Deuteronome 13:5 - Tshwa Bible

⁵ A muprofeti loye, kutani mulori loye, i ta dawa; hakuva i kucetele vanhu ku hluwuka ka Jehova Nungungulu wa nwina, loyi a mu humesileko tikweni ga le Gipite, a mu tlhatlhisa ndlwini ya wukhumbi; a lava ku mu hambukisa ndleleni ya Jehova Nungungulu wa nwina, leyi a mu leleteleko ku famba ha yona. Hikwalaho mu ta susa lezi zo biha xikari ka nwina.

Deuteronome 13:5 교차 참조

1 Tihosi 13:19

Zinghaho a munhu wa Nungungulu i lo tlhela naye, a yaga zakuga ni kunwa mati lomu ndlwini yakwe.

1 Tihosi 18:40

Zonake Elija i te ngalo kabye: Khomani vaprofeti va Baali, ku nga poni ni munwe! Va lo va khoma. Zonake Elija i lo relela navo le xicongwaneni xa Kixoni, a ya va daya leyo. Deut. 11:5; 18:20

2 Kronekele 34:31

A hosi yi lo yima wutshanwini ga yona yi maha xivumelwano mahlweni ka Jehova ku lanzela Jehova ni ku hlayisa milayo yakwe, ni wukustumunyu gakwe, ni zileletelo zakwe, hi mbilu yakwe yontlhe, ni muhefemulo wakwe wontihe, ni ku lanzela a timhaka ta xivumelwano leti ti tsalilweko lomu bhukwini.

Jeremia 14:15

Hikwalaho Jehova i wula lezo xungetano ni vaprofeti lava va profetako hi vito ga mina, na nzi nga va rumangi, lava va nge ngalo: A supado ni ndlala zi nga tava kona a tikweni legi, aku: A vaprofeti lavo va ta lobyiswa hi supado ni ndlala.

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

Jeremia 50:6

A vanhu va mina va wa hi tiyivu leti ti lahlekileko. Va hambukisilwe hi varisi vabye, va va tsika lomu zitsungeni. Va pepetsekile lomu zitsungeni vaya migangeni, va kohlwa hi ranga gabye.

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Zakaria 13:3

Ku taku ni wihi a ta nga profeta, zonake a raru wakwe ni nyine wakwe lava va mu belekileko, va taku kakwe: U yimelwe hi kufa, hakuva u wulawula mawunwa vitweni ga Jehova! A raru wakwe ni nyine wakwe lava va mu belekileko va ta mu tlhava loku a profeta.

Mitiro 13:8

Kanilezi Elima, (kutani Mungoma, hakuva a vito gakwe gi wula lezo,) i lo va vukela, na a xuva ku hambukisa a hosana kukholweni.

1 Va le Korinte 5:13

kanilezi Nungungulu i ta lamula lava va nga lahandle. Hlongolani a munhu wa kubiha xikari ka nwina. Mutsa. 12:14; Maheb. 13:4

Deuteronome 13:10

U ta mu gandla hi maribye kala afa; hakuva yena i wa lava ku ku kokela kule na Jehova Nungungulu wa wena, loyi a ku humesileko tikweni ga le Gipite, ni le ndlwini ya wukhumbi.

Deuteronome 13:15

zonake u ta daya vontlhe vanhu va muti lowo, u wu hahlula ni zontlhe lezi zi nga ka wona, u daya ni zifuyo zabye hi tlhari.

Deuteronome 13:9

Kanilezi u ta mu daya futsi; ni canja ga wena gi ta sangula ku mu gandla, zonake mawoko ya vontlhe vanhu va ta lanzela.

Deuteronome 17:5

zonake wena u ta humesa loye wanuna kutani loye wasati lahandle ka muti, u ta mu gandla hi maribye loye wanuna kutani wasati, afa. Ekso. 22:20

Deuteronome 17:7

A mandla ya vakustumunyu hi wona ma ta nga ranga ma tlhateka hehla kakwe ku mu daya, zonake ku lanzela a mandla ya vontlhe vanhu. Hi ku maha lezo mu ta susa lezi zo biha xikari ka nwina.

Deuteronome 18:20

Kanilezi a muprofeti loye a ta nga ti kukumukisa hi ku wulawula hi vito ga mina, a timhaka leti nzi nga mu leletelangiko ku ti wulawula, ni loku a wulawula hi mavito ya vanwani vanungungulu, a muprofeti loye i tafa.

Deuteronome 19:19

zonake mu ta mu maha lezi a nga wa lava lezaku zi mahiwa ka wakelane wakwe, mu susa kubiha xikari ka nwina.

Deuteronome 22:21

va ta mu humesa laha nyangweni ya yindlu ya raru wakwe, zonake a vanhu va muti wabye va ta mu gandla hi maribye, kala afa, hakuva i mahile a zilo zo nyenyeza nguvu ka Israeli hi ku bhaya lomu ndlwini ka raru wakwe. Hikwalaho u ta susa kubiha xikari ka nwina.

Deuteronome 22:24

mu ta va humesa hi wumbiri gabye lahandle ka muti lowo, mu va gandla hi maribye, vafa; a nhwana i tafa hakuva a nga bangi huwa laho mutini, ni wanuna i tafa hakuva i koramisile a sati wa wakelane wakwe. Hikwalaho u ta susa kubiha xikari ka wena.

Deuteronome 24:7

Loku munhu a yiva munhu wa vamakabye vakwe a xikari ka vanana va ka Israeli, a mu maha khumbi yakwe, kutani a mu xavisa, a khamba lego gi tafa; kasi wa fela ku susa kubiha xikari ka wena. Ekso. 21:16; 1 Tim. 1:10

Deuteronome 26:14

Mina a nzi gangi ha zona lomu hlomulweni wa mina, mina a nzi hungulangi nchumu na nzi hi loye a nga basangiko, hambu ni ku nyikela nchumu xa zona hi kota ya vafileko. Nzi ingisile a gezu ga Jehova Nungungulu wa mina, ni kambe nzi mahile zontlhe khwatsi hi lezi u nzi leleteleko.

Deuteronome 4:19

Ni loku u tlakusa a mahlo ya wena le tilweni u wona gambo ni hweti, ni tinyeleti, ni wontihe mabandla ya le tilweni, u nga dzuki u navela ku khizama mahlweni ka zona u zi khozela; hakuva Jehova Nungungulu wa wena i nyikile lezi zilo ka wontihe matiko ma nga lahasi ka tilo, lezaku zi tava tshomba ya wona. 2 Tih. 21:5; Jer. 8:2

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Deuteronome 7:4

Hakuva va ta hambukisa a vana va wena va nzi fularela, zonake va ya khozela vanwani vanungungulu, kwalahoke a zanga ya Jehova yi ta vura hehla ka nwina yi mu lovisa hi kuhatlisa.

Joxua 23:8

Kanilezi namarelani ka Jehova Nungungulu wa nwina, khwatsi hi lezi mu mahileko kala nyamutlha.

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Valamuli 20:13

Hi nyikeni vanyamijiri lavo va nga lomo Gibea hi Va daya, hi hlaza kubiha xikari ka Israeli. Kanilezi a va ka Benjamini va lo ala ku ingisa vamakabye vabye va ka Israeli.

1 Samueli 12:14

Loku nwina mu chava Jehova, ni loku mu mu khozela, mu ingisa a gezu gakwe, mu nga ali zileletelo za Jehova, nwina ni hosi ya nwina leyi yi mu fumelako, mu ta maha valanzeli va Jehova Nungungulu wa nwina.