6 Hikwalaho tiva lezaku Jehova a nga ku nyiki a tiko legi go saseka ku gi fumela hi kota ya kululama ka wena, hakuva wena u tiko ga vanhu va tinhamu to nonoha.
Makunu nwina mu nga nonohisi tinhamu ta nwina, khwatsi hi vadadani va nwina; khomani a canja ga Jehova, muta ndlwini yakwe yo basa a yi basisileko kala kupinzuka, mu ta khozela Jehova Nungungulu wa nwina, kasi a zanga yakwe yo tshisa yi fela ku Suka ka nwina.
Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13
Va nga fanani ni vararu vabye, A xizukulwana xa xikaha ni kuhluwuka, A xizukulwana xi nga hiko na mbilu yo tiya, Lexi a moya wa xona wu nga kholekangiko ka Nungungulu Ekso. 32:9; 33:3; 34:9
Nzi ta mu enghenisa ka tiko gi khulungako a masi ni wulombe, kanilezi nzi nga ta famba xikari ka nwina na mu hi vanhu va ku nonoha tinhamu, nzi nga dzuka nzi mu lovisa lomu ndleleni.
Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.
Mu ta zi tiva lezaku hi mina Jehova, loku nzi mu mahele lezo hi kota ya vito ga mina, na ku nga hi ku kota ya mahanyela ya nwina yo biha, ni zimaho za nwina zo biha, nwina va yindlu ya ka Israeli, ku wula Hosi Jehova.
Hikwalaho wula ka yindlu ya ka Israeli, uku: Hosi Jehova i ngalo: A nzi mahi lezi hi kota ya nwina va yindlu ya ka Israeli, kanilezi hi kota ya vito ga mina go basa, legi mu gi nyenyezisileko xikari ka matiko lawa mu yileko ka wona.
Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41
Ka xona xikhati lexo mina nzi mu leletele, nziku: Jehova Nungungulu wa nwina i lo mu nyika a tiko legi a kuva ga nwina. Nwina nwentlhe vavanuna va tinhenha mu ta famba na mu hlomile mahlweni ka vamakabye va nwina, a vanana va ka Israeli.
Hakuva nza tiva kuhluwuka ka wena ni kunonoha ka nhamu ya wena; hambu na nza ha hanya xikari ka nwina, ma ha simamisako ku hluwuka ka Jehova, ku ta kuyini laha nzi ta ngafa ke?
