Eksodusi 28:38 - Tshwa Bible

³⁸ Xi tava laha ximombyeni xa Aroni; Aroni i ta rwala a zivi lezi zi ta nga namarela ka zinyikiwo zo basa zi ta nga nehiwa hi vanana va ka Israeli, laha na va neha miphahlo yabye yi basileko. Xi tava ximombyeni xakwe xontlhe xikhati, kasi va amukeleka mahlweni ka Jehova.

Eksodusi 28:38 교차 참조

Eksodusi 28:37

U ta zi mehela hi ngoti ya wukuxe, zonake zi ta vekiwa mahlweni ka xihuku.

Eksodusi 28:43

Aroni ni vana vakwe va ta ma ambala loku va enghena lomu tendeni ga mutlhangano, ni loku va tshinela laha alatini ku ya tira mitiro lomu ka wutshamu go basa, kasi va nga dzuki va kuma nanzu, vafa. Xi tava xileletelo xa kala kupinzuka, xi nyikilweko ka Aroni ni zizukulwana zakwe.

Isaya 53:6

Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Isaya 60:7

A mitlhambi yontlhe ya le Kedare yi ta tsomhanyiswa ka wena, A tihamba ta Nebaiote ti ta ku tirela; Ti ta humesiwa ganzelweni ga mina khwatsi hi munyikelo wu khesekako, Nzi sasekisa a yindlu ya wukulu ga mina.

Levi 1:4

I ta tlhateka a canja gakwe le hlokweni ya munyikelo wo hiswa, zonake yi ta amukelwa a mahelwa a nzhiho ha yona.

Levi 10:17

Hikuyini mu nga kala kuga a muphahlo wa kuonha laha wutshanwini ga ku basa ke? Hakuva zilo za kubasa nguvu; mu nyikilwe zona kasi mu fela ku rwala kuonha ka ntlhangano, mu va mahela a nzhiho wa wuyiselelo mahlweni ka Jehova.

Levi 22:16

kasi va ti rwexa nanzu laha na vaga a zilo zabye za kubasa; hakuva hi mina Jehova loyi a va basisako.

Levi 22:27

Loku ku pswaliwa xirolana, kutani xiyivana, kutani ximhutana, xi ta tshama ni nyine wa xona ntlhanu wa masiku ni mambiri, zonake kusukela lego siku, loku xi nyikelwa ku maha muphahlelo wa ku hiselwa Jehova, xi ta amukeleka.

Levi 22:9

Hikwalaho va ta hlayisa milayo ya mina, kasi va nga kumi nanzu hi kota ya lezi zilo, vafa hi kota ya ku ti nyenyezisa kabye. Hi mina Jehova loyi a va basisako.

Levi 23:11

Yena i ta nziwitela a nyanza leyo mahlweni ka Jehova, kasi ma amukeleka; ni mupristi i ta yi nziwitela hi siku gi gamelako ga sabado.

Mitsengo 18:1

Jehova i te ngalo ka Aroni: Wena ni vana va wena, ni ngango wa raru wa wena, mu ta rwala a nanzu wa yindlu ya kubasa, ni lezaku wena zinwe ni vana va wena mu ta rwala a nanzu wa wupristi ga nwina.

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26