Deuteronome 9:1 - Tshwa Bible

¹ Ingisa Israeli! Inyamutlha u ta tlhatuka Jordani, uya enghena u khozisa matiko lawa ma ku hunzako hi wukulu ni ntamu, ni miti ya hombe yi nga ni makhokhola ma chikelako tilweni,

Deuteronome 9:1 교차 참조

Genesisi 11:4

Vaku: A hi akeni a muti ni likhokhola, leli a xixungwa xa lona xi ta nga chikela tilweni; hi ti chula a vito kasi hi nga hangalaki misaveni yontlhe.

Eksodusi 32:1

Makunu laha a vanhu va nga wona lezaku Mosi wa hlwela ku relela hi le xitsungeni, va lo tsombana ka Aroni, vaku kakwe: Ngone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gipite, a hi zi tivi lezi zi mu humeleleko. Miti. 7:40

Danieli 4:11

A sinya leyi yi lo kula yiva ya ntamu, na yi lehile yi chikela tilweni, yi woneka ka wontihe magemetamusi ya misava.

Amosi 2:9

Kasike hi mina nzi lovisileko a maAmori mahlweni kabye, lava kuleha ka vona ku nga ringana ni kuleha ka tisedare, na va hi ni ntamu wo fanana ni wa mitule; kasike nzi lovisile a mihanzu yabye le hehla ni mitsu yabye lahasi. Deut. 2:33; Jox. 24:8; Vala. 11:23

Mitsengo 13:22

Va lo kanziha hi le Dzongeni, kala va ya chikela le Hebroni, laho ku nga wa hi na Ahimani, na Xexai, na Talmai, a vazukulu va Anaki. A muti wa Hebroni wu rangile ku akiwa, hi mahlweni ka ntlhanu wa malembe ni mambiri na wu nga se ku akiwa Zoana wa Gipite.

Mitsengo 33:51

Byela a vanana va ka Israeli uku: Loku mu tlhatuka a Jordani mu enghena tikweni ga Kanani,

Deuteronome 1:28

Hi ta kanziha hiya kwihi ke? Lezo vamakabye va hina va hi mbhetile ntamu lomu timbilwini ta hina; hi lezi ve ngalo: A vanhu va kona va hi hunza hi kutala, na va hi va ziyimo zo zimuka; ni miti ya hombe ya makhokhola yo tlakukela ni le tilweni, hi wonile ni vanana va ka Anake leyo.

Deuteronome 11:23

zonake Jehova i ta hlongola matiko lawo wontihe mahlweni ka nwina, na nwina mu ta hlula matiko lawo ma mu hunzako hi wukulu ni ntamu.

Deuteronome 11:31

Hakuva mu ta tlhatuka Jordani mu ya teka a tiko legi Jehova Nungungulu wa nwina a mu nyikileko ku gi fumela, ni ku aka ka gona.

Deuteronome 27:2

A siku lego mu ta nga tlhatuka Jordani mu ya enghena tikweni legi Jehova Nungungulu wa wena a ku nyikileko gona, u ta yimisa a maribye ya hombe u ma tota hi mhemba;

Deuteronome 3:18

Ka xona xikhati lexo mina nzi mu leletele, nziku: Jehova Nungungulu wa nwina i lo mu nyika a tiko legi a kuva ga nwina. Nwina nwentlhe vavanuna va tinhenha mu ta famba na mu hlomile mahlweni ka vamakabye va nwina, a vanana va ka Israeli.

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 4:38

ni ku hlongola mahlweni ka wena a matiko lawa ma ku hunzako hi wukulu ni ntamu, ni ku ku enghenisa wena lomu tikweni gabye, ni ku ku nyika gona gi maha a tshomba ya wena kota lezi u zi wonako nyamutlha lezi.

Deuteronome 6:10

Laha ku ta ngaku Jehova Nungungulu wa wena a ku enghenisile ka tiko legi a hlambanyileko ka vararu va wena, Abrahama, na Isaka, na Jakobe, a ku ku nyika gona (yi nga miti leyi ya hombe, yo saseka, yi nga akwangiko hi wena,

Deuteronome 7:1

Laha Jehova Nungungulu wa wena a ta nga ku chiketa ka tiko legi u yako ka gona ku ya gi fumela, ni laha a ta nga panzanya mahlweni ka wena wontihe matiko lawa yo tala, a vaHiti, ni vaGirgaxi, ni vaAmori, ni vaKanani, ni vaPerezi, ni vaHivi, ni vajebusi, a ntlhanu wa matiko ni mambiri lawa ma ku hunzako hi wukulu ni ntamu, Ekso. 23:23

Joxua 1:11

Fambani lomu magovelweni mu leletela vanhu, muku: Longisani timbuva, hakuva anzhako ka masiku manharu mu ta tlhatuka Jordani mu ya khozisa a tiko legi Jehova Nungungulu wa nwina a mu nyikileko gona a ku gi fumela. Joxua a wulawula ka tlawana wa va ka Israeli.

Joxua 1:15

kala Jehova a nyika vanakuloni a kuhumula kota nwina; va enghenawu a tikweni legi Jehova Nungungulu wa nwina a va nyikileko gona; zonake mu ta wuya tikweni ga nwina mu ta gi fumela, gona tiko legi Mosi, a nanza ga Jehova, a mu nyikileko gona seno tlhatuko wa Jordani, hi le Mutsuwuka-gambo.

Joxua 14:12

Makunu nzi nyike a tiko ga xitsunga legi Jehova a nga gi wula lego siku; hakuva u zi zwile ha wece gwalego siku, lezaku va ka Anake va kona, ni miti ya hombe leyi yi bhiyelweko. Kutani Jehova i tava zinwe na mina, nzi va hlongola, khwatsi hi lezi Jehova a wulileko.

Joxua 3:14

Laha a vanhu va nga huma hi lomu matendeni yabye a ku ya tlhatuka Jordani, a vapristi lava va rwalako a nghaxa ya xivumelwano va lo ranga mahlweni ka vanhu.

Joxua 3:16

a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3

Joxua 3:6

Zonake Joxua i lo byela vapristi, aku: Tekani a nghaxa ya xivumelwano, mu famba mahlweni ka vanhu. Zonake va lo rwala a nghaxa ya xivumelwano, va famba mahlweni ka vanhu.

Joxua 4:19

Ni vanhu va lo tlhatuka Jordani hi siku ga 10 ga hweti yo ranga, va loya gova le Gilgale, le mbhinganweni wa le Mutsuwuka-gambo wa Jeriko.

Joxua 4:5

aku ka vona: Hunzani muya mahlweni ka nghaxa ya Jehova Nungungulu wa nwina, lomu xikari ka Jordani, munwe ni munwani a tlakula a ribye a gi rwala laha makatleni yakwe, khwatsi hi tsengo wa tinyangwa ta vanana va ka Israeli,