27 Zinghaho Mosi i lo tlakusa a canja gakwe hehla ka bimbi, zonake laha gi ngaya kuceni, a bimbi gi lo tlhelela wutshanwini ga gona, ni laha a vaGipite va nga wa tsutsuma va lo tlhangana nawo; hilezo Jehova i lo mbembisa a vaGipite xikari ka bimbi.
U lo va avanyisela a bimbi, kasi va fela ku famba muhanzeni wa lomu xikari ka gona, kanilezi lava va nga wa va hlongolisa u va hoxa lomu kueteni ka gona, khwatsi i ribye gi hoxilweko matini ya ntamu.
Jehova wa tiyimpi i ta tlakusa a limhika lakwe hehla kabye, khwatsi hi lezi a nga maha le Midiani, le ribyeni ga Orebi; kota lezi a nga tlakusa a nhonga yakwe hehla ka bimbi, i ta yi tlakusa kambe kota lezi a nga zi maha le Gipite. Ekso. 7:19; Vala. 7:25
ni lezi a zi mahileko ka yimpi ya vaGipite, ni mahaxi yabye, ni tikareta tabye, lezi a nga kukumukisa mati ya Bimbi go Pswhuka hehla kabye, laha va nga wa mu hlongolisa, zonake Jehova a va lovisa kala inyamutlha;
Hi kukholwa va lo tsemakanya a Bimbi go Pswhuka kota lomu misaveni yi womileko; kanilezi laha a vaGipite va nga ringa ku maha lezo va lo mhemba. Ekso. 14:22
Laha va nga rila ka Jehova, yena i lo veka munyama xikari ka nwina ni vaGipite, i lo wuyisa a bimbi hehla ka vona gi va fenengeta. A mahlo ya nwina ma wonile lezi nzi zi mahileko ka vaGipite; zonake mu lo tshama xiwuleni masiku yo tala.
Laha na vapristi lava va rwalako a nghaxa ya xivumelwano xa Jehova na va humile lomu Jordani, zalezo na mikonzo: yabye ya ha humako yi kanzihela lomu muhanzeni, a mati ya Jordani ma lo tlhelela wutshanwini ga wona, ma khulungela gontlhe wutshamu ga wona kota kale.
