Deuteronome 26:2 - Tshwa Bible

² u ta teka mihanzu yo ranga yontlhe leyi u yi kumileko lomu tikweni legi Jehova Nungungulu wa wena a ku nyikileko gona, u yi chela lomu xirunzwini, u famba nayo ka wutshamu lego Jehova Nungungulu wa wena a ta nga gi hlawula ku aka a vito gakwe laho.

Deuteronome 26:2 교차 참조

2 Tihosi 4:42

Makunu laho ku lota a munhu hi le Baal-Xalixa a neha zakuga ka munhu wa Nungungulu, a zibaba za mihanzu yo ranga, 20 wa zibaba za sevada ni mavele ya zipfhaki zo tsakama lomu kwameni wakwe. Elixa i te ngalo kakwe: Nyika a vanhu lava vaga! Mitse. 18:31; Mat. 14:15; Joh. 6:5

2 Kronekele 31:5

Zalezo laha a xileletelo na xi tiyisilwe, a va ka Israeli va lo humesa mihanzu yinyingi yo ranga ya mavele, ni ya vinya, ni ya mafura, ni ya wulombe, ni ya mihanzu yontlhe ya masimu; va lo neha mihanzu yinyingi ya za wukhume.

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

Nehemia 12:44

A siku lego ku lo hlawulwa a vahlayisi va tikwaruto ta mihlengo, a minyikelo ya kunziwitela, a mihanzu yo ranga, a za wukhume, va veketela ka tona maringano ni masimu ya miti, ni zipanze lezi zi yimisilweko hi nayo za vapristi ni vaLevi; hakuva Juda i wa tsaka hi lezi a vapristi ni vaLevi va nga wa tlhelile va yima mahlweni ka Nungungulu.

Nehemia 13:31

nzi sasisa ni ntiro wa hlengo wa tihunyi, hi zikhati zi yimisilweko, ni wa mihanzu yo ranga. Nungungulu wa mina, nzi alakanye, u nzi mahela kusasa.

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Eksodusi 22:29

U nga hlweli a ku humesa a munyikelo wa mavele ya wena, ni wa vinya ga wena. U ta nzi nyika a matewula ya vana va wena.

Eksodusi 23:16

U ta hlayisa ni mutlhangano wa kuhula, wu nga wa mihanzu ya ntiro wa wena wa lezi u byeleko masinwini. Va ta hlayisa ni mutlhangano wa kuhlengeletela, kugumeseni ka lembe, loku u hlengeletele a mitiro ya masimu ya wena.

Eksodusi 23:19

A mihanzu yo sangula ya tiko ga wena, u ta yi neha ndlwini ya Jehova, Nungungulu wa wena.

Eksodusi 34:26

A mihanzu yo ranga ya masimu ya wena, u ta yi neha lomu ndlwini ya Jehova, Nungungulu wa wena. U nga dzuki u bhika a ximhutana hi mafi ya nyine wa xona.

Jeremia 2:3

Israeli i wa basiselwe Jehova, A mbhanzu wo ranga wa kutshovela kakwe; Vontlhe lava va mu gako va tava ni nanzu, Va ta humelwa hi khombo, ku wula Jehova. Jak. 1:18

Ezekieli 20:40

Hakuva vontlhe va yindlu ya ka Israeli, vontlhe lava va nga lomu tikweni, va ta nzi khozela lomu xitsungeni xa mina xo basa, a xitsunga xo tlakuka xa ka Israeli, ku wula Hosi Jehova. Laho nzi ta va tsakela, nzi amukela kona a minyikelo ya nwina, ni milangelwa ya zinyikiwo za nwina, ni zontlhe lezi mu zi basiselako mina.

Ezekieli 44:30

Leʼza chukwana za mihanzu yontlhe yo ranga, ni minyikelo yontlhe yi nyikwako Nungungulu yi tava ya vapristi. Kambe mu ta nyika vapristi a mapa ya nwina yo ranga, kasi ku tisa makatekwa ndlwini ya wena. Ekso. 23:19; Mitse. 15:20; 18:12

Ezekieli 48:14

Va nga ta xavisa ni xilo xa gona, ge hambu ku fambisa; ni mihanzu ya gona yo ranga yi nga ta yisiwa kunwanyani, hakuva gi basile ka Jehova.

Levi 2:12

Mu ta zi neha ka Jehova zinwe ni munyikelo wa mihanzu yo ranga, kanilezi ngha zi nga hiswi laha alatini, khwatsi hi munyikelo wa masema yo nanziha. 2 Kro. 31:5

Levi 2:14

Loku u nyikela ka Jehova a munyikelo wa mihanzu yo ranga, u ta nyikela miponwani yiswa leyi yi wocilweko nzilweni, na yi hi miponwani yi nene leʼyi tlokolilweko.

Va le Roma 11:16

Loku a xibaba xo sangula xi basile, yi basile ni mbila yontlhe; ni loku a mutsu wu basile, ma maha lezo ni maravi. Levi 23:10

Va le Roma 16:5

Rungulani ni bandla legi gi nga lomu ndlwini yabye. Mu rungula na Epenetusi a xiranzwa xa mina, loyi a nga mbhanzu wo ranga ka Kristu le Asia. 1 Kor. 16:19; Kol. 4:15; File. 2

Va le Roma 8:23

Na ku nga hi lezo ntsena, kanilezi na hinawu, lava hi nga ni mbhanzu wo ranga wa Moya, hina kambe ha keta moyeni na hi kari hi rinzela a ku mahiwa vana, lezo hiku ngalo, a kutirulwa ka miri wa hina. Lu. 20:36; 2 Kor. 5:5

1 Va le Korinte 15:20

Kanilezi futsi Kristu i vukile hi ka vafileko, hi yena matewula ya vona lava va etleleko. Miti. 26:23; 1 Ped. 1:3

1 Va le Korinte 15:23

Kanilezi munwe ni munwani i ta vuka hi xikhati xakwe; a matewula hi Kristu; zonake lava va nga va Kristu va ta vuka a kuwuyeni kakwe. 1 Tes. 4:15

1 Va le Korinte 16:2

Hi siku go ranga ga viki, ngha loyi ni loyi a ti vekela kota lezi a zi kumileko, kasi ku nga mahiwi hlengo loku nzi chikele. Miti. 20:7; Gal. 2:10

Deuteronome 16:10

zonake u ta mahela Jehova Nungungulu wa wena a mubuzo wa maviki; u nyikela hi kuranza ka mbilu ya wena, khwatsi hilezi Jehova Nungungulu wa wena a ku katekisileko ha zona.

Deuteronome 18:4

Ni kambe u ta mu nyika a mihanzu yo ranga ya mavele ya wena, ni ya vinya ga wena, ni ya mafura ya wena, ni woya go ranga ga tiyivu ta wena;

Deuteronome 26:1

Laha u ta nga chikela a tikweni legi Jehova Nungungulu wa wena a ku nyikileko lezaku gi maha tshomba ya wena, ni loku u gi khozisile, na u akile ka gona,

Deuteronome 26:3

U taya ka mupristi loye a ta ngava kona ka lawo masiku, u yaku: Inyamutlha nza ti bika ka Jehova Nungungulu wa wena, lezaku nzi chikele lomu tikweni legi Jehova a hlambanyileko ka vararu va hina ku hi nyika gona.

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

Joxua 18:1

Ni wontihe tlhangano wa vanana va ka Israeli wu lo tlhangana le Xilo; zonake va lo yimisa a tenda ga mutlhangano, hakuva va wa khozisile tiko. Jer. 7:12

Kuvululelwa 14:4

Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9