27 Mu taku ka vona; Lowu muphahlo wa Pasika ga Jehova loyi a nga hunza lomu ka tiyindlu ta vanana va ka Israeli le Gipite, xikhati lexo a nga daya vaGipite, a ponisa a tiyindlu ta hina. Ni vanhu va lo korama va khozela.
Davida i te ngalo ka wontihe tlhangano: Dumisani Jehova Nungungulu wa nwina! Zonake wontihe tlhangano wu lo dumisa Jehova Nungungulu wa vadadani vabye, va khizama mahlweni ka Jehova ni ka hosi.
Tlhatakumbiri, hosi Hezekia zinwe ni tihosana va lo byela vaLevi a ku dumisa Jehova hi timhaka ta Davida na Asafa a muwoni; va lo yimbelela zalezo va dumisa na va tsakile, va korama va khozela.
Ezra a bonga Jehova, a Nungungulu wa hombe. A vanhu vontlhe vaku: Amen, Amen! na va tlakusa a mandla yabye, va koramisa tihloko tabye va khozela Jehova a tinghohe tabye na ti cuwukile lahasi.
Nungungulu, hi zi zwile hi tindleve ta hina, A vadadani va hina va hi byelile Hi mitiro leyi u yi tirileko masikwini yabye, A masikwini ya kale ka matiko. Deut. 6:20
Hakuva i lo yimisa a wumboni ka Jakobe, A veka nawo ka Israeli, Lowu a nga wu leletela ka vadadani va hina, lezaku va gonzisa a vana vabye. Ekso. 20:1; Deut. 4:9; Ezek. 20:10
Kasi wenawu wa fela ku ta hlawutela ka nʼwana wa wena, ni ka zukulu wa wena, a zilo lezi nzi zi mahileko ka vaGipite, ni zihlamaliso lezi nzi zi mahileko xikari kabye, nwinawu mu fela ku nzi tiva ha zona, lezaku hi mina Jehova.
Mu ta yiga kota lezi: Mu bohile ziwunu za nwina, na mu ambele a zilato mikonzweni ya nwina, mu khomile nhonga canjeni ga nwina; muga hi kuhatlisa. I Pasika ga Jehova.
Hakuva Jehova i ta hunza kasi ku ya daya vaGipite; kasi loku a wona a nkhata lomu timhanzeni ta laha nyangweni ka tiyindlu ta nwina, i ta hunza basi hi lomu tinyangweni, na a nga vumeli mudayi ku enghena lomo a mu daya.
Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;
U nga phahleli laha maganzelweni ya mina hi nkhata ni zibaba zi nga ni comelo. A muphahlo wa mubuzo wa Pasika wu nga sali wu tshama wusiku gontlhe kala gica.
A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.
Susani a comelo ga kale, lezaku kasi ma fela kuva mbila yiswa, lezi mu nga cheliwangiko comelo. Hakuva a pasika ya hina yi tlhabyilwe, leyi yi nga Kristu. Isa. 53:7; Joh. 1:29; 19:14; 1 Ped. 1:19; Kuv. 5:6
U ta tlhavela Jehova Nungungulu wa wena a Pasika hi zifuyo za hombe ni za zitsongwani ka wutshamu lego Jehova a ta nga gi hlawula a ku veka a vito gakwe laho.
