Deuteronome 4:10 - Tshwa Bible

¹⁰ hi siku lego u nga yima ha gona mahlweni ka Jehova Nungungulu wa wena le Horebe, xikhati lexo Jehova a ngaku ka mina: Tsombanyisa vanhu kasi va tazwa a timhaka ta mina, kasi va fela ku gonza ku nzi chava ka wontihe masiku lawa va ta nga hanya laha misaveni, kasi va fela ku gonzisa a vanana vabye.

Deuteronome 4:10 교차 참조

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Tisimu 145:4

A xizukulwana xi ta hlawutela mitiro ya wena ka xinwani, Xi ta khesa a mitiro ya wena ya hombe. Deut. 4:10

Eksodusi 19:1

Makunu anzhako ka tihweti tinharu, kusukela kuhumeni ka vaIsraeli hi le Gipite, va lo chikela xiwuleni xa Sinai hi siku lego.

Eksodusi 19:11

va ti longisela a siku ga wunharu, hakuva hi siku ga wunharu Jehova i ta relela le xitsungeni xa Sinai mahlweni ka vanhu vontlhe.

Eksodusi 19:16

Hi siku ga wunharu laha na gi cile, ku wa hi kona kudzinza ni kuhatima, ni refu legi ga ntima na gi hi hehla ka xitsunga; ni kuvuma loku ka hombe ka punzu ku lo tinga. Zonake a vanhu vontlhe lava va nga hi lomu wugovelweni va lo rurumela.

Eksodusi 19:9

Zinghaho Jehova aku ka Mosi: Nzi tata ka wena hi refu ga ntima, kasi a vanhu va fela ku zizwa loku nzi wulawula na wena, va ta fela ku ku tsumba wontihe masiku. Zonake Mosi i lo tshama a hlawutela Jehova a timhaka ta vanhu.

Eksodusi 20:18

A vanhu vontlhe va lozwa kudzinza ni kuvuma ka punzu; va wona a kuhatima, ni xitsunga loku xi kari xi tuvika musi. Laha a vanhu va nga wa wona lezo, va lo rurumela nguvu, va yima kule. Maheb. 12:18

Eksodusi 20:20

Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Isaya 38:19

A vahanyako, ina, a vahanyako va ta ku dumisa, Khwatsi hi lezi nzi mahako nyamutlha; A vadadani va ta kanela ka vanana vabye a kutsumbeka ka wena.

Luka 1:50

A zizukulwaneni zontlhe a wuxinji gakwe gi ka lava va mu chavako.

Deuteronome 11:19

mu ta ti gonzisa ka vanana va nwina, mu wulawula ha tona lomu tindlwini ta nwina, ni lomu kufambeni ka nwina, ni lomu kuetleleni ka nwina, ni lomu kuvukeni ka nwina;

Deuteronome 12:1

Leyi hi milayo ni zileletelo lezi mu ta nga zi hlayisa tikweni legi Jehova Nungungulu wa vararu va nwina a mu nyikileko ku ya gi fumela ka wontihe masiku lawa mu ta nga hanya laha misaveni.

Deuteronome 14:23

U ta yaga mahlweni ka Jehova Nungungulu wa wena, laha ka wutshamu lego a ta nga hlawula a ku veka a vito gakwe laho, a za wukhume za mavele ya wena, ni za vinya ga wena, ni za mafura ya wena, ni za matewula ya zifuyo za wena za hombe ni lezi za zitsongwani, kasi wa fela ku gonza ku chava Jehova Nungungulu wa wena ka wontihe masiku.

Deuteronome 17:19

Yena i ta tshama nago, kasi a fela ku gonza lomu ka gona a masiku wontihe ya kuhanya kakwe, lezaku a gonza ku chava Jehova Nungungulu wakwe, ni ku hlayisa a timhaka ta lowu nayo ni zileletelo za kona, a zi maha;

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7

Deuteronome 5:2

Jehova Nungungulu wa hina i mahile xivumelwano zinwe na hina le Horebe. Ekso. 19:5

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Deuteronome 6:2

kasi u fela ku chava Jehova Nungungulu wa wena, na u kari u hlayisa yontlhe milayo yakwe, ni zileletelo zakwe lezi nzi ku byelako; u ta zi hlayisa wontihe masiku ya wutomi ga wena, wena ni nʼwana wa wena, ni zukulu wa wena, kasi masiku ya wena ma ta anza.

Deuteronome 6:7

U ta yi gonzisa ka vanana va wena, u wulawula ha yona lomu ndlwini ka wena, ni lomu kuenzeni ka wena, ni kuetleleni ka wena, ni kuvukeni ka wena.

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Kuvululelwa 19:5

A gezu gi lo huma xitshanwini xa wuhosi, giku: Khesani Nungungulu wa hina, nwina malanza yakwe nwentlhe, nwina lava mu mu chavako, a vatsongwani ni vahombe. Tis. 134:1; 135:1

1 Samueli 12:24

Ntsena lezaku chavani Jehova, mu mu khozela hizinene hi timbilu ta nwina tontlhe; hakuva cuwukani mitiro ya hombe leyi a yi mahileko xikari ka nwina.