Deuteronome 4:8 - Tshwa Bible

⁸ Ni lezaku gi kwihi kambe a tiko ga hombe legi gi nga ni milayo ni zileletelo zi lulamileko khwatsi hi yontlhe milayo leyi nzi yi vekako nyamutlha mahlweni ka nwina?

Deuteronome 4:8 교차 참조

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Tisimu 119:138

U vekile zikhumbuxeto za wena hi nongameto, Ni kutsumbeka ka hombe.

Tisimu 119:144

A zikhumbuxeto za wena zi lulamile kala kupinzuka, Nzihe kupimisisa kasi nza hanya.

Tisimu 119:160

A zinene xiseketelo xa mhaka ya wena, A zileletelo zontlhe zi lulamileko za wena za kala kupinzuka. Joh. 17:17

Tisimu 119:86

Zontlhe zileletelo za wena zi tsumbekile; Va nzi xanisa mahala, nzi vune.

Tisimu 119:96

Nzi wonile magumo ya zontlhe leʼzi mbheleleko, Kanilezi a zileletelo za wena a zi na mbhingano.

Tisimu 89:14

A kululama ni nongameto ziseketelo za xitshamu xa wena xa wuhosi, A wuxinji ni zinene zi le nghoheni ya wena.

Tisimu 97:2

A marefu ni munyama zi mu ranzele, A kululama ni kulamula ziseketelo za xitshamu xakwe xa wuhosi. Ekso. 19:16

Isaya 42:21

Zi mu xalalisile Jehova hi kota ya kululama kakwe A ku kulisa a nayo wu kheseka.

Hosea 8:12

Hambu loku nzi mu tsalele mazana-zana ya milayo ya mina, yi hlayiwa aku zilo zi nga tibyiwiko.

Va le Roma 3:2

Ina, va bhinzula hi matlhelo wontihe. Hi kusangula hilezi va nga yimiswa a kuva vahlayisi va timhaka ta Nungungulu. Deut. 4:7

Deuteronome 26:19

lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19