Eksodusi 25:17 - Tshwa Bible

¹⁷ U ta maha a xitshamu xa wuxinji hi nzalama yi basileko. A kuleha ka xona xi tava mikono mimbiri ni khihlanya, a kuanama ka xona i nkono munwe ni khihlanya.

Eksodusi 25:17 교차 참조

1 Kronekele 28:11

Zonake Davida i lo nyika ka nʼwana wakwe Solomoni a xikombiso xa nyangwa ya tempeli, ni xa tiyindlu ta yona, ni xa tiyindlu ta titshomba ta kona, ni xa tikwarutu ta lomu xikari, ni xa yindlu ya ku khongelela kona.

Eksodusi 25:18

U ta maha makerubima mambiri hi nzalama leyi yi tlombilweko, lomu magumo ka xitshamu xa wuxinji hi matlhelo mambiri.

Eksodusi 26:34

U ta veka a xitshamu xa wuxinji hehla ka nghaxa ya xivumelwano le wutshanwini go Basabasa.

Eksodusi 35:12

ni nghaxa ni mipingo ya gona, ni xitshamu xa wuxinji, ni nguwo yo lukiwa ya xisirelo;

Eksodusi 37:6

Yena i lo maha ni xitshamu xa wuxinji hi nzalama yi basileko; a kuleha ka xona ku wa hi mikono mimbiri ni khihlanya, ni kuanama ka xona ku wa hi nkono munwe ni khihlanya.

Eksodusi 40:20

Zonake i lo enghenisa a Wumboni lomu ka nghaxa, a enghenisa a, mipingo laha ka nghaxa; zonake i lo veka a xitshamu xa wuxinji le hehla ka yona.

Ezekieli 28:14

Wena u wa hi kerubima legi gi totilweko gi ungamelako; nzi lo ku yimisa kasi kuva hehla ka xitsunga xa Nungungulu, u fambafamba ka xona xikari ka maribye ma kwezimako. Ekso. 25:20; Isa. 14:13

Va le Roma 3:25

loyi Nungungulu a nga mu yimisa a kuva nzhiho hi nkhata wakwe, wu amukelwako hi kukholwa. Lezi zi kombisa a kululama ka Nungungulu, hakuva kuhuniseleni kakwe i wa tsikile a zionho zi nga mahiwa kale; Levi 18:15; 1 Joh. 4:10

Maheberu 4:16

Hikwalaho a hi tshineleni hi kutiya xitshanwini xa wuhosi xa tipswalo, kasi hi fela ku mahelwa wuxinji, hi kuma tipswalo ta ku hi vuna xikhatini xa kuvumala.

Maheberu 9:5

Le hehla ka nghaxa ku wa hi kona a makerubima ya kungangamela, lawa ma nga sirela a xitshamu xa wuxinji; kanilezi a hi na xikhati makunu ku wulawula hi xinwe ni xinwani xa zona. Ekso. 25:22

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25