Mosi i lo wulawula ka Aroni, na Eliazare, ha Itamare, a vana vakwe lava va seleko, aku: Tekani lezi zi seleko za muphahlo wa zakuga, ka miphahlo ya ku hiselwa Jehova, muga na zi nga hi na comelo, mu gela kusuhani ni alati, hakuva zi basile nguvu.
Kasi loku a tabemakeli gi Suka, a vaLevi va ta gi tlhatlha, ni loku a tabemakeli gi yimiswa, a vaLevi va ta gi zimekela; kanilezi a wamatiko loye a tshinelako kusuhani ka gona i ta dawa.
ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.
aku ngalo ka Kora ni ntlawa wakwe: Manziko Jehova i ta kombisa lava va nga vakwe, ni lava va basileko a kuva va tshinela ka yena; zonake loyi Jehova a ta nga mu hlawula, i ta mu tshineta kakwe.
Kanilezi va tava zinwe na wena, va hlayisa a tenda ga mutlhangano, ni yontlhe mitiro ya tenda; kanilezi ngha ku nga hi kona a muluveli a tshinelako ka nwina.
Kanilezi wena ni vana va wena, mu ta tira a ntiro wa wupristi ga nwina ka zontlhe za alati, ni ka lezi zi nga lomu nzeni ka xisirelo; mu tira a ntiro wa nwina lomo. A wupristi i ntiro wu nga xinyikiwo xa nwina ntsena, kanilezi a mupfhumba loyi a tshinelako lomo i ta dawa.
Kanilezi Mosi na Aroni ni vana vakwe va wa gova le mahlweni ka tabemakeli tlhelo ga Mutsuwuka-gambo, va hlayisela a vanana va ka Israeli a wutshamu ga kubasa; kanilezi a wamatiko loyi a tshinelako ka gona i ta dawa.
