Deuteronome 26:8 - Tshwa Bible

⁸ Na Jehova i lo hi humesa le Gipite hi canja ga ntamu na hi woko gi nawulutilweko, ni xichabyo xa hombe, zinwe ni ziwoniso ni masingita.

Deuteronome 26:8 교차 참조

Eksodusi 12:37

Zonake a vanana va ka Israeli va lo suka Ramsese, vaya Sukote, va wa hi 600,000 wa vavanuna, ku nga hlayiwi ni vanana.

Eksodusi 12:41

Zonake a kugumeseni ka 430 wa malembe, hi siku lego a mabandla wontihe ya Jehova ma nga huma tikweni ga Gipite.

Eksodusi 12:51

Hi lego siku, Jehova i lo humesa a vanana va ka Israeli le tikweni ga Gipite hi mabandla yabye.

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Jeremia 32:21

u lo humesa vanhu va wena va Israeli hi le tikweni ga Gipite hi ziwoniso ni mahanjalati, hi canja ga ntamu ni woko gi nawulutilweko, ni kuchavisa ko tshisa. Ekso. 6:6; 13:3, 14; 2 Sam. 7:23

Deuteronome 34:11

ni zontlhe ziwoniso ni masingita lawa Jehova a nga wa mu ruma ku maha mahlweni ka Faro le tikweni ga Gipite, ni mahlweni ka wontihe malanza yakwe, ni mahlweni ka gontlhe tiko gakwe;

Deuteronome 34:12

ni ntamu wakwe wa hombe, ni mitiro yontlhe leyi yi chavekako, leyi Mosi a nga yi maha mahlweni ka vontlhe va ka Israeli.

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?

Deuteronome 5:15

Hakuva u fela ku alakanya lezaku wenawu u wa hi xitiri le tikweni ga le Gipite, kanilezi Jehova Nungungulu wa wena i ku humesile hi canja ga ntamu gi tlakukileko, hikwalaho Jehova Nungungulu wa wena i ku leletele ku hlayisa a siku ga Sabado.