A muvatli wa tshambuluta a lipimo lakwe, a tsala minzhati hi lapis, a vatla hi xihloka, a pima hi lipimo; lezo a maha xifananiso xa munhu, a xiwumbeko xo saseka xa munhu, kasi a fela ku xi veka lomu ndlwini.
Nzi lo enghena, nzi wona a zifananiso za tixakaxaka tinyingi ta zikokakoka ni zihari zo nyenyeza, ni zifananiso za vanungungulu va yindlu ya ka Israeli na zi tsaletelwe matlhelo wontihe laha makhurisini.
Mu nga ti maheli zifananiso za vanungungulu; mu nga ti yimiseli xifananisoxi vatlilweko, ni timhinga; ni lomu tikweni ga nwina mu nga yimisi a ribye legi gi nga ni xifananiso mu khizama ka gona, hakuva hi mina Jehova, Nungungulu wa nwina.
Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.
Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!
Hakuva nza zi tiva lezaku loku nzi file, mu ta ti bihisa futsi, mu hambuka ndleleni leyi nzi mu leleteleko yona; ni makhombo ma ta mu chikelela hi zikhati za ha tako; hakuva nwina mu ta maha kubiha mahlweni ka Jehova; mu ta mu zangarisa hi mitiro ya mandla ya nwina.
Tlharihani, mu nga rivali a xivumelwano lexi Jehova Nungungulu wa nwina a xi mahileko zinwe na nwina, mu nga tlheleli ka xifananiso xi vatlilweko, xi fananisako lezi Jehova Nungungulu wa wena a ku tsimbetelako zona.
Laha u ta nga beleka a vanana ni vazukulu, ni laha mu ta nga ngha mu tshamile kale lomo, zonake mu ti onha, ni loku mu ti vatlela zifananiso leʼzi fananisako kani hi xihi xilo, mu maha kubiha mahlweni ka Jehova Nungungulu wa nwina, mu mu zangarisa,
U nga ti maheli xifananiso xi vatlilweko xa zilo lezi zi nga le hehla tilweni, ni xa lezi zi nga lahasi misaveni, hambu ni xilo xa lezi zi nga lomu matini lahasi ka misava.
U nga zi khizameli, hambu ni ku zi khozela; hakuva mina Jehova Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako. Ekso. 34:7; Mitse. 14:18; Jer. 32:18
Jehova i te ngalo ka mina: Suka, u hatlisa u relela, hakuva a vanhu va wena lava u va humesileko le Gipite va onhile; va hatlisile ku hambuka a ndleleni leyi nzi va leleteleko yona; va ti mahele xifananiso xi chululweko. Ekso. 32:7
Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23
