Eksodusi 29:13 - Tshwa Bible

¹³ Uta teka mafura wontihe lawa ma pambeleko marumbu, ni pambani wa zivinzi, ni tiswa timbiri, ni mafura ya tona, u zi hisa laha alatini.

Eksodusi 29:13 교차 참조

Tisimu 22:14

Nzi halatilwe lahasi kota mati, A marambu, ya mina ma khuyukele; A mbilu ya mina yi fanana ni sera, Yi nyekile nzeni ka mina.

Eksodusi 12:9

Mu ngagi na yi nga buvangi; kambe mu nga yi bhiki hi mati, kanilezi wocani hi nzilo; a hloko ni masonzo ni za lomu nzeni.

Eksodusi 29:18

U ta hisa a hamba yontlhe laha alatini; muphahlelo wa Jehova wa masema yo nanziha; muphahlelo wa munyikelo wa ku hiswa wa Jehova.

Eksodusi 29:22

Zonake u ta teka mafura ya hamba, ni nkila wo nona, ni mafura laya ma pambeleko marumbu, ni pambani wa xivinzi, ni tiswa timbiri ni mafura ya tona, ni woko ga xinene, hakuva i yivu ya ku wumbelisisa.

Eksodusi 29:25

zonake u ta zi susa mandleni yabye, u zi hisa alatini, le hehla ka munyikelo wa kuhiswa, zi maha a masema yo nuhela mahlweni ka Jehova; wona muphahlelo lowu wu hiselwako Jehova.

Isaya 1:11

Yi nzi vuna yini a miphahlo ya nwina yo tala ke? ku wula Jehova. Nzi kolilwe hi minyikelo ya kuhiswa ya timhamba, ni mafura ya marole yo kuluka; a nzi xalaliswi hi nkhata wa tikuzi, ni wa tiyivana ni timhongo. Tis. 50:8; Jer. 6:20; Am. 5:21

Isaya 34:6

A supado ya Jehova yi tele hi nkhata; yi womelele mafura; Hi nkhata wa tiyivana ni timhongo, Ni mafura ya tiswa ta tihamba; Hakuva Jehova i na ni kutlhabyiwa le Bozra, Ni kuhihirita ka hombe tikweni ga Edome.

Isaya 43:24

A ku nzi xavelangi a lihlanga la ku nuhela, A ku nzi xurisangi hi mafura ya timhamba ta wena; Kanilezi u nzi xanisile hi zionho za wena, U nzi karata hi zigoho za wena.

Levi 1:15

A mupristi i ta neha a xinyanyani laha alatini, a sukuruta a hloko ya xona, a yi hisa alatini; a nkhata wa kona wu ta kamelwa khurisini ga alati.

Levi 1:9

Kanilezi i ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo; a muphahlelo wa nzilo lowu wu nga ni masema ya kunanziha ka Jehova.

Levi 16:25

zonake i ta hisa a mafura ya muphahlelo wa kuonha laha alatini.

Levi 17:6

A mupristi i ta nwatsekela a nkhata laha alatini ga Jehova, laha nyangweni ya tabemakeli ga mutlhangano, ni ku hisa mafura a kuva masema yo nanziha ka Jehova.

Levi 4:26

I ta hisa laha alatini mafura wontihe, kota mafura ya muphahlo wa kurula. A mupristi i ta mahela a hosana leyo a nzhiho wa kuonha ka yona, hikwalaho yi ta tsetselelwa.

Levi 4:31

Mupristi i ta susa mafura wontihe hi ndlela leyi va susako ha yona a mafura ya miphahlo ya kurula, zonake i ta ma hisa alatini, akuva masema yo nanziha ka Jehova. Lezo loku mupristi a maha a muphahlo wa nzhiho wa munhu loye, zonake i ta tsetselelwa.

Levi 4:35

I ta susa mafura wontihe hi ndlela leyi va susako ha yona a mafura ya yivu ya muphahlo wa kurula, zonake a mupristi a ma hisa alatini, hehla ka miphahlelo leyi yi hiselwako Jehova. A mupristi i ta mu mahela a nzhiho wa kuonha kakwe, zonake i ta tsetselelwa.

Levi 6:12

Kanilezi a nzilo wu ta simamisa wu vura laha alatini, wu nga timeki. Wontihe masiku ni mixo, a mupristi i ta hlanganyeta tihunyi, a longisa muphahlo wa kuhiswa hehla ka tona, a hisa a mafura ya miphahlo ya kurula.

Levi 7:3

Ku ta nyikelwa wontihe mafura, ni nkila ni mafura ya pambani,

Levi 7:31

A mupristi i ta hisa mafura laha alatini, kanilezi a xifuva xi tava xa Aroni ni vana vakwe.

Levi 7:4

ni tiswa timbiri ni mafura ya tona laya ma pomelako xiwunu, ni pambani wa zivinzi; a zi suswe zinwe ni tiswa.

Levi 8:16

Zonake i lo teka a mafura wontihe ma pomeleko marumbu, ni pambani wa zivinzi, ni tiswa timbiri ni mafura ya tona, a zi hisa alatini.

Levi 8:25

I lo teka a mafura ni nkila, ni mafura wontihe ya marumbu, ni pambani wa xivinzi, ni tiswa ta timbiri ni mafura ya tona, ni nenge wa xinene.

Levi 9:10

I lo hisa mafura ni tiswa, ni pambani wa zivinzi, le hehla ka alati, zi maha za muphahlo wa kuonha, kota lezi Jehova a leleteleko Mosi.

Levi 9:19

Va mu nehela ni mafura ya role ni hamba, ni nkila, ni pambani, ni tiswa, ni pambani wa zivinzi;

Mitsengo 18:17

Kanilezi a matewula ya tihomu, ni matewula ya tiyivu, ni matewula ya timbuti, u nga ma tiruli hakuva ma basile. U ta nwatsekela a nkhata wa kona laha alatini, zonake u hisa mafura ya kona, kasi u maha a muphahlo wa kuhiswa, a kuva masema yo nanziha ka Jehova.

1 Samueli 2:16

Ku waku loku munhu a hlamula, aku: Va ha ta hisa mafura, zonake u ta teka leyi u ta nga yi lava, gona giku: Hatlisa u nzi nyika! Loku u nga nzi nyiki, nzi ta wutla.