu famba matendeni ya nwina, ni le tikweni ga tshomba ya nwina, leyi Mosi a nanza ga Jehova a mu nyikileko yona le tlhatuko wa Jordani. Mitse. 32:20; Deut. 3:18

Joxua 23:1

Laha ku nga wa hunzile masiku yo tala, laha Jehova a nga wa nyikile kuhumula ka vanana va ka Israeli ka vontlhe valala vabye lava va nga wa va ranzele, na Joxua i wa hi wa kale hi kuva ni malembe yo tala,