30 Kanilezi Sihoni a hosi ya Hexboni i lo ala a kuva hi tsemakanya kontlhe lomo, hakuva Jehova Nungungulu wa wena i nonohisile a mbilu yakwe, kasi a fela ku mu nyikela canjeni ga wena kota lezi zi mahekileko.
Zinghaho a hosi a yi ingisangi a timhaka ta vanhu, hakuva i kungo gi nga wa longisilwe hi Jehova, kasi ku fela ku maheka lezi a zi wulileko hi nomu wa Ahija a muXiloni ka Jeroboamu nʼwana Nebate.
Zinghaho a hosi a yi ingisangi za vanhu, hakuva zi wa hi za le ka Nungungulu, kasi ku fela ku tatiseka a gezu ga Jehova legi a gi wulileko xungetano na Jeroboamu nʼwana Nebate hi nomu wa Ahija a muXiloni.
Mosi na Aroni va lo maha zihlamaliso zontlhe lezi mahlweni ka Faro; kanilezi Jehova i lo nonohisa a mbilu ya Faro, a alela a vanana va ka Israeli a ku huma tikweni gakwe. 1 Sam. 6:6
Zonake Jehova aku ka Mosi: Lezi wena u tlhelako kuya Gipite, alakanya zihlamaliso zontlhe lezi nzi zi vekileko canjeni ga wena, u ta ya zi maha mahlweni ka Faro; kanilezi mina nzi ta nonohisa a mbilu yakwe, a nga vumeli a vanhu ku famba.
Kanilezi Sihoni a nga vumelangi va ka Israeli ku tsemakanya lomu tikweni gakwe; Sihoni i lo hlomisa a vanhu vakwe vontlhe va huma ku ya vukela va ka Israeli le xiwuleni; va lota le Johaza va talwa na Israeli.
Zonake va lo hunzuluka va kanziha hi tlhelo ga le Baxani. Ogi a hosi ya le Baxani zinwe ni vanhu vakwe vontlhe va lo huma va va tlhangaveta le Edrei, va lava kulwa navo. Deut. 3:1; 29:7
Zonake Jehova aku ngalo ka Mosi: U nga mu chavi, hakuva nzi mu nyikele canjeni ga wena, yena ni vanhu vakwe vontlhe ni tiko gakwe gontlhe. U ta maha ka yena kota lezi u mahileko ka Sihoni, a hosi ya maAmori, loyi a nga wa akile le Hexboni.
Jehova i te ngalo ka mina: Languta, nzi sangule ku nyikela Sihoni ni tiko gakwe mahlweni ka wena. Sangula ku gi khozisa, kasi a tiko gakwe giva tshomba ya wena.
Kanilezi Sihoni a nga vumelangi va ka Israeli ku tlula mbhingano wakwe. I lo tsombanyisa vontlhe vanhu vakwe va ya gova le Jahaza, valwa ni va ka Israeli.
