Eksodusi 29:14 - Tshwa Bible

¹⁴ Kanilezi a nyama ya role ni bhebhe ga kona ni swanyi wa kona, u ta zi hisa lahandle ka wugovelo; zi hi muphahlo wa kuonha. Levi 4:12; Maheb. 13:11

Eksodusi 29:14 교차 참조

2 Kronekele 29:24

Zonake a vapristi va lo ti tlhava, a nkhata wa tona va chela hehla ka alati, kasi ku maha a nzhiho wa zionho ni kuva muphahlo wa zionho za vanhu vontlhe va ka Israeli, hakuva a hosi yi lo leletela lezaku a muphahlo wa kuhiswa ni wa zionho wu ta nyikelelwa vontlhe va ka Israeli.

Ezra 8:35

Zonake lava va wuyileko hi le wukhumbini va lo nyikela a munyikelo wa kuhiswa ka Nungungulu wa ka Israeli; ku lo mahiwa muphahlo wa vontlhe va ka Israeli hi 12 wa tikuzi, ni 96 wa tihamba, ni 77 wa tiyivana, ni 12 wa timhongo ta muphahlo wa kuonha; zontlhe lezo va lo phahlela ka Jehova hi ku zi hisa.

Eksodusi 30:10

Aroni i ta maha nzhiho lomu ka timhonzo ta alati siku ginwe hi lembe hi nkhata wa munyikelo wa zionho. Kanwe hi lembe i ta maha a nzhiho wa gona ka zontlhe zizukulwana za nwina. A alati legi gi tava ga kubasa nguvu mahlweni ka Jehova. Levi 16:18; Maheb. 9:7; 10:14

Ezekieli 43:21

Zonake u ta teka a honwana ya munyikelo wa kuonha, u yi hisa lahandle ka yindlu ya: kubasa, laha wutshanwini gi yimisilweko ga yindlu. Levi 4:12; 16:27

Levi 16:11

Na Aroni i ta neha a nkuzi ya muphahlelo wa kuonha, leyi yakwe wutsumbu, a ti mahela a nzhiho zinwe ni ngango wakwe; a yi tlhava a nkuzi yakwe ya muphahlo wa kuonha.

Levi 16:27

A nkuzi ni mhongo, lezi za muphahlelo wa kuonha, lezi a nkhata wa zona wu nga yiswa lomu ka wutshamu ga kubasa a kuya mahiwa nzhiho, zi ta yiswa lahandle ka wugovelo; a mabhebhe ya kona ni nyama ya kona ni swanyi wa kona zi ta hiswa laha nzilweni.

Levi 16:3

Aroni i ta enghena wutshanwini ga kubasa hi ndlela leyi: I ta teka a nkuzi ya muphahlelo wa kuonha, ni hamba ya muphahlelo wa kuhiswa.

Levi 4:21

I ta yisa a nkuzi lahandle ka wugovelo, a yi hisa laha va hisileko a nkuzi yo ranga. Lowu muphahlelo Wa kuonha ka mutlhangano.

Levi 4:25

Ni mupristi i ta teka a nkhata wa muphahlo wa kuonha hi litiho, a tota ha wona a timhonzo ta alati ga munyikelo wa kuhiswa, a chulula a nkhata laha xikhatelweni xa alati ga munyikelo wa kuhiswa.

Levi 4:29

I ta tlhateka a canja gakwe hlokweni ya mbuti leyo, a tlhava a muphahlo lowo wa kuonha laha wutshanwini legi va tlhavelako kona a miphahlo ya kuhiswa.

Levi 4:3

loku a hi mupristi loyi a totilweko hi mafura yo basa a onhileko, a vangele vanhu kuonha, hi kota ya zionho lezi a zi mahileko i ta nyikela ka Jehova a honwana leyi yi nga hiko na bawa, yiva muphahlo wa kuonha.

Levi 4:32

Kanilezi loku a neha a yivana kasi ku maha ha yona muphahlo wa kuonha kakwe, i ta neha ya kati yi nga hiko na bawa.

Levi 5:6

i ta neha ka Jehova a munyikelo wa kuonha kakwe, a kati wa xifuyo xa xitsongwani, hambu yi hi yivu, kutani i mbuti, kasi yi maha muphahlo wa ku susa nanzu. Zonake a mupristi i ta mu mahela a nzhiho wa xionho xakwe.

Levi 5:8

I ta ma neha ka mupristi, loyi a ta nga ranga a nyikela legi ga munyikelo wa kuonha. A mupristi i ta gi sukuruta hloko hi laha xikari ka nhamu, kanilezi a nga yi hambanyisi ni miri wa kona;

Levi 6:25

Byela Aroni ni vana vakwe, uku ka vona: Lowu hi nayo wa muphahlo wa kuonha. Ka wutshamu legi va tlhavelako kona zihari za miphahlo ya kuhiswa, hi kona laho va ta nga tlhavela kona a zihari za miphahlo ya kuonha mahlweni ka Jehova. Zi basile nguvu.

Levi 8:17

Kanilezi a nkuzi ni bhebhe ga yona, ni nyama ya kona, ni swanyi wa kona, i loya zi hisa lahandle ka wugovelo, khwatsi hi lezi Jehova a leleteleko Mosi.

Levi 9:2

aku ka Aroni: Teka a role gi tava ga muphahlelo wa kuonha, ni hamba yi nga hiko na bawa, yi tava ya muphahlelo wa kuhiswa, u phahlela ka Jehova.

Malaki 2:3

Nzi ta goha a woko ga nwina, nzi xwanya koho tinghoheni ta nwina, wu nga koho wa miphahlo ya nwina, mu hoxiwa handle nawo.

Mitsengo 19:5

Zonake va ta hisa a homu mahlweni kakwe; va ta hisa ni bhebhe ga kona zinwe ni nyama ya kona ni nkhata wa kona ni swanyi. Ekso. 29:14; Levi 4:11

Mitsengo 7:16

ni mhongo yinwe ya munyikelo wa kuonha;