Deuteronome 30:3 - Tshwa Bible

³ Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

Deuteronome 30:3 교차 참조

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 48:21

Zonake Israeli aku ka Josefa: Nzi tafa; kanilezi Nungungulu i tava na nwina, i ta mu tlhelisa muya tikweni ga vakoko va nwina.

1 Kronekele 16:35

Wulani muku: Nungungulu, muhanyisi wa hina, hi hlangute! Hi tsombanyise, u hi tlhatlhisa xikari ka vamatiko, Kasi ha fela ku bonga a vito ga wena go basa, Hi bhuma hi wudumo ga wena.

Nehemia 1:9

kanilezi loku mu tlhelela ka mina, mu hlayisa a zileletelo za mina mu zi maha, hambu loku mu hoxilwe muya magemeta-musi ya tilo, nzi ta va tsombanyisa nzi va wuyiseta wutshanwini legi nzi hlawuleko a kuva wuakelo ga vito ga mina.

Joba 42:10

Zonake Jehova i lo tlhatlhisa Joba wukhumbini gakwe anzhako na a kombelele vanghana vakwe; na Jehova i lo anzisa ha kumbiri lezi Joba a nga wa hi nazo.

Tisimu 107:3

A va tsombanyisileko hi lomu matikweni: Hi le Mutsuwuka-gambo, ni le Muhlwa-gambo, le Nwalungu ni le Dzongeni. Deut. 30:3; Isa. 43:5

Tisimu 147:2

Jehova wa vuxa Jerusalema, Wa tsombanyisa lava va hangalisilweko va Israeli. Deut. 30:4; Isa. 11:12

Isaya 27:12

A ka xikhati lexo Jehova i ta kolela mihanzu, Kusukela nzelelweni wa Congo kala congweni wa Gipite, Zonake nwina mu ta vingeretelwa ha munwe-munwe, nwina vana va ka Israeli.

Isaya 43:5

U nga chavi, hakuva nzi zinwe na wena; Nzi ta neha a vanana va wena hi le Mutsuwuka-gambo, Nzi ku tsombanyisa u huma hi le Muhlwa-gambo.

Isaya 54:7

Nzi ku tsikile xikhatanyana, Kanilezi nzi ta tlhela nzi ku wuyisa hi tipswalo ta hombe.

Isaya 56:8

Hosi Jehova loyi a tsombanyisako a vaIsraeli Lava va nga hi wukhumbini, i ngalo: Nzi ta tsombanyisa vanwani, Nzi va tlhanganyisa ni lava va sinako va tsombanyisilwe.

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 31:10

Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.

Mikosi 3:32

Hakuva loku a vanga hlomulo, Wa mahela wuxinji hi wunyingi ga wunene gakwe.

Ezekieli 11:17

Hikwalaho u taku: Hosi Jehova i ngalo: Nzi ta mu hlengeletela hi ka matiko lawa mu nga hangalaswa ka wona, nzi ta mu nyika a tiko ga ka Israeli.

Ezekieli 36:24

Nzi ta mu humesa lomu xikari ka matiko, nzi mu tsombanyisa hi le matikweni wontihe, nzi mu yisa tikweni ga nwina.

Ezekieli 39:28

Va ta zi tiva lezaku hi mina Jehova a Nungungulu wabye, loyi nzi nga va yisile matikweni va hi tikhumbi, nzi tlhela nzi va tsombanyisa lomu tikweni gabye, nzi nga ta siya ni munwe wabye lenzhako,

Mika 7:19

U ta tlhela u hi zwela wusiwana, u kanzihela a zigoho za hina; u ta hoxa zontlhe zionho za hina bimbini.

Zakaria 10:9

Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.

Va le Roma 11:23

Na vonawu loku va tsika a kungakholwi kabye, va ta tlhomiwawu, hakuva Nungungulu i na ni ntamu a ku va tlhoma kona kambe. 2 Kor. 3:16

Va le Roma 11:26

zonake a vaIsraeli vontlhe va ta hanyiswa, kota lezi ku tsalilweko, ku ngalo: Ku ta huma a Mutlhatlhisi hi le Zioni, I ta susa a zivi zontlhe ka Jakobe. Tis. 14:7; Isa. 60:15; Jer. 3:18

Va le Roma 11:31

hizalezo na vonawu a va ingisangi, lezaku kasi hi wuxinji legi gi mahelweko nwina, na vonawu va fela ku mahelwa wuxinji.

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

Deuteronome 4:27

Jehova i ta mu hangalasa xikari ka matiko, zonake mu ta siyiwa mu hi tsengwana wutsongwani xikari ka matiko lawo Jehova a ta nga mu yisa ka wona.