18 A kuleha ka hubye ku tava 100 ga mikono; a kuanama ka yona i 50 wa mikono; a kutlakuka ka yona i ntlhanu wa mikono. Yi ta mahiwa hi wukene gi khatilweko, ni zikhato za kona zi ta mahiwa hi suku.
U ta maha a tabernakeli hi khume ga michachalato ya wukene go saseka, gi khatilweko, ni ya wukuxe, ni yo zirila, ni ya xiwunguwungu; u ta yi maha na yi hi ni zifananiso za makerubima hi ntiro wa wutlhari.
A timhanze tontlhe leti ti tlhanganyisako a hubye ti tava ni mikwenge ya siliva, ni zihareketo za kona zi tava za siliva, a zikhato za kona zi tava za suku.
