Eksodusi 12:12 - Tshwa Bible

¹² Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Eksodusi 12:12 교차 참조

1 Kronekele 14:12

Va lo siya vanungungulu vabye leyo, Davida a leletela lezaku va hiswa hi nzilo. Deut. 7:5, 25

Tisimu 135:8

Hi yena a ngaba matewula ya Gipite, Ya zihari ni ya vanhu. Ekso. 12:29

Tisimu 82:1

Nungungulu i yimile hlengeletanweni ya Nungungulu, Wa lamula xikari ka vanungungulu:

Tisimu 82:6

Kunene, nzi te ngalo: Nwina mu vanungungulu, Nwina nwentlhe mu vana va Loyi a Hunzeleleko Kutlakuka.

Tisimu 91:7

Hambu loku ku wela 1,000 reveni ga wena, Ni 10,000 va wela canjeni ga wena ga xinene, Kanilezi zi nga ta tshinela ka wena.

Tisimu 95:3

Hakuva Jehova i Nungungulu wa hombe; I Hosi ya hombe hehla ka vanungungulu vontlhe,

Eksodusi 12:23

Hakuva Jehova i ta hunza kasi ku ya daya vaGipite; kasi loku a wona a nkhata lomu timhanzeni ta laha nyangweni ka tiyindlu ta nwina, i ta hunza basi hi lomu tinyangweni, na a nga vumeli mudayi ku enghena lomo a mu daya.

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Eksodusi 21:6

zonake a nwinyi wa yona i ta yi neha mahlweni ka Nungungulu, a yi tshineta kusuhani ni livati laha ka mhanze ya laha nyangweni; zonake a nwinyi wa yona a yi bhoxa ndleve hi litlhawo. Zonake yi ta mu tirela wontihe masiku.

Eksodusi 22:28

U nga dzuki u xanza Nungungulu wa wena, ni kambe u nga rukateli a hosi ya nwina.

Eksodusi 6:2

Nungungulu i lo engeta a wulawula ka Mosi aku: Hi mina Jehova.

Eksodusi 9:6

Hi manziko wa kona Jehova i lo sangula ku maha lezo zilo. A zifuyo zontlhelele za vaGipite zi lofa; cima a ku fangi nchumu lomu mitlhambini ya vanana va ka Israeli.

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Jeremia 43:12

Nzi ta dzivela nzilo lomu tindlwini ta vanungungulu va Gipite; Nebukadrezzare i ta ti hisa a yisa zifananiso wukhumbini. I ta ti fenengeta hi tiko ga Gipite kukotisa a murisi a bohako nguwo yakwe; zonake i ta huma lomo hi kurula.

Jeremia 43:13

I ta khungumula a timhinga ta maribye le Bete-xemexe lomu tikweni ga Gipite, a hisa hi nzilo a tiyindlu ta vanungungulu va Gipite.

Jeremia 46:25

Jehova wa tiyimpi, a Nungungulu wa Israeli, i ngalo: Nzi taba Amoni na No, na Faro na Gipite ni vanungungulu vakwe, ni tihosi takwe, yena Faro ni lava va tsumbako yena. Ekso. 12:12; Nah. 3:8

Ezekieli 12:16

Kanilezi nzi ta siya vanwani vabye, va pona supado ni ndlala ni ntungu; kasi va fela ku wulela a manyalataniso yabye xikari ka matiko wontihe lawa va ta ngaya ka wona. Va ta zi tiva lezaku hi mina Jehova.

Amosi 5:17

Lomu masinwini wontlhe ya zivina ku tava ni mikosi, hakuva nzi ta hunza hi xikari ka wena, ku wula Jehova.

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Mitsengo 33:4

A vaGipite va wa kari va lahla lava Jehova a nga va daya xikari kabye, ma nga wona matewula yabye wontihe, hakuva Jehova i lo tshanza nongameto xikari ka vanungungulu vabye.

1 Samueli 5:3

Makunu hi siku gi gamelako, a vanhu va le Axdode va lo vuka ni mixo, va wona Dagoni na a wile lahasi hi nghohe yakwe mahlweni ka arke ga Jehova; va lo teka Dagoni va mu veka wutshanwini gakwe.

1 Samueli 6:5

Hikwalaho mu ta maha zifananiso za zidlayi za nwina ni zifananiso za makondlo lawa ma xakelako a tiko ga nwina, zonake mu ta dzunza Nungungulu wa ka Israeli, kutani i ta hehukisa a canja gakwe hehla ka nwina, ni ka vanungungulu va nwina, ni ka tiko ga nwina.