Deuteronome 8:8 - Tshwa Bible

⁸ a tiko ga mavele, ni sevada, ni ga mavina, ni ga makuwu, ni ga mapomegranada; a tiko ga maoliva ni mafura ni wulombe;

Deuteronome 8:8 교차 참조

Genesisi 49:11

A boha a mbongola yakwe sinyeni ya vina, Ni ximbongolana xakwe sinyeni ya vina yi hlawulilweko; A hlaza tinguwo takwe lomu vinyeni. Ni nkumba wakwe nkhateni wa vinya.

2 Samueli 4:6

Va lo enghena lomu xikari ka yindlu va ku khwatsi vo nusa mavele, kwalaho va si mu tlhava rumbu. Zonake Rekabe na Baana va lo pfowola.

1 Tihosi 5:11

Zonake Solomoni i lo nyika Hiramu 20,000 wa tipimo ta mavele, a ku va kuga ka ngango wakwe, ni 20,000 wa tipimo ta mafura yo saseka. Solomoni i lo nyika lezo zilo ka Hiramu lembe ni lembe.

2 Tihosi 18:32

kala mina nzi ta mu susa nzi mu yisa ka tiko legi gi fananako ni tiko ga nwina, a tiko ga mavele ni vinya, a tikweni ga zibaba ni zivina, ga tisinya ta mafura ni wulombe, kasi ma fela ku hanya, mu ngafi. Mu nga ingisi Hezekia, hakuva yena o mu khohlisa, aku: Jehova i ta hi tlhatlhisa.

Tisimu 147:14

I vanga kurula mimbhinganweni ya wena, Wa ku xurisa hi mavele ma nene.

Tisimu 81:16

Nzi wa ta va phamela mavele ma nene, Nzi ku xurisa hi wulombe ga lomu ribyeni. Deut. 32:13

Isaya 7:23

A ka siku lego a xivineni lexi ku nga hi ni 1,000 wa mivina, yi ringeneko ni 1,000 wa macheleni ya siliva, ku ta mila zigetlwani ni mizwa.

Jeremia 2:7

Nzi lo mu neha a tikweni ga pfuno. Kasi mu taga mihanzu ya gona ni kunanziha ka gona. Kanilezi loku mu enghenile ka gona, mu nyenyezisile a tiko ga mina, Ni tshomba ya mina mu yi mahile manyala.

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Ezekieli 27:17

Juda ni tiko ga Israeli va wa xuja ka wena; va wa xava zibya za wena hi tirigo ga le Miniti, ni Pannagi, ni wulombe, ni mafura, ni balsamu.

Hosea 2:22

Zonake a misava yi ta hlamula a mavele, ni vinya, ni mafura, na zonawu zi ta hlamula Jezreeli.

Hosea 2:8

Hakuva a nga zi tivangi lezaku nzi mu hile zakuga, ni vinya, ni mafura, nzi mu anzisela a siliva ni nzalama leyi va nga maha ha yona zifananiso za Baali.

Mika 4:4

Kanilezi munwe ni munwani i ta tshama lahasi ka vina wakwe, ni lahasi ka kuwu wakwe. A nga kona a ta nga va dzuxa, hakuva a nomu wa Jehova wa tiyimpi wu wulile lezo. Levi 26:6; 1 Tih. 4:25; Zak. 3:10

Habakuka 3:17

Hambu lezo a kuwu wu to kala wu nga ha hluki, Ge hambu a mivina a ku pswala mihanzu, Ni mihanzu ya maoliva yi nga humi, Ni masimu ma nga humesi zakuga; Hambu loku tiyivu ti vumaleka rangeni, Ni tihomu ti hi hava marangeni,

Mitsengo 13:23

Va lo ya chikela nzhelelweni wa Exkole, laho va lo tsema a xitata xa mauva, va xi rwala va hi vambiri hi pingo; va lo neha ni mapomegranada ni makuwu.

Johani 6:13

Lezo va lo ma rolela, va tata khume ga zirunzu ni zimbiri hi matlhatlha ya ntlhanu wa zibaba za sevada, ma nga sala loku va gile.

Johani 6:9

I kona mufana laha, loyi a nga ni ntlhanu wa zibaba za sevada, ni zidluwani zimbiri; kanilezi zi taku yini lezi xikari ka vanyingi va kunghahi ke? 2 Tih. 4:43

Deuteronome 32:13

Yena i mu kanzihisile zitsungeni za misava, Israeli i gile mihanzu ya khwati; I mu anwisile hi wulombe ga lomu ribyeni, Ni mafura lawa ma humako lomu ribyeni go nonoha;

Deuteronome 32:14

Ni mawomba ya tihomu, ni masi ya timbuti, Ni mafura ya tiyivu; Ni tihamba leti ti pswalilweko le Baxani, ni timhongo, Ni mapa ya mavele ma nanaselweko khwatsi. Mu nwile a vinya go nanziha, gi nga nkhata wa mauva.

Deuteronome 6:3

Zwana, O Israeli! u chivirika a ku maha lezi zilo, kasi wa tshameka, mu anza nguvu lomu tikweni legi gi khulungako masi ni wulombe, kota lezi Jehova Nungungulu wa vararu va wena a ku byelileko.

Deuteronome 8:7

Hakuva Jehova Nungungulu wa wena i ku heleketa ka tiko go saseka, a tiko ga micongo, ni ga tihlowo, ni ga mativa, ni ga zibuka, lezi a mati ya kona ma humako lomu minzhelelweni ni lomu zitsungeni;

Deuteronome 8:9

a tiko legi u ta ngaga zakuga za wena na u nga vileli nchumu, laho u to kala u nga vumali nchumu; a tiko lego a maribye ya kona ma nga ziketse, legi u to kela a suku lomu zitsungeni za gona.