Eksodusi 31:15 - Tshwa Bible

¹⁵ Ku ta tiriwa ntlhanu wa masiku ni ginwe, zonake a ga wuntlhanu ni mambiri gi tava ga sabado ga kuhumula, legi gi basiselweko Jehova. Kani hi wihi loye a tirako hi siku ga sabado, i ta dawa.

Eksodusi 31:15 교차 참조

Genesisi 2:2

Hi siku ga wuntlhanu ni mambiri Nungungulu i wa gumesile mitiro yontlhe leyi a nga wa yi mahile: i lo humula hi siku ga wuntlhanu ni mambiri mitirweni yakwe yontlhe leyi a nga yi mahile. Ekso. 20:11; Maheb. 4:4

Eksodusi 16:23

Yena aku ka vona: Lezi hi lezi zi leletelweko hi Jehova; manziko i siku go humula, hi sabado go basa ga Jehova; bhikani lezi mu lavako ku bhika nyamutlha, mu katinga lezi mu lavako ku katinga nyamutlha; zonake zontlhe lezi zi salako, zi hlayiseni kala manziko.

Eksodusi 16:26

Mu ta zi rolela lomu ka ntlhanu wa masiku ni ginwe, kanilezi hi siku ga wuntlhanu ni mambiri i sabado, zi nga tava kona ka lego siku.

Eksodusi 23:12

U ta tira mitiro ya wena hi ntlhanu wa masiku ni ginwe, kanilezi u ta humula hi siku ga wuntlhanu ni mambiri; ku ta humula ni homu ya wena, ni mbongola ya wena; ni nʼwana wa khumbi ya wena ni muluveli wa wena, vonawu va ta humula.

Eksodusi 31:14

Mu ta hlayisa a sabado, hakuva a ka nwina i siku gi basileko. Loyi a nga gi hlayisiko i ta dawa; hakuva loku a munhu a tira a ntiro hi lego siku, i ta humeswa xikari ka lixaka la ka kabye.

Eksodusi 31:16

Hikwalaho a vana va ka Israeli va ta hlayisa a sabado, va gi basisa ka zontlhe zizukulwana zabye, xi tava xivumelwano xa pinzukelwa.

Eksodusi 31:17

Xikombiso xa pinzukelwa xikari ka mina ni vanana va ka Israeli; hakuva hi ntlhanu wa masiku ni siku ginwe, Jehova i mahile tilo ni misava, kanilezi hi siku ga wuntlhanu ni mambiri, i lo tsika ku tira a humula.

Eksodusi 34:21

U ta tira ntlhanu wa masiku ni ginwe, zonake u humula hi siku ga wuntlhanu ni mambiri; u ta humula hambu loku ku hi xikhati xa xirimo ni loku ku hi xikhati xa kutshovela. Lu. 13:14

Eksodusi 35:2

ku ta tiriwa ntlhanu wa masiku ni ginwe, kanilezi a siku ga wuntlhanu ni mambiri gi tava ga kubasa; i sabado legi gi basiselweko Jehova. Kani hi wihi a tirako hi siku lego, i ta dawa.

Eksodusi 35:3

Mu nga dziveli nzilo lomu tindlwini ta nwina hi siku ka sabado.

Ezekieli 46:1

Hosi Jehova i ngalo: A nyangwa ya hubye ya lomu xikari, leyi yi cuwukako tlhelo ga Mutsuwuka-gambo, yi ta valiwa a ka ntlhanu wa masiku ni ginwe ya ku tira; kanilezi hi siku ga sabado yi ta vululwe, ni siku a hweti yi wonekako yi ta vululwa.

Levi 16:29

Lowu wu tava nayo wa kala kupinzuka a ka nwina: Hi hweti ya wuntlhanu ni timbiri, ka siku ga wukhume ga hweti, nwina mu ta va ni hlo mulo, mu nga tiri ni ntiro munwe, hambu ni wa ka nwina, hambu ni wamatiko loyi a luvelako xikari ka nwina.

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Levi 23:32

Gi tava siku ga ximuse ka nwina, muva ni hlomulo mihefemulweni ya nwina; mu ta hlayisa a sabado legi ga nwina kusukela gambyeni ga siku ga wuntlhanu ni mune ga hweti, kala gambyeni ga siku gi gamelako.

Luka 13:14

Kanilezi a murangeli wa sinagoga i lo zangara hilezi Jesu a nga hanyisa hi siku ga sabado, a byela vanhu, aku: Ku na ni ntlhanu wa masiku ni ginwe laya a vanhu va faneleko ku tira ha wona; tanani ha wona mu ta hanyiswa, na ku nga hi siku ga sabado. Ekso. 20:9; Mat. 12:10; Mar. 3:2

Luka 23:56

Zonake va lo tlhela, va ya longisa a makha ni mafura yo nuhela. Hi siku ga sabado va lo humula kota nayo. Ekso. 20:10; Mar. 16:1

Deuteronome 5:12

Hlayisa a siku ga Sabado u gi basise, kota lezi Jehova Nungungulu wa wena a ku leleteleko.

Maheberu 4:9

Hikwalaho ga ha va salele a sabado ga kuhumula a vanhu va Nungungulu.