Eksodusi 29:28 - Tshwa Bible

²⁸ zi tava za Aroni ni vana vakwe, kona ku tava xileletelo xa kala kupinzuka xikari ka vanana va ka Israeli, hakuva xinyikiwo lexi xi pambulweko ka vanana va ka Israeli, lexi va ta nga pambula laha miphahlweni yabye ya kukhesa; hi xinyikiwo xabye lexi xi pambulweko ka Jehova.

Eksodusi 29:28 교차 참조

Eksodusi 28:2

U ta mahela nakuloni Aroni a tinguwo ti basileko, ta wukulu ni ta wumbhuri.

Eksodusi 29:27

Zonake u ta basisa a xifuva lexi xi nziwitelweko, ni nenge lowu wu tlakusilweko, ziva za yivu yi basileko lezi zi nga nziwitelwa ni ku nyikelisiswa, lezi zi nga za Aroni ni vana vakwe;

Eksodusi 29:29

A tinguwo ta Aroni leti ti basileko, ti tava ta vana vakwe anzhako ka yena, kasi va ta ambala a siku lego va ta nga wumbelwa ni ku totiwa.

Levi 3:1

Loku a munyikelo wa munhu wu hi muphahlo wa kurula, ni loku a nyikela a homu, hambu yi hi ya matsune kutani kati, i ta yi nyikela na yi nga hi na bawa mahlweni ka Jehova.

Mitsengo 15:21

Ka timbewu ta nwina to ranga mu ta pambula a munyikelo wa Jehova wu humako ka xihulo xa nzhimbo wa nwina ka zontlhe zizukulwana za nwina.

Mitsengo 18:24

Hakuva a xipanze xa wukhume lexi a vanana va ka Israeli va ta nga nyikela ka Jehova, nzi nyikile vaLevi, xi tava tshomba yabye. Hi kota ya lezo nzi wulile lezaku va nga tava ni tshomba lomu xikari ka vanana va ka Israeli.

Mitsengo 18:29

Ka zilo zontlhe lezi mu ta nga nyikiwa, mu ta susa xipanze xa kusaseka mu nyikela ka Jehova; ka zilo zontlhe zo saseka mu ta susa a xipanze xi mbheleleko mu nyikela, lowo munyikelo wu basileko.

Mitsengo 18:8

Jehova i lo wulawula kambe ka Aroni, aku: Languta, zontlhe lezi zi basileko, lezi a vanana va ka Israeli va zi nyikelako ka mina, nzi ku nyikile wena. Nzi ku nyikile zona, kasi zi avelwa ka wena ni vana va wena, xi tava xiavelo xa kala kupinzuka.

Mitsengo 20:28

Mosi i lo teka tinguwo ta Aroni a ambexa a nʼwana wakwe Eliazare. Zonake Aroni i lo fela laho hehla ka xitsunga, kanilezi Mosi na Eliazare va lo relela lahasi ka xitsunga.

Mitsengo 31:29

Mu ta zi pambula a ka khihlanya ga lezi va zi kumileko, mu nyika mupristi Eliazare, kasi wuva munyikelo wa ku nziwitela wa Jehova.

Mitsengo 31:41

Zonake Mosi i lo nyikela ka mupristi Eliazare a munyikelo lowu wu lumbako Jehova, khwatsi hi lezi Jehova a leleteleko Mosi.

Mitsengo 5:10

A zilo lezi zi basileko za munwe ni munwani zi tava za yena; zontlhe lezi zi nehiwako ka mupristi, zi tava zakwe.

Mitsengo 5:9

Zontlhe zinyikiwo za kubasa, lezi a vanana va ka Israeli va zi nehako ka mupristi, zi tava zakwe. Ekso. 29:28; Levi 10:13

Mitsengo 6:20

A mupristi i ta zi nziwitela mahlweni ka Jehova; lezo zi tava zilo zi basileko nguvu, zi tava za mupristi, zinwe ni xifuva lexi xi nga nziwitelwa, ni nenge wa muphahlo. Zonake anzhako ka lezo a munazira wa zi kota kunwa a vinya. Ekso. 29:27; Levi 7:31

Deuteronome 18:3

Lezi zi fanelako vapristi, hi lezi zi humako ka vanhu lava va nyikelako miphahlo, hambu loku yi hi homu, kutani i yivu; a mupristi va ta mu nyika a woko ni tihlaya, ni khwiri.