Abrahama i lo tlakusa a mahlo yakwe, i lo wona a hamba hi lenzhako kakwe na yi khwekele lomu likwareni hi timhonzo ta yona; Abrahama i lo ya teka a hamba, a yi maha munyikelo wa kuhiswa wutshanwini ga nʼwana wakwe.
Aku ngalo: Teka a nwanana wa wena Isaka, loyi u mu ranzako, uya tikweni ga le Moria, u ya mu nyikela laho, a kuva munyikelo wa kuhiswa le xitsungeni lexi nzi ta nga ku kombisa xona.
Isaka i lo wulawula ka raru wakwe Abrahama, aku: Dada! Aku ngalo: Nwananga. Aku ngalo: A nzilo ni tihunyi hi lezi; makunu yi kwihi a yivana ya munyikelo wa kuhiswa ke?
Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.
Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19
Zonake a nzilo wa Jehova wu lota wu ta mbhetisa a muphahlelo wa kuhiswa, ni tihunyi ni maribye, ni misava; wu pswonga ni mati ya lomu nkeleni. Levi 9:24; Vala. 6:21; 2 Kro. 7:1
A hosi yi loya te Gibeoni a ku ya phahlela kona, hakuva xi wa hi xitsunga xo leha nguvu. Solomoni i lo nyikela a 1,000 wa miphahlelo ya kuhiswa alatini lego.
zonake u ta zi susa mandleni yabye, u zi hisa alatini, le hehla ka munyikelo wa kuhiswa, zi maha a masema yo nuhela mahlweni ka Jehova; wona muphahlelo lowu wu hiselwako Jehova.
Yi nzi vuna yini a miphahlo ya nwina yo tala ke? ku wula Jehova. Nzi kolilwe hi minyikelo ya kuhiswa ya timhamba, ni mafura ya marole yo kuluka; a nzi xalaliswi hi nkhata wa tikuzi, ni wa tiyivana ni timhongo. Tis. 50:8; Jer. 6:20; Am. 5:21
Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6
Yena i ta panza a xinyanyani ni tipapa ta xona hi laha xikari, a nga chaputi, zonake mupristi i ta xi hisa laha alatini le hehla ka tihunyi leti wu dzivelweko ha tona a nzilo; muphahlo wa kuhiswa, lowu wu nga ni masema yo nanziha ka Jehova.
Kanilezi i ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo; a muphahlelo wa nzilo lowu wu nga ni masema ya kunanziha ka Jehova.
Mupristi i ta susa mafura wontihe hi ndlela leyi va susako ha yona a mafura ya miphahlo ya kurula, zonake i ta ma hisa alatini, akuva masema yo nanziha ka Jehova. Lezo loku mupristi a maha a muphahlo wa nzhiho wa munhu loye, zonake i ta tsetselelwa.
I lo hlaza marumbu ni masonzo lomu matini. Zonake Mosi i lo hisa a hamba yontlhe laha alatini. Wu lo maha a muphahlo wa kuhiswa wa masema yo nuhela, lowu wu hiselwako Jehova, khwatsi hi lezi Jehova a leleteleko Mosi.
Ni nzilo wu lo huma mahlweni ka Jehova wu hisa a muphahlo wa kuhiswa, ni mafura laha alatini. Ni vanhu vontlhe va lo zi wona, zonake va lo kanyuluka hi kutsaka, va ti wisa lahasi hi tinghohe tabye. 2 Kro. 7:1
Ni ku mu ranza yena hi mbilu yontlhe, ni kupima kontlhe, ni ntamu wontihe, ni ku ranza wakelene kota munhu a ti ranzako wutsumbu, za hunza nguvu minyikelo yontlhe yo hiswa ni miphahlo. 1 Sam. 15:22; Hos. 6:6
mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11
Nzi kumile zontlhe, nzi nazo ni ku hunza. Nzi talelwe hi ku amukela ha Epafroditusi lezi zi ngata hi le ka nwina, za masema yo nanziha, a muphahlelo wu amukelekako wu xalalisako Nungungulu. 2 Kor. 9:12; Xip. 2:25; Maheb. 13:16
Samueli i lo teka a xiyivana xa ha anwako, a xi nyikela xontlhe xi maha munyikelo wa kuhiswa ka Jehova. Zonake Samueli i lo khongelela va ka Israeli ka Jehova, na Jehova i lo mu hlamula.
